Davlat-tijorat xalq bankining “Uz-toʼlov” toʻlov tizimi orqali chakana toʻlovlarni amalga oshirish tartibi toʻgʻrisidagi nizomni tasdiqlash haqida (1972-son)
20.06.2009
Oʻzbekiston Respublikasi Markaziy banki boshqaruvi
Qarori
[Oʻzbekiston Respublikasi Adliya vazirligi tomonidan 2009-yil 20-iyunda 1972-son bilan davlat roʻyxatidan oʻtkazilgan]
Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonunining 3, 7 va 17-moddalariga muvofiq Oʻzbekiston Respublikasi Markaziy banki Boshqaruvi qaror qiladi:
1. Davlat-tijorat Xalq bankining “Uz-toʼlov” toʻlov tizimi orqali chakana toʻlovlarni amalga oshirish tartibi toʻgʻrisidagi nizom ilovaga muvofiq tasdiqlansin.
2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgandan soʻng, oʻn kundan keyin kuchga kiradi.
Markaziy bank raisi F. MULLAJONOV
Toshkent sh.,
2009-yil 16-may,
15/2-son
Markaziy bank Boshqaruvining 2009-yil 16-maydagi 15/2-sonli qaroriga ILOVA
Davlat-tijorat Xalq bankining “Uz-toʼlov” toʻlov tizimi orqali chakana toʻlovlarni amalga oshirish toʻgʻrisida
NIZOM
Mazkur Nizom Oʻzbekiston Respublikasining “Oʻzbekiston Respublikasining Markaziy banki toʻgʻrisida” (Oʻzbekiston Respublikasi Oliy Majlisining Axborotnomasi, 1995-y., 12-son, 247-modda), “Banklar va bank faoliyati toʻgʻrisida” (Oʻzbekiston Respublikasi Oliy Majlisining Axborotnomasi, 1996-y., 5-6-son, 54-modda), “Elektron toʻlovlar toʻgʻrisida” (Oʻzbekiston Respublikasi qonun hujjatlari toʻplami, 2005-y., 51-son, 373-modda), “Elektron raqamli imzo toʻgʻrisida”gi qonunlariga (Oʻzbekiston Respublikasi Oliy Majlisining Axborotnomasi, 2004-y., 1-2-son, 12-modda), Oʻzbekiston Respublikasi Prezidentining 2009-yil 6-apreldagi “Tijorat banklari depozitlariga aholi va xoʻjalik subyektlari boʻsh pul mablagʻlarini jalb etishni yanada ragʻbatlantirish qoʻshimcha chora-tadbirlari toʻgʻrisida” PQ–1090-sonli qaroriga (Oʻzbekiston Respublikasi qonun hujjatlari toʻplami, 2009-y., 15-son, 181-modda) muvofiq “Uz-toʼlov” toʻlov tizimi (bundan keyingi oʻrinlarda — Tizim) orqali chakana toʻlovlarni amalga oshirish tartibini belgilaydi.
I. Umumiy qoidalar
1. Mazkur Nizomda quyidagi asosiy tushunchalardan foydalaniladi:
Amaliyot punkti — operatorning tizimdagi avtomatlashtirilgan ish joyi;
Veb-interfeys — operator yoki toʻlovchi tomonidan toʻlov rekvizitlarini kiritish uchun muloqot darchasi;
identifikator — operator toʻgʻrisidagi maʼlumotlarni saqlash va uni identifikatsiya qilish va amaliyot punktini Tizimga ulanishini taʼminlash uchun foydalaniladigan qurilma;
maxsus hisobvaraq — toʻlovchining bank hisobvaraqlaridan farqlanadigan va uni identifikatsiya qilish hamda naqd pulsiz toʻlovlarni amalga oshirish uchun qoʻllaniladigan Tizimdagi shaxsiy hisobvaragʻi;
oluvchi — tovarlar (xizmatlar) yetkazib beruvchi tomonidan toʻlovlarni Tizim orqali oluvchi;
operator — tizimda naqd pullarni qabul qilish va toʻlovlarni amalga oshirish vazifalarini bajaruvchi moddiy javobgar shaxs;
SMS-xabar — tizim tomonidan shakllantirilgan va toʻlovni amalga oshirilishi natijalari boʻyicha toʻlovchining mobil telefoniga uzatilgan elektron maʼlumot;
tashqi operator — Oʻzbekiston Respublikasining “Elektron toʻlovlar toʻgʻrisida”gi Qonuniga (Oʻzbekiston Respublikasi qonun hujjatlari toʻplami, 2005-y., 51-son, 373-modda) muvofiq va Davlat-Tijorat Xalq banki (bundan keyingi oʻrinlarda — DT Xalq banki) bilan tuzilgan shartnoma asosida Tizimga ulangan DT Xalq bankining boʻlinmasi boʻlmagan tijorat banki operatori yoki boshqa yuridik shaxslar;
chakana toʻlovlar — aholining tadbirkorlik faoliyati bilan bogʻliq boʻlmagan shaxsiy, oilaviy yoki boshqa maqsadlarda foydalanilgan tovar (xizmatlar) uchun isteʼmol toʻlovlari;
chek — amaliyot punkti tomonidan toʻlovchiga taqdim qilinadigan va toʻlovning amalga oshirilganligini tasdiqlovchi maʼlumot hujjati;
elektron toʻlov — texnika vositalaridan, axborot texnologiyalaridan va axborot tizimlari xizmatlaridan foydalangan holda naqd pulsiz hisob-kitoblarni amalga oshirish.
2. Tizim chakana toʻlovlarni toʻlovchilar — jismoniy shaxslardan oluvchilar foydasiga qabul qilish hamda milliy valyutadagi pul oʻtkazmalarini amalga oshirish uchun moʻljallangan.
3. Tizim aholidan toʻliq avtomatlashtirilgan holda real vaqt rejimida toʻlovlarni qabul qilish, qayta ishlash va bank tizimi bilan muvofiqlikda ishlashni taʼminlaydi hamda mijozlarga ixtiyoriy qulay usulda — naqd pul bilan, bank kartasi bilan, ommaviy oʻz-oʻziga xizmat koʻrsatuvchi toʻlov-maʼlumot terminallari (infokioskalari) va terminallardan foydalangan holda, hisobvaraqlarni masofadan turib boshqarish tizimlari orqali hamda mobil telefonlari qoʻllagan holda toʻlovlarni amalga oshirish imkonini beradi.
4. Toʻlovlarni amalga oshirish sxemasi 1-ilovada keltirilgan.
II. DT Xalq banki va oluvchining oʻzaro munosabatlari
5. Oluvchi Tizimga ulanish uchun toʻlovchilarning maʼlumotlar bazasiga ega boʻlishi kerak. Toʻlovchilarning maʼlumotlar bazasini Tizim bilan oʻzaro bogʻlash boʻyicha texnik masalalar oluvchi va DT Xalq banki dastur yaratuvchilari tomonidan ish jarayonida hal etiladi.
6. DT Xalq banki va oluvchi oʻrtasida tuzilgan shartnoma toʻlovlarni qabul qilishni amalga oshirish uchun asos boʻladi.
7. Oluvchi foydasiga qabul qilingan toʻlovlar boʻyicha vositachilik haqi tomonlarning oʻzaro kelishuviga binoan aniqlanadi va shartnomada aks ettiriladi.
8. Toʻlovni amalga oshirish uchun oluvchi va DT Xalq bankining oʻzaro shartnomasida oʻrnatilgan vositachilik haqidan tashqari, qandaydir qoʻshimcha ustama oʻrnatilishi va toʻlovchidan olinishi man etiladi.
9. Toʻlovchilar hisobini yuritishning markazlashgan bazasi tashkil etilgunga qadar, DT Xalq banki boʻlinmalari har kuni toʻlovchilarning shaxsiy hisobvaraqlariga kiritish uchun elektron koʻrinishdagi toʻlovlar reyestrini dasturiy ravishda shakllantiradi va oluvchiga taqdim qiladi (2-ilova).
III. Amaliyot punktlarini Tizimga kirishini tashkil etish
10. Toʻlovlarni qabul qilishning shartlaridan kelib chiqib, Tizimga kirishning turli usullari koʻzda tutiladi:
a) Shaxsiy kompyuterning veb-interfeysi orqali — bu holda koʻp funksiyali ilovalar bilan ishlash, barcha kerakli xizmatlardan foydalanish, kvitansiya va boshqa hujjatlarni chop etish mumkin. Bunda Tizim bilan ulanish uchun quyidagilar boʻlishi zarur:
operatorga shaxsiy login va parol ajratilgan holda bankning axborot tizimida roʻyxatdan oʻtkazilishi;
bank xavfsizlik xizmati tomonidan berilgan identifikatorning mavjudligi;
umumiy foydalanishdagi telekommunikatsiya tarmogʻi yoki boshqa aloqa kanallari mavjudligi;
b) Toʻlov terminali orqali — bu holda funksiyalar toʻplami cheklangan boʻlib, faqat toʻlovlarni amalga oshirish, cheklarni chop etish mumkin;
v) Internetga ulangan mobil telefon orqali — bu holda funksiyalar toʻplami cheklangan boʻlib, faqat toʻlovlarni amalga oshirish, cheklarni chop etish mumkin.
11. DT Xalq bankidan boshqa tijorat banklari, shuningdek, boshqa yuridik shaxslar Tizimga ulanishlari uchun DT Xalq bankiga yoki uning tegishli filiallariga 3-ilovada keltirilgan shakldagi ariza bilan murojaat qilishlari kerak.
IV. Aholidan toʻlovlarni qabul qilish va amalga oshirish tartibi
12. Operator Tizimga kirish va ish boshlashi uchun autentifikatsiyadan oʻtkaziladi. Operatorni autentifikatsiyalash Umumiy foydalanishdagi telekommunikatsiya tarmoqlarini qoʻllagan holda toʻlov tizimlarini tashkil qilish qoidalarining (2008-yil 13-fevral, roʻyxat raqami 1767 — Oʻzbekiston Respublikasi qonun hujjatlari toʻplami, 2008-y., 6-7-son, 33-modda) 8-bandi talablariga muvofiq amalga oshiriladi.
13. Tizimda toʻlovlarni qabul qilishning uchta varianti koʻzda tutilgan:
a) naqd pul bilan;
b) bank kartasi yoki depozit hisobvaraqlaridagi mablagʻlardan foydalangan holda naqdsiz shaklda;
v) toʻlovchilarning maxsus hisobvaraqlaridan.
14. Toʻlovchi elektron toʻlov vositalari va oʻz-oʻziga xizmat koʻrsatuvchi terminallar imkoniyatlaridan foydalanish uchun DT Xalq bankining tegishli filialiga murojaat qilishi va pasporti, oʻz rekvizitlari va oluvchining bank rekvizitlari toʻgʻrisidagi maʼlumotlar mavjud boʻlgan toʻlovchi daftarchasini taqdim qilishi kerak. Ular asosida bank Tizimda toʻlovchining kartochkasini hamda tovarlar (xizmatlar) uchun toʻlovlarni va pul oʻtkazmalarini amalga oshirish uchun maxsus hisobvaraqlarni ochadi. Maxsus hisobvaraqlarni bank filiallarida bank depozit hisobvaraqlaridan, shuningdek, bank kartasidan foydalangan holda yoki naqd pul kiritish yoʻli bilan bevosita Tizimning amaliyot punktlarida toʻldirish mumkin.
15. Toʻlovlarni qabul qilish uchun operator quyidagilarni amalga oshiradi:
a) toʻlovchidan naqd pullarni (yoki bank kartasini) va toʻlovchining daftarchasini (yoki toʻlovchining rekvizitlarini) qabul qiladi;
b) pullarni qayta sanaydi (yoki bank kartasi boʻyicha terminalda elektron toʻlovni shakllantiradi);
v) Tizimga Veb-interfeys orqali toʻlovchining rekvizitlarini hamda toʻlov summasini kiritadi va elektron toʻlovni tasdiqlaydi.
16. Agar toʻlovchi ilgari Tizim xizmatlaridan foydalangan yoki maxsus hisobvaraq ochgan boʻlsa, uning rekvizitlari Tizimda saqlanayotgan boʻladi. Bu holda toʻlovchining daftarchasini yoki uning rekvizitlarini taqdim etilishi hamda maʼlumotlarni qaytadan kiritish talab qilinmaydi.
17. Operator tomonidan toʻlov maʼlumotlari kiritilishi va uni tasdiqlanishi natijasida Tizimda elektron toʻlov shakllanadi va u oluvchining maʼlumotlar bazasida real vaqt rejimida aks ettiriladi.
18. Toʻlov ijobiy bajarilganda Tizimda elektron toʻlovning unikal kodi bilan elektron xabar shakllanadi va u operatorning Veb-interfeysida aks ettiriladi hamda quyidagi rekvizitlar bilan chek chop etiladi:
Tizimning nomi va logotipi;
operatsiyaning unikal kodi;
operatsiyaning amalga oshirilgan sanasi va vaqti;
amaliyot punkti raqami;
toʻlov nima uchun oʻtkazilganligi;
oluvchining nomi va uning talab qilib olinguncha depozit hisobvaragʻi;
toʻlovchining rekvizitlari (shaxsiy hisobvaragʻi, F.I.Sh., manzili va boshqalar);
toʻlov va bank komission xizmatlari summasi.
Chek uzoq saqlanish jarayonida oʻzining rekvizitlarini saqlanishi talablariga javob berishi lozim.
Toʻlovchining mobil telefoni raqami boʻyicha maʼlumot mavjud boʻlganda, unga qoʻshimcha ravishda operatsiya amalga oshirilganligi toʻgʻrisida SMS-xabar yuborilishi orqali xabar beriladi.
Operator toʻlovchiga chek bermagan holda qonunchilikka muvofiq javobgarlikka tortiladi.
19. Elektron toʻlov amalga oshirilgandan soʻng toʻlovchiga beriladigan chek kvitansiyalar, talonlar, biletlar va tovarlar (xizmatlar) uchun toʻlovni tasdiqlovchi boshqa hujjatlarga tenglashtiriladi.
20. Oluvchilar foydasiga toʻlovlarni amalga oshirish uchun maxsus hisobvaraqlar mavjud boʻlganda, toʻlovchi oʻz-oʻziga xizmat koʻrsatuvchi terminallar, hisobvaraqlarni masofadan boshqarish tizimi yoki mobil telefon xizmatlaridan foydalanishi mumkin. Buning uchun toʻlovchi Tizimga kirish uchun maxsus hisobvaraq raqamini va parolini, keyin toʻlov bilan bogʻliq tovar (xizmat) parametrlarini kiritadi. Bunda oluvchining bank rekvizitlari Tizim bazasidan (toʻlovchining kartochkasidan) avtomatik tarzda shakllanadi. Toʻlovchi toʻlov amalga oshirilgandan soʻng oʻz-oʻziga xizmat koʻrsatuvchi terminaldan toʻlov amalga oshirilganligi toʻgʻrisida chek oladi va/yoki operatsiya amalga oshirilganligi toʻgʻrisida SMS-xabar bilan xabardor qilinadi.
21. Mobil terminaldan foydalanuvchi operatorlar toʻlovchi joylashgan manzilga borib, tezkor toʻlovni amalga oshirish huquqiga egalar. Bunda toʻlov albatta mobil terminaldan foydalangan holda real vaqt rejimida amalga oshirilishi va chek berilishini tashkil etishi lozim.
22. Tizimda toʻlovlarni bank hisobvaraqlaridan amalga oshirish imkoniyati ham koʻzda tutilgan. Buning uchun toʻlovchi chakana toʻlovni amalga oshirish toʻgʻrisidagi arizani rasmiylashtiradi va oʻrnatilgan tartibda, Veb-interfeys orqali Tizimga kiritish uchun ushbu bank hisobvaragʻini ochgan bank filiali buxgalteriyasiga taqdim etadi.
23. Ish kuni yakunida operator Amaliyot punktining ishi toʻgʻrisida hisobot chop etadi, hisobotning umumiy aylanmasini operatsiyalar cheklari va naqd pullar miqdori bilan solishtiradi hamda uni tasdiqlaydi.
24. Agar amaliyot punkti bank binosidan tashqarida joylashgan boʻlsa, naqd pullar oʻrnatilgan tartibda inkassatsiya qilinadi.
25. Amaliyot punktining bank ish kuni toʻgʻrisidagi hisoboti va boshlangʻich hujjatlari (cheklar, arizalar, inkassatorga topshirilgan naqd pullar toʻgʻrisidagi kvitansiyalar va boshqalar) tegishli bank filialining buxgalteriyasiga taqqoslash va soʻngi nazorat uchun beriladi, va tekshirib boʻlingandan keyin oʻrnatilgan tartibda bankning kunlik hujjatlariga tikiladi.
V. Amalga oshirilgan toʻlovlarni banklar balansida aks ettirish tartibi
26. “Uz-toʼlov” toʻlov tizimi orqali oluvchilar foydasiga toʻlovlarni qabul qilish ular bilan DT Xalq banki oʻrtasidagi shartnomalarga asosan amalga oshiriladi.
27. Barcha nobank tashqi operatorlar Tizimda ishlashlari uchun DT Xalq banki foydasiga garov summalari (taʼminot)ni kiritishlari lozim va toʻlovlarni oʻtkazib berilgan garov summalari doirasida qabul qilishlari mumkin. Shartnoma bekor qilingan holda, oʻzaro hisob-kitoblar amalga oshiriladi va oʻtkazilgan garov summalari qoldigʻi operatorlarga qaytariladi.
28. Tijorat banklari shartnomalarda belgilangan muddatlarda qabul qilingan toʻlovlar boʻyicha mablagʻlarni DT Xalq bankiga oʻtkazib berishlari kerak. Banklar tomonidan mablagʻlar oʻz vaqtida oʻtkazilmagan hollarda, DT Xalq banki ushbu banklarni Tizimdan chiqarish huquqiga ega.
29. DT Xalq banki shartnomalarda belgilangan tartibda va muddatlarda kelib tushgan toʻlovlarni oluvchiga oʻtkazib berishda xizmat uchun vositachilik haqini ushlab qoladi. Oʻz navbatida, DT Xalq banki ushlab qolingan vositachilik haqlarini Tizimdagi operatorlarga taqsimlaydi.
30. Tizim toʻlovchilarining maxsus hisobvaraqlaridagi mablagʻlar DT Xalq bankining Bosh filialidagi 22604-balans hisobvaraqdagi alohida shaxsiy hisobvaraqlarda yigʻiladi. Maxsus hisobvaraqlar orqali toʻlovlar amalga oshirilganda hisob-kitoblar dasturiy ravishda ushbu 22604-balans hisobvaragʻi orqali amalga oshiriladi. Maxsus hisobvaraqlar oʻrtasida mablagʻlarni oʻtkazish faqat Tizim ichida, DT Xalq banki balansida aks ettirilmagan holda amalga oshiriladi.
31. Tizimda pul oʻtkazmalari faqat DT Xalq bankining Amaliyot punktlari tomonidan amalga oshiriladi. Pul oʻtkazmalari operatsiyalari uchun bankning har bir filialida 19983 va 29883-balans hisobvaraqlarda alohida shaxsiy hisobvaraqlar ochiladi. Tizimdagi pul oʻtkazmalar boʻyicha qabul qilingan mablagʻlar DT Xalq bankining Bosh filialidagi 22604-balans hisobvaragʻida yigʻiladi.
32. Toʻlovlarning hisobi va ularning tijorat banklari balansida aks ettirilishi Oʻzbekiston Respublikasi tijorat banklarida buxgalteriya hisobi hisobvaraqlari rejasiga (2004-yil 13-avgust, roʻyxat raqami 773-17 — Oʻzbekiston Respublikasi qonun hujjatlari toʻplami, 2004-y., 32-son, 369-modda) muvofiq amalga oshiriladi.
§ 1. Amalga oshirilgan toʻlovlarni DT Xalq banki va uning filiallari balansida aks ettirish tartibi
33. Tizimda amalga oshirilgan barcha elektron toʻlovlar avtomatik ravishda DT Xalq bankining “NCI-bank” avtomatlashtirilgan bank tizimida aks ettiriladi.
34. Filiallardagi amaliyot punktlar tomonidan (tovarlar (xizmatlar) va maxsus hisobvaragʻini toʻldirish uchun) toʻlovlar qabul qilinganda, dasturiy ravishda quyidagi buxgalteriya oʻtkazmalari amalga oshiriladi:
a) naqd pul shaklda:
b) bank hisobvaraqlaridan naqdsiz shaklda:
v) bank vositachilik haqlarini hisoblash uchun:
35. DT Xalq bankining Bosh filialida filiallar bilan hisob-kitoblar qilishda, toʻlovlarni qabul qilish bilan parallel ravishda dasturiy tarzda quyidagi oʻtkazmalar amalga oshiriladi:
a) qabul qilingan toʻlovlar summasi boʻyicha:
b) DT Xalq bankining Bosh filiali uchun bank vositachilik haqlari hisoblanganda:
v) DT Xalq bankining filiali uchun bank vositachilik haqlari hisoblanganda:
36. DT Xalq bankining filiallarida DT Xalq bankining Bosh filiali bilan hisob-kitoblarni bajarishda quyidagi oʻtkazma amalga oshiriladi:
37. DT Xalq bankining Bosh filialidagi 29883-balans hisobvaragʻida jamlangan mablagʻlar, oluvchilar bilan tuzilgan shartnomalar shartlariga muvofiq, toʻlovlarning elektron reyestrlariga asosan oluvchilarga quyidagi buxgalteriya oʻtkazmasi orqali oʻtkazib beriladi:
38. Tizimda toʻlovchilarning maxsus hisobvaraqlarini toʻldirishda va ular orqali toʻlovlarni amalga oshirishda, DT Xalq bankining Bosh filialida dasturiy ravishda quyidagi oʻtkazmalar amalga oshiriladi:
a) toʻlov qabul qilgan DT Xalq bankining filiali boʻyicha maxsus hisobvaraqlar toʻldirilganda:
b) maxsus hisobvaraqlardan tovarlar (xizmatlar) uchun toʻlov amalga oshirilganda:
v) DT Xalq bankining Bosh filiali foydasiga vositachilik haqlari hisoblanganda:
g) DT Xalq bankining filiali foydasiga vositachilik haqlari hisoblanganda:
39. Tizim orqali milliy valyutadagi pul oʻtkazmalarini amalga oshirishda dasturiy ravishda quyidagi oʻtkazmalar amalga oshiriladi:
a) ijro uchun toʻlov qabul qilgan DT Xalq bankining filialida:
b) pul oʻtkazmasini toʻlagan DT Xalq bankining filialida:
v) pul oʻtkazmalari boʻyicha qabul qilingan mablagʻlar avtomatik ravishda quyidagi buxgalteriya oʻtkazmasi bilan DT Xalq bankining Bosh filialida yigʻiladi:
g) DT Xalq bankining Bosh filialida, pul oʻtkazmasini toʻlab bergan DT Xalq bankining filialiga mablagʻni qoplab berganda:
40. DT Xalq bankining Bosh filialida vositachilik haqlarini taqsimlashda quyidagi oʻtkazma amalga oshiriladi:
a) oluvchilardan mablagʻlar kelib tushganda:
b) DT Xalq bankining filiallari boʻyicha daromadlar taqsimlanganda:
§ 2. Amalga oshirilgan toʻlovlarning boshqa banklar va ularning filiallari balansida aks ettirish tartibi
41. Tijorat banklarining filiallarida amaliyot punktlari tomonidan toʻlovlarni qabul qilishda (tovarlar (xizmatlar) va maxsus hisobvaraqlarni toʻldirish uchun) quyidagi oʻtkazmalar amalga oshiriladi:
a) naqd pul shaklida:
b) bank hisobvaraqlaridan naqdsiz shaklda:
v) bank vositachilik haqlarini hisoblashda:
42. Bank filiallarida Bosh filial bilan hisob-kitoblarni bajarishda quyidagi buxgalteriya oʻtkazmasi amalga oshiriladi:
43. Banklar qabul qilingan toʻlovlar boʻyicha mablagʻlarni shartnomalarda belgilangan muddatlarda DT Xalq banki foydasiga oʻtkazib borishi kerak. Toʻlovlarning elektron reyestriga muvofiq DT Xalq banki bilan hisob-kitoblarda quyidagi buxgalteriya oʻtkazmalari amalga oshiriladi:
a) amalga oshirilgan toʻlovlar boʻyicha mablagʻlar yigʻilganda:
b) yigʻilgan toʻlovlar summasi DT Xalq banki foydasiga oʻtkazilganda:
44. Toʻlovchilarning maxsus hisobvaraqlarini toʻldirish 41-bandga muvofiq amalga oshiriladi. Bunda DT Xalq bankida quyidagi buxgalteriya oʻtkazmasi amalga oshiriladi:
45. DT Xalq bankida toʻlovlarni amalga oshirishda quyidagi buxgalteriya oʻtkazmalari amalga oshiriladi:
a) tovarlar (xizmatlar) boʻyicha qabul qilingan toʻlovlar summasiga:
b) maxsus hisobvaraqlardan tovarlar (xizmatlar) uchun toʻlovlar toʻlanganda:
v) DT Xalq banki foydasiga bank vositachilik haqlari hisoblanganda:
g) tashqi operator foydasiga vositachilik haqlari hisoblanganda:
46. Shartnomalarda belgilangan muddatlarda DT Xalq bankidan tashqi operatorlar foydasiga vositachilik haqlari uchun mablagʻlar kelib tushadi. Oʻz navbatida, Bosh filial kelib tushgan mazkur mablagʻlarni filiallar oʻrtasida taqsimlaydi. Bunda quyidagi buxgalteriya oʻtkazmalari amalga oshiriladi:
a) DT Xalq bankidan mablagʻlar kelib tushganda:
b) mablagʻlar filiallar boʻyicha taqsimlanganda:
§ 3. Nobank tashqi operatorlar tomonidan amalga oshirilgan toʻlovlarni DT Xalq banki balansida aks ettirish tartibi
47. Mablagʻlarni DT Xalq bankiga oʻtkazish quyidagi buxgalteriya oʻtkazmasi bilan amalga oshiriladi:
48. Nobank tashqi operatorlar tomonidan maxsus hisobvaraqlar toʻldirilganda, DT Xalq bankida quyidagi oʻtkazma amalga oshiriladi:
49. Nobank tashqi operatorlar orqali toʻlovlar amalga oshirilganda, shu jumladan, maxsus hisobvaraqlardan ham, DT Xalq bankida quyidagi oʻtkazmalar amalga oshiriladi:
a) qabul qilingan toʻlovlar summasiga:
b) maxsus hisobvaraqlardan tovarlar (xizmatlar) boʻyicha toʻlovlar amalga oshirilganda:
v) DT Xalq banki foydasiga bank vositachilik haqlari hisoblanganda:
g) nobank tashqi operatorlar foydasiga vositachilik haqlari hisoblanganda:
50. DT Xalq banki shartnomalarda kelishilgan muddatlarda nobank tashqi operatorlarning vositachilik haqlarini toʻlaydi. Bu uchun quyidagi buxgalteriya oʻtkazmalari amalga oshiriladi:
a) DT Xalq bankiga oluvchilardan mablagʻlar kelib tushganda:
b) nobank tashqi operatorlarga daromadlar toʻlanganda:
51. Tizimda amalga oshirilgan toʻlovlar boʻyicha olingan daromadlar hisobi bank balansida har bir filial boʻyicha alohida 45294 – balans hisobvaragʻida, xarajatlar hisobi esa xarajatlar turiga qarab tegishli hisobvaraqlarda yuritiladi.
VI. Tizimdagi hisobotlar
52. Tizimda tezkor monitoringni yuritish va toʻlovchilar hamda oluvchilar uchun hisobotlar taqdim etish uchun amaliyot punktlari, tumanlar, viloyatlar, butun respublika boʻyicha, shuningdek, oluvchilari qirqimidagi hisobot shakllaridan foydalaniladi (4-ilova).
Davlat-tijorat Xalq bankining “Uz-toʼlov” toʻlov tizimi orqali chakana toʻlovlarni amalga oshirish toʻgʻrisidagi nizomga 1-ILOVA
Davlat-tijorat Xalq bankining “Uz-toʼlov” toʻlov tizimi orqali chakana toʻlovlarni amalga oshirish toʻgʻrisidagi nizomga 2-ILOVA
Davlat-tijorat Xalq bankining “Uz-toʼlov” toʻlov tizimi orqali chakana toʻlovlarni amalga oshirish toʻgʻrisidagi nizomga 3-ILOVA
Davlat-tijorat Xalq bankining “Uz-toʼlov” toʻlov tizimi orqali chakana toʻlovlarni amalga oshirish toʻgʻrisidagi nizomga 4-ILOVA
(Oʻzbekiston Respublikasi qonun hujjatlari toʻplami, 2009-y., 26-son, 301-modda)