Oʻzbekiston Respublikasi Prezidentining ayrim hujjatlariga oʻzgartishlar kiritish toʻgʻrisida (PF-4114-son)

25.05.2009

Oʻzbekiston Respublikasi Prezidentining

Farmoni

Oʻzbekiston Respublikasi Prezidentining ““Qishloq qurilish bank” aksiyadorlik tijorat bankini tashkil etish toʻgʻrisida” 2009-yil 30-martdagi PQ-1083-son va “Agrobank” aksiyadorlik tijorat bankini tashkil etish toʻgʻrisida” 2009-yil 30-martdagi PQ-1084-son qarorlariga muvofiq:

1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartishlar kiritilsin.

2. Mazkur Farmonning ijrosini nazorat qilish Oʻzbekiston Respublikasi Prezidentining Mamlakatni isloh qilish va yangilashning huquqiy bazasini takomillashtirish masalalari boʻyicha Davlat maslahatchisi xizmati (Sh.X. Fayziyev) zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2009-yil 25-may,

PF-4114-son

Oʻzbekiston Respublikasi Prezidentining 2009-yil 25-maydagi PF-4114-son Farmoniga ILOVA

Oʻzbekiston Respublikasi Prezidentining ayrim hujjatlariga kiritiladigan oʻzgartishlar

3. Oʻzbekiston Respublikasi Prezidentining “Oʻzbekiston mustaqil bosma ommaviy axborot vositalari va axborot agentliklarini qoʻllab- quvvatlash va rivojlantirish jamoat fondini tashkil etish toʻgʻrisida” 2005-yil 16-noyabrdagi PF-3680-son Farmonining ilovasida:

a) 21-band quyidagi tahrirda bayon etilsin:

“21. “Agrobank” ATB”;

b) 25-band quyidagi tahrirda bayon etilsin:

“25. “Qishloq qurilish bank” ATB”.

4. Oʻzbekiston Respublikasi Prezidentining “Oʻzbekiston Respublikasining Tiklanish va taraqqiyot jamgʻarmasini tashkil etish toʻgʻrisida” 2006-yil 11-maydagi PF-3751-son Farmonida:

1-ilovaning 6-bandidagi “Paxtabank” aksiyadorlik tijorat banki” soʻzlari “Agrobank” aksiyadorlik tijorat banki” soʻzlari bilan almashtirilsin;

2-ilovada “Paxtabank” soʻzi “Agrobank” ATB” soʻzlari bilan almashtirilsin.

5. Oʻzbekiston Respublikasi Prezidentining “Mikrokreditbank” aksiyadorlik tijorat bankining tadbirkorlik subyektlarini qoʻllab- quvvatlash borasidagi faoliyatini yanada kengaytirish chora-tadbirlari toʻgʻrisida” 2008-yil 10-noyabrdagi PF-4051-son Farmoni 1-ilovasining 5-bandidagi “Paxtabank” soʻzlari “Agrobank” ATB” soʻzlari bilan almashtirilsin.

7. Oʻzbekiston Respublikasi Prezidentining “Shaxsiy yordamchi, dehqon va fermer xoʻjaliklarida chorva mollar koʻpaytirishni ragʻbatlantirishni kuchaytirish hamda chorvachilik mahsulotlari ishlab chiqarishni kengaytirish borasidagi qoʻshimcha chora-tadbirlar toʻgʻrisida” 2008-yil 21-apreldagi PQ-842-son qarori 7-bandining birinchi xatboshidagi “Paxtabank” soʻzi “Agrobank” soʻzi bilan almashtirilsin.

8. Oʻzbekiston Respublikasi Prezidentining ““Paxta-bank” va “Gʻalla-bank” aksiyadorlik-tijorat banklarining investitsiyaviy faolligini yanada oshirish chora-tadbirlari toʻgʻrisida” 2008-yil 8-oktabrdagi PQ-975-son qarorida:

a) sarlavhadagi ““Paxta-bank” va “Gʻallabank” aksiyadorlik-tijorat banklari” soʻzlari “Agrobank” aksiyadorlik tijorat banki” soʻzlari bilan almashtirilsin;

b) kirish qismidagi ““Paxta-bank” va “Gʻalla-bank” aksiyadorlik tijorat banklari”, “banklari” soʻzlari tegishli ravishda “Agrobank” aksiyadorlik tijorat banki”, “banki” soʻzlari bilan almashtirilsin;

v) 1-bandda:

birinchi xatboshidagi “Paxta-bank” va “Gʻalla-bank” aksiyadorlik-tijorat banklari” soʻzlari “Agrobank” aksiyadorlik tijorat banki” soʻzlari bilan almashtirilsin;

uchinchi va yettinchi xatboshidagi “banklari” soʻzi “banki” soʻzi bilan almashtirilsin;

g) 2-band oʻz kuchini yoʻqotgan deb hisoblansin;

d) 3-band quyidagi tahrirda bayon etilsin:

“Oʻzbekiston Respublikasi Moliya vazirligi, Markaziy banki, Tiklanish va taraqqiyot jamgʻarmasi, “Agrobank” aksiyadorlik tijorat bankining 2009-yilda “Agrobank” aksiyadorlik tijorat banki aksiyalarini ilovaga muvofiq hajmlarda qoʻshimcha joylashtirish toʻgʻrisidagi taklifi maʼqullansin”;

e) 1-ilovaning nomlanishi quyidagi tahrirda bayon etilsin:

“Agrobank” aksiyadorlik tijorat banki aksiyalarini 2009-yilda qoʻshimcha joylashtirish hajmlari”;

j) 2-ilova oʻz kuchini yoʻqotgan deb hisoblansin.