Oʻzbekiston Respublikasi hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (142-son)
20.05.2009
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Qishloq qurilish bank” aksiyadorlik tijorat bankini tashkil etish toʻgʻrisida” 2009-yil 30-martdagi PQ-1083-son va “Agrobank” aksiyadorlik tijorat bankini tashkil etish toʻgʻrisida” 2009-yil 30-martdagi PQ-1084-son qarorlariga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirishlar kiritilsin.
2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.
Oʻzbekiston Respublikasi Bosh vaziri Sh. MIRZIYOYEV
Toshkent sh.,
2009-yil 20-may,
142-son
Vazirlar Mahkamasining 2009-yil 20-maydagi 142-son qaroriga 1-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
6. Vazirlar Mahkamasining “Qorakoʻlchilikda iqtisodiy islohotlarni chuqurlashtirish va uni davlat tomonidan qoʻllab-quvvatlash chora-tadbirlari toʻgʻrisida” 1998-yil 13-iyundagi 250-son qarorining 8-bandidagi “Paxta-bank” soʻzlari “Agrobank” ATB” soʻzlari bilan almashtirilsin.
8. Vazirlar Mahkamasining “Qishloqni lizing shartlarida qishloq xoʻjaligi texnikasi bilan taʼminlash chora-tadbirlari toʻgʻrisida” 2000-yil 2-noyabrdagi 424-son qarorida (Oʻzbekiston Respublikasi QT, 2000-y., 11-son, 70-modda):
a) 3-bandning ikkinchi xatboshidagi “Paxta-bank” soʻzlari “Agrobank” ATB” soʻzlari bilan almashtirilsin;
b) 6-bandning uchinchi xatboshidagi “Paxta-bank” soʻzlari “Agrobank” ATB” soʻzlari bilan almashtirilsin;
v) 1-ilova matnidagi “Paxta-bank”ka koʻrsatmalar tegishli kelishikda “Agrobank” ATB”ga koʻrsatmalar bilan almashtirilsin.
10. Vazirlar Mahkamasining 2001-yil 24-oktabrdagi 419-son qarori (Oʻzbekiston Respublikasi QT, 2001-y., 10-son, 56-modda) bilan tasdiqlangan Davlat ehtiyojlari uchun xarid qilinadigan qishloq xoʻjaligi mahsulotlarining hisob-kitob jamgʻarmasi daromad (foyda)larini taqsimlash va ulardan foydalanish tartibi toʻgʻrisidagi Nizomning 1-bandidagi “Jamgʻarmaning moliyaviy agentlari (“Paxta-bank” va “Gʻalla-bank”)” soʻzlari “Jamgʻarmaning moliyaviy agenti (“Agrobank” ATB”) soʻzlari bilan almashtirilsin.
12. Vazirlar Mahkamasining “Xalqaro tiklanish va taraqqiyot banki ishtirokidagi “Qishloq xoʻjaligi korxonalarini qoʻllab-quvvatlash” loyihasini amalga oshirishga doir chora-tadbirlar toʻgʻrisida” 2002-yil 15-fevraldagi 52-son qarori 2-bandining uchinchi xat boshidagi “Paxta-bank” aksiyadorlik-tijorat banki” soʻzlari “Agrobank” aksiyadorlik tijorat banki” soʻzlari bilan almashtirilsin.
15. Vazirlar Mahkamasining “Aholiga shoshilinch tibbiy yordam xizmatini yanada takomillashtirish chora-tadbirlari toʻgʻrisida” 2003-yil 2-dekabrdagi 537-son qaroriga 2-ilovadagi “Toshmatov Q.F. — “Paxta-bank” boshqaruvining raisi” soʻzlari “Boymuratov A.J. – “Agrobank” ATB boshqaruvining raisi” soʻzlari bilan almashtirilsin.
18. Vazirlar Mahkamasining “Orolboʻyi genofondini muhofaza qilish xayriya jamgʻarmasini tashkil etish toʻgʻrisida” 2004-yil 3-apreldagi 162-son qarorida:
a) 1-ilovada:
12-band quyidagi tahrirda bayon qilinsin:
“12. “Agrobank” ATB”;
16-band quyidagi tahrirda bayon qilinsin:
“16. “Qishloq qurilish bank” ATB;
b) 2-ilovaning toʻqqizinchi xatboshi quyidagi tahrirda bayon qilinsin:
“Boymuratov A.J. — “Agrobank” ATB boshqaruvining raisi”.
21. Vazirlar Mahkamasining “Osiyo taraqqiyot banki ishtirokida “Kichik va mikro moliyalashtirishni rivojlantirish” loyihasini amalga oshirishga doir qoʻshimcha chora-tadbirlar toʻgʻrisida” 2005-yil 4-avgustdagi 186-son qaroriga ilovaning 5-bandidagi “Paxta-bank” soʻzlari “Agrobank” ATB” soʻzlari bilan almashtirilsin.
24. Vazirlar Mahkamasining “Xalqaro taraqqiyot uyushmasi ishtirokidagi “Qishloq xoʻjaligi korxonalarini qoʻllab-quvvatlash. II bosqich” loyihasini amalga oshirish chora-tadbirlari toʻgʻrisida” 2008-yil 27-avgustdagi 196-son qarorida:
a) 3-bandning uchinchi xatboshidagi “Paxta-bank” soʻzlari “Agrobank” soʻzi bilan almashtirilsin;
b) 2-ilovaning “Izoh” satrining 3-bandidagi “Paxta-bank” soʻzlari “Agrobank” ATB” soʻzlari bilan almashtirilsin.
25. Vazirlar Mahkamasining 2008-yil 31-dekabrdagi 288-son qarori bilan tasdiqlangan Iqtisodiyotning real sektori sohasida korxonalarni va investitsion faollikni kredit yoʻli bilan qoʻllab-quvvatlashni taʼminlash masalalarini koʻrib chiqish tartibi toʻgʻrisidagi Vaqtinchalik nizom 2-bandining oltinchi xat boshidagi “Paxta-bank” aksiyadorlik-tijorat banki”, “Gʻalla-bank” aksiyadorlik-tijorat banki” soʻzlari “Agrobank” ATB”, “Qishloq qurilish bank” ATB” soʻzlari bilan almashtirilsin.
26. Vazirlar Mahkamasining 2004-yil 15-dekabrdagi 726-f-son farmoyishiga ilovadagi “Sharipov Ilhom Rahmonovich — “Paxta-bank” boshqaruvi raisining oʻrinbosari” soʻzlari “lavozimiga koʻra — “Agrobank” ATB boshqaruvi raisining oʻrinbosari” soʻzlari bilan almashtirilsin.
Vazirlar Mahkamasining 2009-yil 20-maydagi 142-son qaroriga 2-ILOVA
Oʻzbekiston Respublikasi Hukumatining oʻz kuchini yoʻqotgan qarorlari
ROʻYXATI
1. Vazirlar Mahkamasining “Gʻalla-bank” ixtisoslashtirilgan aksionerlik-tijorat bankining faoliyat koʻrsatishi uchun shart-sharoitlar yaratishga oid chora-tadbirlar toʻgʻrisida” 1994-yil 27-iyundagi 322-son qarori.
2. Vazirlar Mahkamasining “Ixtisoslashtirilgan aksionerlik-tijorat “Paxta-bank”ni tashkil etish toʻgʻrisida” 1995-yil 27-iyuldagi 294-son qarori.
3. Vazirlar Mahkamasining “Bank tizimini yanada isloh qilish chora-tadbirlari toʻgʻrisida” 1999-yil 15-yanvardagi 24-son qarorining 5-bandi, shuningdek qarorga 1-ilova.