Tadbirkorlik faoliyatini yanada qoʻllab-quvvatlash va rivojlantirish chora-tadbirlari toʻgʻrisida (PQ-1112-son)

15.05.2009

Oʻzbekiston Respublikasi Prezidentining

Qarori

Kichik biznes va xususiy tadbirkorlik yanada rivojlanishini ragʻbatlantirishni kuchaytirish, mamlakat iqtisodiyotining barqaror faoliyat yuritishida uning rolini oshirish, yangi ish joylarini shakllantirish va aholi bandligini taʼminlash, shuningdek, xususiy tadbirkorlik faoliyatini tashkil etish hamda yuritish uchun qoʻshimcha ravishda qulay shart-sharoitlar yaratish, tadbirkorlik subyektlarining huquqlari va qonuniy manfaatlariga rioya etilishini taʼminlash maqsadida:

2. Oʻzbekiston Respublikasi Iqtisodiyot vazirligi, Moliya vazirligi, Markaziy banki, Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi, Davlat arxitektura va qurilish qoʻmitasi hamda Davlat tabiatni muhofaza qilish qoʻmitasining 2009-yil 1-iyundan boshlab:

tadbirkorlik obyektlarining arxitektura-rejalashtirish topshiriqlarini ishlab chiqish va ularning loyiha hujjatlarini ekspertizadan oʻtkazish qiymatini 2-ilovaga muvofiq;

3. Belgilansinki, kichik korxona oʻz uylarida ishlayotgan (kasanachilik bilan shugʻullanayotgan) fuqarolar bilan, qonun hujjatlarida belgilangan xodimlar sonining cheklangan normatividan koʻpi bilan 30 foiz oshgan miqdorda mehnat shartnomalari tuzganda, kichik korxonalar uchun nazarda tutilgan kafolatlar, imtiyozlar va preferensiyalar mazkur korxona uchun saqlanib qoladi.

4. Oʻzbekiston Respublikasi Bosh prokuraturasi, Adliya vazirligi, Savdo-sanoat palatasi muntazam ravishda:

joylarda davlat boshqaruvi hamda davlat hokimiyati organlari tomonidan kichik biznes va xususiy tadbirkorlik subyektlarining qonun hujjatlarida belgilangan huquqlariga rioya etilishi monitoringi olib borilishini taʼminlasin. Monitoring natijalari toʻgʻrisidagi maʼlumotlarni, aniq takliflar bilan birgalikda Kichik va xususiy tadbirkorlikni rivojlantirishni ragʻbatlantirish boʻyicha Respublika muvofiqlashtirish kengashiga har chorakda kiritib borsin;

joylardagi davlat boshqaruvi hamda davlat hokimiyati organlarining tadbirkorlar huquqlarini poymol etayotgan qarorlarini toʻliq yoki qisman haqiqiy emas (noqonuniy) deb eʼtirof etish toʻgʻrisida, shuningdek, joylardagi davlat boshqaruvi hamda davlat hokimiyati organlarining tadbirkorlar huquqlarini cheklovchi qarorlar qabul qilgan mansabdor shaxslarini javobgarlikka tortish toʻgʻrisida sudlarga daʼvo arizalari kiritilishini taʼminlasin.

5. Oʻzbekiston Respublikasi Vazirlar Mahkamasi oʻn kun muddatda Oʻzbekiston Respublikasi hukumati qarorlariga ushbu qarordan kelib chiqadigan oʻzgartish va qoʻshimchalar kiritsin.

Vazirliklar va idoralar bir oy muddatda idoraviy meʼyoriy-huquqiy hujjatlarning mazkur qarorga muvofiqlashtirilishini taʼminlasin.

6. Ushbu qarorning ijrosini nazorat qilish Oʻzbekiston Respublikasining Bosh vaziri Sh.M.Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2009-yil 15-may,

PQ-1112-son

Oʻzbekiston Respublikasi Prezidentining 2009-yil 15-maydagi PQ-1112-son qaroriga 2-ILOVA

2009-yil 1-iyundan boshlab oʻrnatiladigan tadbirkorlik obyektlarining arxitektura-rejalashtirish topshiriqlarini ishlab chiqish va ularning loyiha hujjatlarini ekspertizadan oʻtkazish qiymatining

ChEKLANGAN MIQDORLARI

T/r Ishlar va xizmatlar nomlanishi Ishlar qiymatining cheklangan miqdorlari (bazaviy hisoblash miqdorlari) 1. Obyektlarni qurish va rekonstruksiya qilish uchun arxitektura-rejalashtirish topshiriqlarini (ART) ishlab chiqish (ART I va ART II ishlab chiqish) 10 shu jumladan qishloq joylardagi tadbirkorlik subyektlari uchun 5 2. Turarjoylarni yashash uchun moʻljallanmagan joylar toifasiga oʻtkazish (rekonstruksiya yoki rekonstruksiyasiz ART I va ART II ishlab chiqish) 2 3. Loyiha-smeta hujjatlarini ekspertizadan oʻtkazish 3 4. Qurilish davomida nazorat-ijro tasvirga olish ishlarini oʻtkazish 3 5. Tadbirkorlik faoliyati bilan shugʻullanuvchi yuridik va jismoniy shaxslarni davlat roʻyxatiga olish. 2 6. Ekologik ekspertiza oʻtkazish (atrof-muhitga taʼsir koʻrsatishini toifalar boʻyicha): 6.1. I toifa (yuqori darajada xavfli) 50 6.2. II toifa (oʻrta darajada xavfli) 30 6.3. III toifa (past darajada xavfli) 15 6.4. IV toifa (mahalliy taʼsir koʻrsatish) 1