Yakka tartibda uy-joy qurish (rekonstruksiya qilish)ni amalga oshirishga ruxsatnomalarni rasmiylashtirishning, loyihalarni vakolatli organlarda bir joyning oʻzida kelishishning soddalashtirilgan tartibini joriy etish chora-tadbirlari toʻgʻrisida (127-son)

30.04.2009

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Iqtisodiyotning real sektori korxonalarini qoʻllab-quvvatlash, ularning barqaror ishlashini taʼminlash va eksport salohiyatini koʻpaytirish chora-tadbirlari toʻgʻrisida” 2008-yil 28-noyabrdagi PF-4058-son Farmonini bajarish yuzasidan, yakka tartibda uy-joy qurish (rekonstruksiya qilish)ni amalga oshirishga ruxsatnomalarni rasmiylashtirish, loyihalarni vakolatli organlarda kelishish tartibini soddalashtirish maqsadida Vazirlar Mahkamasi qaror qiladi:

1. Oʻzbekiston Respublikasi Iqtisodiyot vazirligi, “Davarxitektqurilish” qoʻmitasi va “Yergeodezkadastr” davlat qoʻmitasining Davlat xizmatlari markazlariga yakka tartibda uy-joy qurish (rekonstruksiya qilish)ni amalga oshirishga ruxsatnomalarni rasmiylashtirish, tegishli loyihalarni vakolatli organlarda bir joyning oʻzida kelishish funksiyalarini yuklash toʻgʻrisidagi taklifiga rozilik berilsin.

2. Yakka tartibda uy-joy qurish (rekonstruksiya qilish)ni amalga oshirishga ruxsatnomalarni rasmiylashtirish, loyihalarni vakolatli organlarda bir joyning oʻzida kelishish boʻyicha:

uy-joy qurish va rekonstruksiya qilishni boshlash uchun dastlabki ruxsatnoma (loyiha) hujjatlarini tayyorlashni;

turar joyni foydalanishga qabul qilib olishni;

koʻchmas mulkka huquqlarni Oʻzbekiston Respublikasi “Yergeodezkadastr” davlat qoʻmitasining hududiy organlarida davlat roʻyxatidan oʻtkazishni;

yakka tartibda uy-joy qurish (rekonstruksiya qilish)da amalga oshiriladigan boshqa tartibotlarni qonun hujjatlarida belgilangan tartibda tashkil etish Davlat xizmatlari markazlarining asosiy vazifalari etib belgilansin.

3. Belgilab qoʻyilsinki, quruvchilar yakka tartibda uy-joy qurish (rekonstruksiya qilish)ni amalga oshirish uchun ruxsatnomalar olishni, loyihalarni vakolatli organlarda kelishishni mustaqil ravishda yoki Davlat xizmatlari markazlari orqali amalga oshirish huquqiga egadirlar.

6. Oʻzbekiston Respublikasi Iqtisodiyot vazirligi, “Davarxitektqurilish” qoʻmitasi va Adliya vazirligi manfaatdor vazirliklar va idoralar bilan birgalikda bir oy muddatda:

Tuman va shaharlar hokimliklari huzuridagi tadbirkorlik subyektlarini roʻyxatdan oʻtkazish inspeksiyalari tomonidan yakka tartibda uy-joy qurish (rekonstruksiya qilish)ni amalga oshirishga ruxsatnomalarni rasmiylashtirish, loyihalarni vakolatli organlarda bir joyning oʻzida kelishish tartibi toʻgʻrisidagi nizomni ishlab chiqsinlar va Vazirlar Mahkamasiga kiritsinlar;

qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflar kiritsinlar;

idoraviy normativ-huquqiy hujjatlarning ushbu qarorga muvofiqlashtirilishini taʼminlasinlar.

7. Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi Savdo-sanoat palatasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2 oy muddatda, joyiga borgan holda respublikaning barcha mintaqalarida inspeksiyalar tomonidan yakka tartibda uy-joy qurish (rekonstruksiya qilish)ni amalga oshirishga ruxsatnomalarni rasmiylashtirish, loyihalarni vakolatli organlarda bir joyning oʻzida kelishish boʻyicha xizmatlarning butun kompleksini koʻrsatish yuzasidan inspeksiyalarga yangidan yuklanadigan funksiyalarni keng tadbirkorlar doirasiga tushuntirish maqsadida seminarlar tashkil etsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.

Oʻzbekiston Respublikasi Bosh vaziri Sh. MIRZIYOYEV

Toshkent sh.,

2009-yil 30-aprel,

127-son