“Aholini ish bilan taʼminlash toʻgʻrisida”gi Oʻzbekiston Respublikasi qonuniga oʻzgartishlar va qoʻshimchalar kiritish haqida”gi qonunni amalga kiritish toʻgʻrisida (855-XII-son)

07.05.1993

Oʻzbekiston Respublikasi Oliy Kengashining

Qarori

Oʻzbekiston Respublikasi Oliy Kengashi qaror qiladi:

1. “Aholini ish bilan taʼminlash toʻgʻrisida”gi Oʻzbekiston Respublikasi Qonuniga oʻzgartishlar va qoʻshimchalar kiritish haqida”gi Qonun eʼlon qilingan paytdan eʼtiboran amalga kiritilsin.

2. Oʻzbekiston Respublikasi Vazirlar Mahkamasi 1993-yil 1-iyulga qadar boʻlgan muddat ichida:

Oʻzbekiston Respublikasi qonun hujjatlarini ushbu Qonunga muvofiqlashtirish toʻgʻrisidagi takliflarni Oʻzbekiston Respublikasi Oliy Kengashiga taqdim etsin;

Oʻzbekiston Respublikasi Hukumatining qarorlarini va idoraviy meʼyoriy hujjatlarni “Aholini ish bilan taʼminlash toʻgʻrisida”gi Oʻzbekiston Respublikasi Qonuniga oʻzgartishlar va qoʻshimchalar kiritish haqida”gi Qonunga muvofiqlashtirsin.

Oʻzbekiston Respublikasi Oliy Kengashining Raisi Sh. YOʻLDOShEV

Toshkent sh.,

1993-yil 7-may,

855-XII-son