“Fuqarolarning banklardagi omonatlarini himoyalash kafolatlari toʻgʻrisida”gi Oʻzbekiston Respublikasi Qonunining 10-moddasiga oʻzgartishlar kiritish haqida (O‘RQ-203-son)

06.04.2009

Hujjat kuchini yo‘qotgan 19.02.2025

Oʻzbekiston Respublikasining Qonuni

Qonunchilik palatasi tomonidan 2008-yil 18-dekabrda qabul qilingan Senat tomonidan 2009-yil 27-martda maʼqullangan

1-modda. Oʻzbekiston Respublikasining 2002-yil 5-aprelda qabul qilingan “Fuqarolarning banklardagi omonatlarini himoyalash kafolatlari toʻgʻrisida”gi 360-II-sonli Qonunining (Oʻzbekiston Respublikasi Oliy Majlisining Axborotnomasi, 2002-yil, № 4-5, 70-modda) 10-moddasiga quyidagi oʻzgartishlar kiritilsin:

1) birinchi qism quyidagi tahrirda bayon etilsin:

“Fuqarolarning omonatlari boʻyicha haq toʻlash bankning qonun hujjatlarida belgilangan tartibda tasdiqlangan oraliq tugatish balansida aks ettirilgan omonatlarning qoldigʻidan kelib chiqqan holda bank va Fond mablagʻlari hisobidan toʻliq hajmda amalga oshiriladi”;

2) ikkinchi qism chiqarib tashlansin;

uchinchi va toʻrtinchi qismlar tegishincha ikkinchi va uchinchi qismlar deb hisoblansin.

2-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti I. KARIMOV

Toshkent sh.,

2009-yil b aprel,

OʻRQ-203-son