“Siqish kompressor stansiyasi qurish bilan pomuq konini obod qilishni yakunlash” investitsiya loyihasini amalga oshirishga doir qoʻshimcha chora-tadbirlar toʻgʻrisida (69-son)

17.04.2008

Oʻzbekiston Respublikasi Vazirlar Mahkamasining

Qarori

Oʻzbekiston Respublikasi Prezidentining “Siqish kompressor stansiyasi qurish bilan Pomuq konini obod qilishni yakunlash” investitsiya loyihasini amalga oshirish chora-tadbirlari toʻgʻrisida” 2007-yil 18-dekabrdagi PQ-749-son qarorini bajarish yuzasidan Vazirlar Mahkamasi qaror qiladi:

1. “Oʻzbekneftgaz” milliy xolding kompaniyasi hamda Oʻzbekiston Respublikasi Tiklanish va taraqqiyot jamgʻarmasi tomonidan “Siqish kompressor stansiyasi qurish bilan Pomuq konini obod qilishni yakunlash” loyihasini umumiy ekvivalent summasi 40,62 mln. dollar miqdorida moliyalashtirish toʻliq hajmda ochilganligi maʼlumot uchun qabul qilinsin.

2. Oʻzbekiston Respublikasi Moliya vazirligi va “Oʻzbekneftgaz” milliy xolding kompaniyasining loyihani tugallash uchun 1,5 yildan iborat imtiyozli davrni qoʻshgan holda muddati 5 yil boʻlgan, qayta moliyalashtiruvchi bankning 0,25 foizli marjasini qoʻshganda yillik 2,25 foizli stavka bilan “Oʻzsanoatqurilishbank” aksiyadorlik kompaniyasi orqali qayta moliyalashtiriladigan Oʻzbekiston Respublikasi Tiklanish va taraqqiyot jamgʻarmasining 21 mln. dollar miqdoridagi qoʻshimcha kreditini jalb etish toʻgʻrisidagi taklifiga rozilik berilsin.

3. Oʻzbekiston Respublikasi Tiklanish va taraqqiyot jamgʻarmasi, “Oʻzsanoatqurilishbank” aksiyadorlik kompaniyasi va “Oʻzbekneftgaz” milliy xolding kompaniyasi bir hafta muddatda tegishli kredit shartnomalarining belgilangan tartibda tuzilishini taʼminlasinlar.

4. “Oʻzbekneftgaz” milliy xolding kompaniyasi Adliya vazirligi, Moliya vazirligi, Iqtisodiyot vazirligi, Oʻzbekiston Respublikasi Tiklanish va taraqqiyot jamgʻarmasi hamda “Oʻzsanoatqurilishbank” aksiyadorlik kompaniyasi bilan birgalikda bir oy muddatda amaldagi normativ-huquqiy hujjatlarga ushbu qarordan kelib chiqadigan oʻzgartirish va qoʻshimchalar toʻgʻrisida takliflar kiritsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari E.R.Shaismatov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2008-yil 17-aprel,

69-son