Oʻzbekiston Respublikasining davlat budjetiga tushumlar toʻgʻrisidagi maʼlumotlarni yigʻish va ayirboshlash tartibi haqidagi nizomni tasdiqlash toʻgʻrisida (1914-son)

07.03.2009

OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI MARKAZIY BANKI BOSHQARUVI OʻZBEKISTON RESPUBLIKASI DAVLAT SOLIQ QOʻMITASINING

Qarori

[Oʻzbekiston Respublikasi Adliya vazirligi tomonidan 2009-yil 7-martda roʻyxatdan oʻtkazildi, roʻyxat raqami 1914]

Oʻzbekiston Respublikasining “Budjet tizimi toʻgʻrisida”gi Qonuniga muvofiq hamda Oʻzbekiston Respublikasi Davlat budjetiga soliqlar, yigʻimlar va boshqa majburiy toʻlovlar boʻyicha maʼlumotlarni tezkor ravishda yigʻish, qayta ishlash va uning asosida Oʻzbekiston Respublikasining Davlat budjetiga tushumlar toʻgʻrisidagi tezkor maʼlumotlarni shakllantirishni taʼminlash maqsadida Oʻzbekiston Respublikasi Moliya vazirligi, Markaziy bank Boshqaruvi va Davlat soliq qoʻmitasi qaror qiladilar:

1. Ilova qilingan Oʻzbekiston Respublikasining Davlat budjetiga tushumlar toʻgʻrisidagi maʼlumotlarni yigʻish va ayirboshlash tartibi haqidagi nizom tasdiqlansin.

2. Mazkur Qaror Oʻzbekiston Respublikasi Adliya vazirligida davlat roʻyxatidan oʻtgan kundan boshlab oʻn kun oʻtgach kuchga kiradi.

Moliya vaziri R. AZIMOV

Toshkent sh.,

2009-yil 6-fevral,

18-son

Markaziy bank raisi F. MULLAJONOV

Toshkent sh.,

2009-yil 6-fevral,

2/8-son

Davlat soliq qoʻmitasi raisi B. PARPIYEV

Toshkent sh.,

2009-yil 6-fevral,

2008-47-son

Moliya vazirligi, Markaziy bank Boshqaruvi va Davlat soliq qoʻmitasining 2009-yil 6-fevraldagi 18, 2/8, 2008-47-sonli qarori bilan TASDIQLANGAN

Oʻzbekiston Respublikasining Davlat budjetiga tushumlar toʻgʻrisidagi maʼlumotlarni yigʻish va ayirboshlash tartibi haqida

NIZOM

Mazkur Nizom Oʻzbekiston Respublikasining “Budjet tizimi toʻgʻrisida”gi Qonuniga muvofiq Oʻzbekiston Respublikasi Iqtisodiyot va moliya vazirligi, Oʻzbekiston Respublikasi Markaziy banki, tijorat banklari va Oʻzbekiston Respublikasi Soliq qoʻmitasi oʻrtasida Oʻzbekiston Respublikasining Davlat budjetiga soliqlar, yigʻimlar va boshqa majburiy toʻlovlar (keyingi oʻrinlarda — Davlat budjetiga tushumlar) boʻyicha maʼlumotlarni yigʻish va ayirboshlash, shuningdek ular asosida tezkor maʼlumotlarni shakllantirish va qayta ishlash tartibini belgilaydi.

I. Umumiy qoidalar

1. Mazkur Nizomda quyidagi tushunchalar ishlatiladi:

Taraflar — Oʻzbekiston Respublikasi Iqtisodiyot va moliya vazirligi (keyingi oʻrinlarda — Iqtisodiyot va moliya vazirligi), Oʻzbekiston Respublikasi Markaziy banki (keyingi oʻrinlarda — MB), tijorat banklari (keyingi oʻrinlarda — banklar), Oʻzbekiston Respublikasi Soliq qoʻmitasi (keyingi oʻrinlarda — SQ), shuningdek Oʻzbekiston Respublikasi Iqtisodiyot va moliya vazirligining Axborot hisoblash markazi (keyingi oʻrinlarda — Iqtisodiyot va moliya vazirligining AHM);

Davlat budjetiga tushumlar boʻyicha maʼlumot — mazkur Nizomda belgilangan shakl boʻyicha Oʻzbekiston Respublikasi Iqtisodiyot va moliya vazirligi tomonidan Oʻzbekiston Respublikasi Markaziy bankidan, tijorat banklaridan balans raqami 23402 “Respublika budjetining mablagʻlari” bank hisobvaragʻi boʻyicha Davlat budjetiga soliqlar va boshqa majburiy toʻlovlar tushumi va qaytarilishi boʻyicha olinadigan elektron koʻrinishdagi maʼlumot;

Soliq toʻlovchilar toʻgʻrisidagi maʼlumot — mazkur Nizomda belgilangan shakl boʻyicha Iqtisodiyot va moliya vazirligining SQdan soliq toʻlovchilarning shaxsiy hisobvaraqlaridan hisoblangan summalar miqdori, soliq toʻlovchilarning identifikatsiya raqami (STIR), bank va boshqa kerakli rekvizitlar toʻgʻrisidagi maʼlumotlarni oʻz ichiga oladigan, soliq toʻlovchilar toʻgʻrisidagi elektron maʼlumot;

Iqtisodiyot va moliya vazirligi AHM axborot tizimi (MVAHMAT) — Oʻzbekiston Respublikasi Iqtisodiyot va moliya vazirligi Axborot-Hisoblash markazi tomonidan ishlatiladigan, Davlat budjetiga tushumlar boʻyicha maʼlumotlarni tezkor yigʻish, qayta ishlash va ayirboshlashni amalga oshirishni avtomatizatsiyalashgan jarayoni uchun moʻljallangan vositalar majmui, shu jumladan apparat uskunalar, dasturiy taʼminot va boshqa texnik vositalar;

Meʼyoriy axborotlar maʼlumotnomasi (MAM) — Oʻzbekiston Respublikasi Markaziy bankidan, tijorat banklaridan va SQdan kelib tushgan, Davlat budjetiga tushumlar boʻyicha maʼlumotlarni qayta ishlashda ishlatiladigan, tarkibida STIR elektron maʼlumotnomasi, bank kodlari, hududlar, soliq toʻlovchilar va boshqa zarur koʻrsatkichlardan foydalaniladigan elektron axborotlar maʼlumotnomasi;

2. MB, banklar va SQdan Davlat budjetiga tushumlar toʻgʻrisida maʼlumotlarni olish, shuningdek qayta ishlash va ayirboshlash Iqtisodiyot va moliya vazirligining AHM tomonidan amalga oshiriladi.

3. Davlat budjetiga tushumlar boʻyicha maʼlumotlar milliy valyuta — soʻmda shakllantiriladi.

II. SQ tomonidan Iqtisodiyot va moliya vazirligining AHMga soliq toʻlovchilar toʻgʻrisidagi maʼlumotlarning taqdim qilinishi

4. SQ oʻzining axborotlar bazasidan har oyda, hisobot oyidan keyingi oyning 5-sanasiga Iqtisodiyot va moliya vazirligining AHMga soliq toʻlovchilarning STIR toʻgʻrisidagi maʼlumotni, shuningdek hisobot choragidan (yilidan) keyingi oyning 30-sanasiga hisoblangan summalar, toʻlov muddati kechiktirilgan summalar va maqsadli sxemalar (1-N sonli shakl hisobotiga kiritilmagan holda) boʻyicha oʻtkazilgan summalar toʻgʻrisidagi maʼlumotni mazkur Nizomning 1-ilovasiga muvofiq shaklda beradi.

III. Banklar tomonidan Iqtisodiyot va moliya vazirligining AHMga Davlat budjetiga tushumlar toʻgʻrisidagi maʼlumotlarning taqdim qilinishi

5. Banklar har kuni soat ertalabki 1000 gacha Markaziy bankning Axborotlashtirish Bosh markaziga (keyingi oʻrinlarda — MB ABM) mazkur Nizomning 2-ilovasida koʻzda tutilgan talablarga muvofiq shartli hisobvaraqlar raqami (SHHR) kesimida balans raqami 23402 “Respublika budjetining mablagʻlari” hisobvaraqlardan, maʼlumotlar taqdim qilinadigan kundan oldingi, oxirgi amaliyot kuni uchun shaxsiy hisobvaraqlardan pul mablagʻlari harakati toʻgʻrisidagi koʻchirmalardan maʼlumot beradilar, MB ABM esa mazkur maʼlumotlarni ertalabki 1100 gacha Iqtisodiyot va moliya vazirligining AHMga yuboradi.

6. Axborotlarni qayta ishlash natijasida olingan maʼlumotlarning bir xilligini taʼminlash uchun MB ABM Iqtisodiyot va moliya vazirligining AHMga SHHR va bank kodlari boʻyicha amaldagi maʼlumotnomalarni, shuningdek ushbu maʼlumotnomalarga kiritiladigan keyingi oʻzgartirishlarni taqdim qiladi.

IV. Iqtisodiyot va moliya vazirligining AHM Axborot tizimining maʼlumotlar bazasi

7. Iqtisodiyot va moliya vazirligining AHM Axborot tizimining maʼlumotlar bazasi Davlat budjetiga tushumlar toʻgʻrisida operativ maʼlumotlarni Iqtisodiyot va moliya vazirligi va SQga tezkor taqdim etish va Davlat budjetiga tushumlar summasini soliq toʻlovchilar kesimida, ularning shaxsiy hisobvaraqlaridan hisoblangan summalar hisobini yuritish maqsadida SQ va banklardan qabul qilingan maʼlumotlarni jamlash, qayta ishlash va ayirboshlashni taʼminlaydi.

8. Maʼlumotlar Taraflar tomonidan telekommunikatsiya tarmogʻi kanallari orqali Iqtisodiyot va moliya vazirligi AHM koʻrsatgan manzildagi elektron pochtaga elektron shaklda (fayl koʻrinishida) taqdim qilinadi.

9. Telekommunikatsiya tarmogʻi kanallari orqali beriladigan barcha maʼlumotlar tekst koʻrinishida (ASCII) boʻlishi shart va qonunchilik hujjatlarida belgilangan tartibdagi algoritm boʻyicha shifrlanadi. Ushbu maqsadda Taraflar kelishuviga koʻra bir xildagi maxsus dasturlar ishlatilishi mumkin.

10. Iqtisodiyot va moliya vazirligining AHM axborotlar tizimining maʼlumotlar bazasi MAM quyidagilarni oʻz ichiga oladi:

a) vazirlik, idora, tashkilot va muassasalar maʼlumotnomasi;

b) shartli hisobvaraqlar raqami (SHHR);

v) soliq toʻlovchining identifikatsion raqami (STIR);

g) bank rekvizitlari nomi;

d) boshqa axborotlar elektron maʼlumotnomasi.

V. Iqtisodiyot va moliya vazirligining AHM tomonidan Iqtisodiyot va moliya vazirligi va SQga chiqadigan maʼlumotlarni taqdim qilinishi

11. Iqtisodiyot va moliya vazirligining AHM SQdan olinadigan maʼlumotlar asosida MVAHMATda MB va banklardan olinadigan maʼlumotlarni qayta ishlaydi va tahlil qiladi va kunlik asosda mazkur Nizomning 3-ilovasiga muvofiq shakl boʻyicha Davlat budjetiga tushumlar toʻgʻrisidagi tezkor maʼlumotlarni shakllantiradi hamda Iqtisodiyot va moliya vazirligi va SQga taqdim qiladi.

12. Barcha chiqadigan maʼlumotlar Iqtisodiyot va moliya vazirligining AHM Axborot tizimida mavjud MAM asosida shakllantiriladi va uning tegishli koʻrsatkichlarini oʻz ichiga oladi.

VI. Yakunlovchi qoidalar

13. Maʼlumotlarni taqdim qilish sanasi dam olish kuniga toʻgʻri kelgan holatlarda, taqdim qilish muddati undan keyingi birinchi ish kuniga koʻchiriladi.

14. Taqdim qilingan maʼlumotlarda nomuvofiqliklar aniqlangan holatlarda Taraflar bir-birlariga nomuvofiqliklar aniqlanganligi toʻgʻrisida axborot beradilar hamda qonunchilik hujjatlarida oʻrnatilgan tartibda ularni bartaraf qilish uchun zarur choralar koʻradilar.

15. Taraflar tomonidan maʼlumotlar ayirboshlash bepul asosda amalga oshiriladi. Bunda taqdim qilingan maʼlumotlar Taraflar tomonidan xizmat maqsadlarida foydalaniladi va “Xizmatda foydalanish uchun” belgisi qoʻyiladi.

16. Taraflar ayirboshlash natijasida olinadigan maʼlumotlarning maxfiyligini taʼminlash uchun javobgardirlar.

17. Mazkur Nizom Oʻzbekiston aloqa va axborotlashtirish agentligi bilan kelishilgan.

Oʻzbekiston aloqa va axborotlashtirish agentligi bosh direktorining birinchi oʻrinbosari X. MUHITDINOV

Toshkent sh.,

2009-yil 6-fevral

Oʻzbekiston Respublikasining Davlat budjetiga tushumlar toʻgʻrisidagi maʼlumotlarni yigʻish va ayirboshlash tartibi haqidagi nizomga 1-ILOVA

* Oylik ravishda hisobot oyidan keyingi oyning 5-sanasiga jadvalning 1-ustunini, shuningdek hisobot choragi (yili)dan keyingi oyning 30-sanasiga qoʻshimcha ravishda 2 — 4-ustunlari toʻldirilgan holda taqdim qilinadi;

** Davlat budjetiga tushumlar ustidan monitoring amalga oshiriladigan barcha vazirlik va idoralar koʻrsatiladi;

*** Soliq toʻlovchilardan tushumlarning barcha turlari boʻyicha umumlashtirilgan soliq toʻlovchilarning shaxsiy hisobvaraqlaridagi hisoblangan summalar toʻliq koʻrsatiladi;

**** Yuqori koʻrsatilgan vazirlik va idoralar kategoriyalariga kirmaydigan boshqa soliq toʻlovchilar.

Oʻzbekiston Respublikasining Davlat budjetiga tushumlar toʻgʻrisidagi maʼlumotlarni yigʻish va ayirboshlash tartibi haqidagi nizomga 2-ILOVA

Oʻzbekiston Respublikasining Davlat budjetiga tushumlar toʻgʻrisidagi maʼlumotlarni yigʻish va ayirboshlash tartibi haqidagi nizomga 3-ILOVA

(Oʻzbekiston Respublikasi qonun hujjatlari toʻplami, 2009-y., 10-11-son, 121-modda; Qonunchilik maʼlumotlari milliy bazasi, 30.11.2021-y., 10/21/3338/1117-son; 28.12.2024-y., 10/24/3595/1086-son)