Oʻzbekiston Respublikasi Oliy Majlisi qonunchilik palatasi mudofaa va xavfsizlik masalalari qoʻmitasining 2005 — 2007 yillar va 2008 yilning toʻqqiz oyi davomidagi faoliyati toʻgʻrisida (883-I-son)

16.10.2008

Oʻzbekiston Respublikasi Oliy Majlisi Qonunchilik palatasining

Qarori

Qoʻmitaning mazkur davr mobaynidagi faoliyati Oʻzbekiston Respublikasi Prezidenti I.A. Karimov tomonidan Oʻzbekiston Respublikasi Oliy Majlisi Qonunchilik palatasi va Senatining 2005-yil 28-yanvardagi qoʻshma majlisida ilgari surilgan jamiyatni demokratlashtirish va yangilash, mamlakatni modernizatsiya va isloh etish konsepsiyasi, Oʻzbekiston Respublikasi Oliy Majlisi Qonunchilik palatasining 2005-yil va kelgusi yillarga moʻljallangan qonunchilik faoliyati dasturiga muvofiq amalga oshirib kelingan.

Qoʻmita tomonidan hisobot davrida mamlakatning mudofaa qobiliyatini va xavfsizligini taʼminlashning huquqiy asoslarini yaratish hamda bu sohada amalga oshirilayotgan islohotlarning qonunchilik bazasini takomillashtirishga qaratilgan 21 ta qonun loyihasi Qonunchilik palatasining muhokamasi va qabul qilishi uchun tayyorlandi. Ular orasida “Eksport nazorati toʻgʻrisida”gi Qonunning 9-moddasiga qoʻshimcha kiritish haqida”gi, “Mudofaa toʻgʻrisida”gi, “Umumiy harbiy majburiyat va harbiy xizmat toʻgʻrisida”gi, “Oʻzbekiston Respublikasining Qurolli Kuchlari rezervidagi xizmat toʻgʻrisida”gi Oʻzbekiston Respublikasi qonunlariga oʻzgartish va qoʻshimchalar kiritish haqida”gi, “Sodiq xizmatlari uchun” medalini taʼsis etish toʻgʻrisida”gi, “Oʻzbekiston Respublikasining Maʼmuriy javobgarlik toʻgʻrisidagi kodeksining 125-moddasiga oʻzgartish va qoʻshimchalar kiritish toʻgʻrisida”gi, “Oʻzbekiston Respublikasi Oliy Majlisining 2001-yil 12-mayda qabul qilingan “Amalga oshirilishi uchun litsenziyalar talab qilinadigan faoliyat turlarining roʻyxati toʻgʻrisida”gi 222-II-sonli Qarorining 1-ilovasiga oʻzgartish va qoʻshimchalar kiritish toʻgʻrisida”gi, “Oʻzbekiston Respublikasining Maʼmuriy javobgarlik toʻgʻrisidagi kodeksiga qoʻshimchalar kiritish haqida”gi, “Oʻzbekiston Respublikasining yadroviy terrorizm aktlariga qarshi kurash toʻgʻrisidagi xalqaro konvensiyaga (Nyu-York, 2005-yil 13-aprel) qoʻshilishi haqida”gi, “Birlashgan Millatlar Tashkilotining Korrupsiyaga qarshi konvensiyasiga (Nyu-York, 2003-yil 31-oktabr) Oʻzbekiston Respublikasining qoʻshilishi toʻgʻrisida”gi, “Oʻzbekiston Respublikasining Kollektiv xavfsizlik toʻgʻrisidagi shartnomaga (Toshkent, 1992-yil 15-may) qoʻshilishi haqida”gi, “Oʻzbekiston Respublikasining Kollektiv xavfsizlik toʻgʻrisidagi shartnoma tashkilotining huquqiy maqomi haqidagi Bitimga (Kishinev, 2002-yil 7-oktabr) qoʻshilishi toʻgʻrisida”gi, “Oʻzbekiston Respublikasining Kollektiv xavfsizlik toʻgʻrisidagi shartnoma tashkilotining Ustaviga (Kishinev, 2002-yil 7-oktabr) qoʻshilishi haqida”gi, “Oʻzbekiston Respublikasining 1992-yil 15-maydagi Kollektiv xavfsizlik toʻgʻrisidagi shartnomani uzaytiri� haqidagi Bayonnomaga (Moskva, 1999-yil 2-aprel) qoʻshilishi toʻgʻrisida”gi, “Oʻzbekiston Respublikasining Kollektiv xavfsizlik toʻgʻrisidagi shartnoma tashkiloti doirasida maxfiy axborotning saqlanishini oʻzaro taʼminlash haqidagi Bitimga (Ostona, 2004-yil 18-iyun) qoʻshilishi toʻgʻrisida”gi, “Oʻzbekiston Respublikasining 1992-yil 15-maydagi Kollektiv xavfsizlik toʻgʻrisidagi shartnomaning ishtirokchi davlatlari oʻrtasidagi harbiy-texnikaviy hamkorlikning asosiy prinsiplari haqidagi Bitim doirasida yetkazib beriladigan, harbiy soha uchun moʻljallangan mahsulotlardan maqsadli foydalanilishi ustidan nazoratni amalga oshirish tartibi toʻgʻrisida 2002-yil 7-oktabrda Kishinev shahrida imzolangan Bayonnomaga hamda 1992-yil 15-maydagi Kollektiv xavfsizlik toʻgʻrisidagi shartnomaning ishtirokchi davlatlari oʻrtasidagi harbiy-texnikaviy hamkorlikning asosiy prinsiplari haqidagi Bitim doirasida yetkazib beriladigan, harbiy soha uchun moʻljallangan mahsulotlardan maqsadli foydalanilishi ustidan nazoratni amalga oshirish tartibi toʻgʻrisidagi Bayonnomaga oʻzgartish va qoʻshimchalar kiritish haqida 2004-yil 22-noyabrda Moskva shahrida imzolangan Bayonnomaga qoʻshilishi toʻgʻrisida”gi, “Oʻzbekiston Respublikasining 1992-yil 15-maydagi Kollektiv xavfsizlik toʻgʻrisidagi shartnomaning ishtirokchi davlatlari oʻrtasidagi harbiy-texnikaviy hamkorlikning asosiy prinsiplari haqidagi Bitimga (Moskva, 2000-yil 20-iyun) hamda “Oʻzbekiston Respublikasining 1992-yil 15-maydagi Kollektiv xavfsizlik toʻgʻrisidagi shartnomaning ishtirokchi davlatlari oʻrtasidagi harbiy-texnikaviy hamkorlikning asosiy prinsiplari haqidagi Bitimga oʻzgartish va qoʻshimchalar kiritish toʻgʻrisidagi Bayonnomaga (ish tartibida imzolangan, 2003-yil 19-sentabr) qoʻshilishi haqida”gi, “Shanxay hamkorlik tashkilotiga aʼzo davlatlar oʻrtasida 2002-yil 7-iyunda Sankt-Peterburg shahrida (Rossiya Federatsiyasi) imzolangan Mintaqaviy aksilterror tuzilmasi toʻgʻrisidagi Bitimga oʻzgartishlar kiritish haqidagi Bayonnomani (Bishkek, 2007-yil 16-avgust) ratifikatsiya qilish toʻgʻrisida”gi, “Oʻzbekiston Respublikasi Hukumati bilan Birlashgan Arab Amirliklari Hukumati oʻrtasida uyushgan jinoyatchilik, terrorizm va jinoyatchilikning boshqa xavfli turlariga �arshi kurash sohasida hamkorlik toʻgʻrisidagi Bitimni (Abu Dabi, 2008-yil 17-mart) ratifikatsiya qilish haqida”gi Oʻzbekiston Respublikasi qonunlari bor.

Bundan tashqari “Tezkor-qidiruv faoliyati toʻgʻrisida”gi hamda “Qutqaruv xizmati va qutqaruvchining maqomi toʻgʻrisida”gi Oʻzbekiston Respublikasi qonunlari Oliy Majlisning Qonunchilik palatasida qabul qilinib, Senatga yuborilgan, shuningdek Qonunchilik palatasida “Terrorizmga qarshi kurash toʻgʻrisida”gi Oʻzbekiston Respublikasi Qonunining 29-moddasiga oʻzgartish kiritish haqida”gi Oʻzbekiston Respublikasi qonuni loyihasi birinchi oʻqishda koʻrib chiqilgan.

Hisobot davrida Qoʻmita tomonidan Oʻzbekiston Respublikasining amaldagi 5 ta qonuni ijrosi oʻrganilib, 15 ta nazorat-tahlil tadbirlari amalga oshirilgan, shu jumladan nazorat-tahlil tadbirlari yakunlariga koʻra 4 ta sayyor yigʻilish tashkil etilgan. Nazorat-tahlil ishlarining natijalariga oid xulosalar qonun ijrochilariga yuborilgan va keyinchalik Qoʻmitaning kengaytirilgan yigʻilishlarida muhokama qilinib, tegishli tavsiyalar qabul qilingan. Ushbu tavsiyalar tegishli idoralarga yuborilib, Qoʻmita tomonidan nazoratga olingan.

Hisobot davrida Qoʻmita tomonidan aholining turli qatlamlari oʻrtasida jamiyat hayotining barcha sohalarini isloh qilishga doir davlat siyosatining mohiyatini ularning eʼtiboriga yetkazishga qaratilgan, shuningdek xavfsizlik va barqarorlikni taʼminlash, terrorizm, ekstremizm va giyohvandlik moddalarining noqonuniy aylanishiga qarshi kurash masalalariga bagʻishlangan keng tushuntirish ishlari olib borilgan. Bu boradagi ishlar parlament faoliyatini yoritish va qabul qilingan qonunlar toʻgʻrisida saylovchilarni xabardor qilish masalalarini ham oʻz ichiga olgan. Ana shu faoliyat doirasida oʻtgan davr mobaynida Qoʻmita tomonidan 16 ta ilmiy-amaliy konferensiya, 33 ta seminar, 71 ta davra suhbati oʻtkazilgan. Qoʻmita aʼzolari OAV da turli dolzarb mavzularda 674-marta chiqish qilgan.

Hisobot davrida Qoʻmita oʻz vakolati doirasida fuqarolarning 300 dan ortiq ariza va shikoyatlarini koʻrib chiqqan, ularning bir qismi ijobiy hal boʻlgan.

Shu bilan birga Qoʻmita faoliyatini tashkil etishga xalaqit beruvchi ayrim hollar mavjud. Chunonchi, 2005 — 2009-yillar uchun moʻljallangan qonun ijodkorligi faoliyatining tasdiqlangan, tegishli vazirliklar va idoralar bilan kelishilgan rejasi mavjud boʻlishiga qaramay, masʼul idoralar tomonidan qonun loyihalarini Qonunchilik palatasi muhokamasiga kiritishni kechiktirish hollari uchrab turibdi. Bunday qonun loyihalari qatoriga “Harbiy xizmatchilarning maqomi toʻgʻrisida”gi, “Harbiy xizmatchilarning pensiya taʼminoti toʻgʻrisida”gi, “Oʻzbekiston Respublikasida safarbarlik va safarbarlikka tayyorgarlik toʻgʻrisida”gi, “Oʻzbekiston Respublikasi Milliy xavfsizlik xizmati toʻgʻrisida”gi, “Ichki ishlar organlari toʻgʻrisida”gi, “Qurol-yarogʻ toʻgʻrisida”gi, “Yongʻin xavfsizligi toʻgʻrisida”gi Oʻzbekiston Respublikasi qonun loyihalarini kiritish mumkin. Qoʻmita mazkur qonun loyihalarini tayyorlashga doir ishlarning borishi haqida muntazam ravishda axborot soʻrab va olib turibdi.

Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasi Mudofaa va xavfsizlik masalalari qoʻmitasining 2005 — 2007-yillar va 2008-yilning toʻqqiz oyi davomidagi faoliyati toʻgʻrisidagi hisoboti maʼlumot uchun qabul qilinsin.

2. Oʻzbekiston Respublikasi Oliy Majlisi Qonunchilik palatasining Mudofaa va xavfsizlik masalalari qoʻmitasi:

Qoʻmitaning qonun ijodkorligi va nazorat-tahlil ishlari sohasidagi faoliyatini maqbullashtirish va uning samaradorligini oshirishga qaratilgan, shuningdek mamlakat mudofaasi va xavfsizligini taʼminlash, terrorizm, ekstremizm va giyohvandlik moddalarining noqonuniy aylanishiga qarshi kurash sohasidagi davlat siyosatining mohiyatini tushuntirish, parlament tomonidan amalga oshirilayotgan faoliyatning mohiyatini va mamlakatning ijtimoiy-iqtisodiy rivojlanishi yakunlarini aholiga yetkazish chora-tadbirlarini koʻrsin;

qonunchilik tashabbusi subyektlari bilan oʻzaro hamkorlikni yanada takomillashtirsin, bunda Oʻzbekiston Respublikasi Oliy Majlisining Qonunchilik palatasi muhokamasiga kiritish rejalashtirilgan qonun loyihalarini oʻz vaqtida tayyorlash va kiritishga alohida eʼtibor bersin;

joylarda qonunlarning ijrosi yuzasidan oʻtkaziladigan nazorat-tahlil tadbirlarining taʼsirchanligini oshirishga erishsin.

3. Oʻzbekiston Respublikasi Oliy Majlisi Qonunchilik palatasining Mudofaa va xavfsizlik masalalari qoʻmitasiga mazkur Qarorning ijrosi toʻgʻrisida 2008-yilgi hisobotida axborot taqdim etish topshirilsin.

4. Ushbu Qarorning ijrosi ustidan nazorat qilish Oʻzbekiston Respublikasi Oliy Majlisi Qonunchilik palatasi Spikerining oʻrinbosari X.N. Doʻstmuhamedov zimmasiga yuklatilsin.

Oʻzbekiston Respublikasi Oliy Majlisi Qonunchilik palatasining Spikeri D. TOShMUHAMEDOVA

Toshkent sh.,

2008-yil 16-oktabr,

883-I-son