Korporativ boshqaruv markazini joylashtirish toʻgʻrisida (32-son)

02.02.2009

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidenti huzuridagi Davlat va jamiyat qurilishi akademiyasi qoshidagi Oliy biznes maktabining Korporativ boshqaruv markazi uchun qulay shart-sharoitlar yaratish maqsadida Vazirlar Mahkamasi qaror qiladi:

1. Oʻzbekiston Respublikasi Davlat mulki qoʻmitasi, Oliy va oʻrta-maxsus taʼlim vazirligi, Toshkent shahar hokimligi hamda Oʻzbekiston Respublikasi Prezidenti huzuridagi Davlat va jamiyat qurilishi akademiyasining Toshkent davlat texnika universiteti balansidagi Toshkent shahri, Shahrisabz koʻchasi, 42-uy manzilida joylashgan binoning 6 va 7-qavatlarini Oʻzbekiston Respublikasi Prezidenti huzuridagi Davlat va jamiyat qurilishi akademiyasi qoshidagi Oliy biznes maktabi balansiga tasarruf etish huquqisiz berish toʻgʻrisidagi taklifiga rozilik berilsin.

2. Oʻzbekiston Respublikasi Prezidenti huzuridagi Davlat va jamiyat qurilishi akademiyasi qoshidagi Oliy biznes maktabi ushbu binoning 6-7-qavatlarini Korporativ boshqaruv markazini joylashtirish uchun balansiga qabul qilib olsin hamda uni saqlash va samarali foydalanish boʻyicha zarur chora-tadbirlar koʻrsin.

3. Vazirlar Mahkamasining “Korporativ boshqaruv markazini tashkil etish toʻgʻrisida” 2003-yil 4-iyuldagi 304-son qaroriga ilovaga muvofiq oʻzgartirishlar kiritilsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2009-yil 2-fevral,

32-son

Vazirlar Mahkamasining 2009-yil 2-fevraldagi 32-son qaroriga ILOVA

Vazirlar Mahkamasining “Korporativ boshqaruv markazini tashkil etish toʻgʻrisida” 2003-yil 4-iyuldagi 304-son qaroriga kiritilayotgan oʻzgartirishlar

1. 7-bandda “Pushkin koʻchasi, 59-uy” soʻzlari “Shahrisabz koʻchasi, 42-uy” soʻzlari bilan almashtirilsin.

2. Qarorga 2-ilovaning 5-bandidagi “Pushkin koʻchasi, 59” soʻzlari “Shahrisabz koʻchasi, 42-uy” soʻzlari bilan almashtirilsin.