Vazirlar Mahkamasining “Mikrokreditbank” aksiyadorlik-tijorat banki faoliyatini tashkil etish va uning moddiy-texnika bazasini mustahkamlash chora-tadbirlari toʻgʻrisida” 2006-yil 6-maydagi 78-son qaroriga oʻzgartirish va qoʻshimchalar kiritish haqida (Oʻzbekiston Respublikasi Prezidentining “Mikrokreditbank” aksiyadorlik-tijorat bankining tadbirkorlik subyektlarini qoʻllab-quvvatlash borasidagi faoliyatini yanada kengaytirish chora-tadbirlari toʻgʻrisida” 2008-yil 10-noyabrdagi PF-4051-son Farmoni) (273-son)

17.12.2008

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Mikrokreditbank” aksiyadorlik-tijorat bankining tadbirkorlik subyektlarini qoʻllab-quvvatlash borasidagi faoliyatini yanada kengaytirish chora-tadbirlari toʻgʻrisida” 2008-yil 10-noyabrdagi PF-4051-son Farmoniga muvofiq Vazirlar Mahkamasi qaror qiladi:

1. Vazirlar Mahkamasining “Mikrokreditbank” aksiyadorlik-tijorat banki faoliyatini tashkil etish va uning moddiy-texnika bazasini mustahkamlash chora-tadbirlari toʻgʻrisida” 2006-yil 6-maydagi 78-son qaroriga (Oʻzbekiston Respublikasi QT, 2006-y., 5-son, 28-modda) ilovaga muvofiq oʻzgartirish va qoʻshimchalar kiritilsin.

2. “Mikrokreditbank” aksiyadorlik-tijorat banki Bank ustaviga ushbu qarordan kelib chiquvchi oʻzgartirish va qoʻshimchalarni belgilangan tartibda roʻyxatdan oʻtkazsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov hamda Oʻzbekiston Respublikasi Markaziy banki raisi F.M. Mullajonov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2008-yil 17-dekabr,

273-son

Vazirlar Mahkamasining 2008-yil 17-dekabrdagi 273-son qaroriga ILOVA

Vazirlar Mahkamasining “Mikrokreditbank” aksiyadorlik-tijorat banki faoliyatini tashkil etish va uning moddiy-texnika bazasini mustahkamlash chora-tadbirlari toʻgʻrisida” 2006-yil 6-maydagi 78-son qaroriga kiritilayotgan oʻzgartirish va qoʻshimchalar

1. 1-bandda:

ikkinchi xatboshidagi “Boshqaruv kengashi” soʻzlari “Kuzatuvchi kengash” soʻzlari bilan almashtirilsin;

uchinchi xatboshidagi “Vaqtinchalik” soʻzi chiqarib tashlansin.

2. 2-bandning birinchi xatboshidagi “Boshqaruv kengashi” soʻzlari “Kuzatuvchi kengash” soʻzlari bilan almashtirilsin.

3. 4-bandning birinchi xatboshidagi “Boshqaruv kengashi” soʻzlari “Kuzatuvchi kengash” soʻzlari bilan almashtirilsin.

4. 1-ilovada:

ilova nomidagi “Boshqaruv kengashi” soʻzlari “Kuzatuvchi kengash” soʻzlari bilan almashtirilsin;

ilovaga izohdagi “Boshqaruv kengashi” soʻzlari “Kuzatuvchi kengash” soʻzlari bilan almashtirilsin.

5. 2-ilovada:

ilova nomidagi “Vaqtinchalik” soʻzi chiqarib tashlansin;

3-bandning birinchi xatboshidagi “5 foiz” soʻzlari “3 foiz” soʻzlari bilan almashtirilsin;

4-banddagi “stavkasidan” soʻzi “stavkasining 50 foizidan” soʻzlari bilan almashtirilsin;

5-banddagi “Markaziy bank qayta moliyalashtirish stavkasining 50 foizidan yuqori boʻlmagan” soʻzlari “yiliga 5 foiz daromad” soʻzlari bilan almashtirilsin;

7-banddagi “Vaqtinchalik” soʻzi chiqarib tashlansin.