“Oʻzbekenergo” davlat-aksiyadorlik kompaniyasi va uning tarkibiy korxonalarining 2006-yildagi moliyaviy-xoʻjalik faoliyati natijalari boʻyicha hisoblangan dividendlarning bir qismini ustav sarmoyasiga kapitallashtirish toʻgʻrisida (234-son)

29.10.2008

Oʻzbekiston Respublikasi Vazirlar Mahkamasining

qarori

“Oʻzbekenergo” davlat-aksiyadorlik kompaniyasi va uning tarkibiy korxonalarini moliyalashtirishning qoʻshimcha manbalari hisobiga generatsiya qiluvchi quvvatlarni va elektr tarmoqlarini yanada rivojlantirishga yoʻnaltirilgan tadbirlarni amalga oshirish maqsadida Vazirlar Mahkamasi qaror qiladi:

1. “Oʻzbekenergo” davlat-aksiyadorlik kompaniyasi va uning tarkibiy korxonalarining 2006-yildagi moliyaviy-xoʻjalik faoliyati natijalariga koʻra oddiy aksiyalar boʻyicha 42175,3 mln. soʻm, shu jumladan davlat ulushi boʻyicha 28404,1 mln. soʻm dividendlar hisoblanganligi maʼlumot uchun qabul qilinsin.

2. Oʻzbekiston Respublikasi Moliya vazirligi, Iqtisodiyot vazirligi, Davlat mulki qoʻmitasi va “Oʻzbekenergo” davlat-aksiyadorlik kompaniyasining 2006-yildagi moliyaviy-xoʻjalik faoliyati natijalariga koʻra hisoblangan dividendlarning oddiy aksiyalar boʻyicha 31385,5 mln. soʻm, shu jumladan davlat ulushi boʻyicha 23192,9 mln. soʻm miqdoridagi qismini “Oʻzbekenergo” davlat-aksiyadorlik kompaniyasi va uning tarkibiy korxonalarining ustav sarmoyasiga kapitallashtirish toʻgʻrisidagi taklifiga rozilik berilsin.

3. Oʻzbekiston Respublikasi Davlat mulki qoʻmitasi “Oʻzbekenergo” davlat-aksiyadorlik kompaniyasi bilan birgalikda belgilangan tartibda:

oddiy aksiyalar boʻyicha hisoblangan dividendlarning bir qismini kapitallashtirish hisobiga “Oʻzbekenergo” davlat-aksiyadorlik kompaniyasi va uning tarkibiy korxonalarining ustav sarmoyasini ilovaga muvofiq koʻpaytirsin;

“Oʻzbekenergo” davlat-aksiyadorlik kompaniyasi va uning tarkibiy korxonalari aksiyalari emissiyasi prospektlarining davlat roʻyxatidan oʻtkazilishini taʼminlasin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari E.R. Shaismatov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2008-yil 29-oktabr,

234-son

Vazirlar Mahkamasining 2008-yil 29-oktabrdagi 234-son qaroriga ILOVA

“Oʻzbekenergo” davlat-aksiyadorlik kompaniyasi va uning tarkibiy korxonalarining 2006-yildagi moliyaviy-xoʻjalik faoliyati natijalariga koʻra oddiy aksiyalar boʻyicha hisoblangan va ustav sarmoyasiga kapitallashtiriladigan dividendlar summasi

(Oʻzbekiston Respublikasi qonun hujjatlari toʻplami, 2008-y., 44-45-son, 442-modda)