Arab mamlakatlari bilan ikki tomonlama hamkorlikni yanada rivojlantirish boʻyicha qoʻshimcha tadbirlar rejasini tasdiqlash toʻgʻrisida (233-son)

28.10.2008

Oʻzbekiston Respublikasi Vazirlar Mahkamasining

qarori

Birlashgan Arab Amirliklari, Saudiya Arabistoni Qirolligi, Quvayt Davlati, Bahrayn Qirolligi, Iordaniya Hoshimiylar Qirolligi Oʻmon Sultonligi, Marokash Qirolligi bilan ikki tomonlama munosabatlarni rivojlantirish va mustahkamlash maqsadida Vazirlar Mahkamasi qaror qiladi:

1. Arab mamlakatlari bilan ikki tomonlama hamkorlikni yanada rivojlantirish boʻyicha qoʻshimcha tadbirlar rejasi ilovaga muvofiq tasdiqlansin.

Ushbu qarorga ilovada koʻrsatilgan vazirliklar va idoralar – masʼul ijrochilar tasdiqlangan tadbirlarning belgilangan muddatda bajarilishini taʼminlasinlar.

2. Oʻzbekiston Respublikasi Tashqi ishlar vazirligi, Tashqi iqtisodiy aloqalar, investitsiyalar va savdo vazirligi yuqorida koʻrsatilgan Tadbirlar rejasining bajarilishi ustidan tizimli nazorat oʻrnatsin hamda natijalari toʻgʻrisida har chorakda Oʻzbekiston Respublikasi Vazirlar Mahkamasiga axborot bersinlar.

Makroiqtisodiy rivojlantirish, tarkibiy oʻzgartirishlar, xorijiy investitsiyalarni jalb etish va hududlarni kompleks rivojlantirish masalalari yigʻma axborot-tahlil departamenti Huquqiy ekspertiza va xalqaro shartnomalar boshqarmasi bilan birgalikda hisobot choragidan keyingi har oyning birinchi dushanba kuni Oʻzbekiston Respublikasi Vazirlar Mahkamasi Prezidiumi majlisiga Tadbirlar rejasining bajarilishi toʻgʻrisida axborot kiritsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Tashqi ishlar vaziri V.I. Norov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2008-yil 28-oktabr,

233-son

Vazirlar Mahkamasining 2008-yil 28-oktabrdagi 233-son qaroriga ILOVA

Arab mamlakatlari bilan ikki tomonlama hamkorlikni yanada rivojlantirish boʻyicha qoʻshimcha tadbirlar

REJASI

* Bajarishning aniq muddatlari mamlakat Rahbarining tegishli tashrifi tashkil etilgandan keyin (yoki tegishli mamlakatlar Rahbarlarining siyosiy qarorlariga koʻra) belgilanadi.

** Oʻzbekistonning Oʻmonda, Marokashda va Bahraynda, ushbu davlatlarning Toshkent shahrida diplomatik missiyalari, shuningdek faxriy konsullari boʻlmaganligi tufayli mamlakatlarning koʻrsatib oʻtilgan guruhlari bilan ikki tomonlama munosabatlarni rivojlantirish masalalari Oʻzbekiston Respublikasi Tashqi ishlar vazirligi tomonidan tegishli ravishda respublikaning Saudiya Arabistoni, Misr va Quvaytdagi diplomatik missiyalari orqali muvofiqlashtiriladi.