Avtomototransport vositalari bilan bogʻliq bitimlar tuzishni yanada tartibga solish chora-tadbirlari toʻgʻrisida (229-son)

16.10.2008

Oʻzbekiston Respublikasi Vazirlar Mahkamasining

qarori

Avtomototransport vositalari bilan bogʻliq bitimlar tuzish tartibini takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining “Avtomototransport vositalarini sotib olish, ulardan foydalanish va ularni boshqa shaxsga berishni tartibga solishga doir qoʻshimcha chora-tadbirlar toʻgʻrisida” 2006-yil 7-martdagi 38-son qarori bilan belgilangan tartib 2008-yil 1-dekabrdan boshlab yuridik shaxslar oʻrtasida, jismoniy shaxslar oʻrtasida, shuningdek yuridik va jismoniy shaxslar oʻrtasida tuziladigan avtomototransport vositalari rentasi, ulardan bepul foydalanish, ularni garovga qoʻyish va lizing shartnomalarini tasdiqlashga ham joriy etilsin.

2. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2008-yil 16-oktabr,

229-son

Vazirlar Mahkamasining 2008-yil 16-oktabrdagi 229-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

2. Vazirlar Mahkamasining “Avtomototransport vositalarini sotib olish, ulardan foydalanish va ularni boshqa shaxsga berishni tartibga solishga doir qoʻshimcha chora-tadbirlar toʻgʻrisida” 2006-yil 7-martdagi 38-son qarorida (Oʻzbekiston Respublikasi QT, 2006-y., 3-son, 17-modda):

a) 2-band quyidagi tahrirda bayon qilinsin:

“2. Belgilansinki, 2008-yil 1-dekabrdan boshlab:

notariuslar tomonidan avtomototransport vositalaridan foydalanish va (yoki) ularni tasarruf etish ishonchnomalarini, boshqa shaxsga berish (oldi-sotdi, almashtirish, hadya etish, renta), ijaraga berish, tekin foydalanish, garovga qoʻyish, lizing shartnomalarini notarial tasdiqlash faqat “Davlat belgisi” davlat ishlab chiqarish birlashmasi tomonidan tayyorlanadigan, himoya darajasiga, seriyaga, tartib raqamiga va hududiy kodga ega boʻlgan qatʼiy hisobot beriladigan gerbli (maxsus) blankalarda amalga oshiriladi;

notarial tasdiqlangan boshqa shaxsga berish shartnomalari roʻyxatdan oʻtkazilishi kerak, foydalanish va (yoki) tasarruf etish huquqiga ishonchnomalar va ijaraga berish, tekin foydalanish, garovga qoʻyish, lizing shartnomalari esa Oʻzbekiston Respublikasi Ichki ishlar vazirligining DYHXX organlarida hisobga qoʻyilishi kerak”;

b) 4-bandning birinchi xatboshi quyidagi tahrirda bayon qilinsin:

“Avtomototransport vositalari bilan bogʻliq bitimlarni rasmiylashtirish tartibi toʻgʻrisidagi Nizom ilovaga muvofiq tasdiqlansin”;

v) qarorga ilovada:

ilovaning nomi quyidagi tahrirda bayon qilinsin:

“Avtomototransport vositalari bilan bogʻliq bitimlarni rasmiylashtirish tartibi toʻgʻrisidagi Nizom”;

1-band quyidagi tahrirda bayon qilinsin:

“1. Ushbu Nizom avtomototransport vositalaridan foydalanish va (yoki) ularni tasarruf etish ishonchnomalarini, boshqa shaxsga berish (oldi-sotdi, almashtirish, hadya etish, renta), ijaraga berish, tekin foydalanish, garovga qoʻyish, lizing shartnomalarini (keyingi oʻrinlarda “avtomototransport vositalari bilan bogʻliq bitimlar” deb yuritiladi) rasmiylashtirish tartibini belgilaydi;

3-bandda:

birinchi xatboshidagi “avtomototransport vositalari bilan bogʻliq ishonchnomalar, ularni boshqa shaxsga berish (oldi-sotdi, ayirboshlash, hadya etish) va ijaraga berish shartnomalari” soʻzlari “Avtomototransport vositalari bilan bogʻliq bitimlar” soʻzlari bilan almashtirilsin;

uchinchi xatboshidagi “departamentining hududiy boʻlimlari sud ijrochilarining tuman (shahar) boʻlimlari sud ijrochilari” soʻzlari “departamentining hududiy boshqarmalari sud ijrochilari tuman (shahar) boʻlimlari” soʻzlari bilan almashtirilsin;

4-banddagi “Oʻzbekiston Respublikasi hududiga boshqa davlatlardan olib kelingan avtomototransport vositalariga ishonchnomalar berish, ularni boshqa shaxsga berish va ijaraga berish” soʻzlari “Oʻzbekiston Respublikasi hududiga boshqa davlatlardan olib kelingan avtomototransport vositalari bilan bogʻliq bitimlar tuzish” soʻzlari bilan almashtirilsin;

5-bandning ikkinchi xatboshidagi “ishonchnomalarini, boshqa shaxsga berish va ijaraga berish shartnomalarini” soʻzlari “bilan bogʻliq bitimlarni” soʻzlari bilan va 6-banddagi “ishonchnomalarni, ularni boshqa shaxsga berish va ijaraga berish shartnomalarini” soʻzlari “bitimlarni” soʻzlari bilan almashtirilsin;

7-bandning birinchi xatboshi quyidagi tahrirda bayon qilinsin:

“7. Notariuslar tomonidan avtomototransport vositalari bilan bogʻliq bitimlarni tasdiqlash boshqa shaxsga berish taqiqlanmaganligi va xatlab qoʻyilmaganligi tekshirilgandan keyin amalga oshiriladi, tasarruf etish huquqisiz ishonchnomalar bundan mustasno”;

8-bandning birinchi xatboshidagi “avtomototransport vositalari bilan bogʻliq ishonchnomalarni, ularni boshqa shaxsga berish va ijaraga berish shartnomalarini” soʻzlari “avtomototransport vositalari bilan bogʻliq bitimlar” soʻzlari bilan almashtirilsin, shuningdek ushbu xatboshi “ijaraga berish shartnomasi boʻyicha ijaraga oluvchiga” soʻzlaridan keyin “tekin foydalanish shartnomasi boʻyicha ssuda oluvchiga, garov shartnomasi boʻyicha pul beruvchiga, lizing shartnomasi boʻyicha lizing oluvchiga” soʻzlari bilan toʻldirilsin;

9-bandning birinchi xatboshidagi “shartnomalar” soʻzi “bitimlar” soʻzi bilan almashtirilsin;

10-band quyidagi tahrirda bayon qilinsin:

“10. Notariuslar tomonidan tasdiqlangan avtomototransport vositalarini boshqa shaxsga berish shartnomalari, shuningdek avtotransport vositalarini ixtisoslashtirilgan savdo korxonalari va kimoshdi savdolari orqali sotish shartnomasi (bayonnoma) Oʻzbekiston Respublikasi Vazirlar Mahkamasining “Avtomototransport vositalarini roʻyxatdan oʻtkazish, qayta roʻyxatdan oʻtkazish, ularning hisobini olib borish, milliy davlat raqami belgilarini berish va ularni almashtirish ishlarini tartibga solish haqida” 1997-yil 26-maydagi 256-son qaroriga muvofiq bir vaqtning oʻzida avtotransport vositasini roʻyxatdan oʻtkazgan va hisobdan chiqargan holda sotib oluvchining yashash joyidagi (turgan joyidagi) DYHXX organlarida roʻyxatdan oʻtkazilishi kerak.

Avtotransport vositalarini 18 yoshga toʻlmagan shaxslarga, mototransport vositalarini 16 yoshga toʻlmagan shaxslarga istisno tariqasida roʻyxatdan oʻtkazishda roʻyxatdan oʻtkazish guvohnomasi ushbu shaxslarga rasmiylashtiriladi, guvohnomaga va avtomototransport vositalarini roʻyxatga olish kartochkasiga: “Transport vositasi egasi 18 (16) yoshga toʻlgunga qadar vasiylik va homiylik organlarining yoki ularning qonuniy vakillarining (ota-onalari, farzandlikka oluvchilar va homiylarning) ruxsatisiz avtomototransport vositalari bilan bogʻliq bitimlar tuzish taqiqlanadi” yozuvi kiritiladi.

Notariuslar tomonidan tasdiqlangan avtomototransport vositalari bilan bogʻliq bitimlar (ixtisoslashtirilgan savdo korxonalari va kimoshdi savdolari orqali sotish boʻyicha boshqa shaxsga berish shartnomalari, shartnomalar (bayonnomalar) bundan mustasno) Oʻzbekiston Respublikasi Ichki ishlar vazirligi tomonidan belgilangan tartibda avtomototransport vositasi roʻyxatga olingan joydagi DYHXX organlarida hisobga qoʻyilishi kerak”;

11-bandda:

birinchi xatboshidagi “avtomototransport vositalari bilan bogʻliq ishonchnomalar, ularni boshqa shaxsga berish va ijaraga berish shartnomalari” soʻzlari “avtomototransport vositalari bilan bogʻliq bitimlar” soʻzlari bilan almashtirilsin;

ikkinchi xatboshi quyidagi tahrirda bayon qilinsin:

“DYHXX organlari tegishli notarial idoralardan ularga nisbatan avtomototransport vositalari bilan bitimlar tasdiqlangan avtomototransport vositalariga tegishli tezkor maʼlumotlarni olish yoʻli bilan avtomototransport vositalari bilan bogʻliq bitimlar avtomobil egalari (ijaraga oluvchilar va ishonchli shaxslar) tomonidan DYHXX organlarida oʻz vaqtida roʻyxatdan oʻtkazilishi (hisobga qoʻyilishi) boʻyicha talablarga rioya qilinishi ustidan nazoratni amalga oshiradi”;

12-bandning ikkinchi xatboshidagi “avtomototransport vositalari bilan bogʻliq ishonchnomalar, ularni boshqa shaxsga berish va ijaraga berish shartnomalari” soʻzlari “avtomototransport vositalari bilan bogʻliq bitimlar” soʻzlari bilan almashtirilsin.

4. Mazkur oʻzgartirish va qoʻshimchalar 2008-yil 1-dekabrdan boshlab kuchga kiradi.