Aviakerosin yoqilgʻisi uchun qatʼiy miqdorda belgilangan aksiz soligʻi stavkalarini qayta koʻrib chiqish toʻgʻrisida (1866-son)

16.10.2008

OʻZBEKISTON RESPUBLIKASI MOLIYA VAZIRINING

BUYRUGʻI

[Oʻzbekiston Respublikasi Adliya vazirligi tomonidan 2008-yil 16-oktabrda 1866-son bilan davlat roʻyxatidan oʻtkazildi]

Oʻzbekiston Respublikasi Prezidentining 2007-yil 12-dekabrdagi PQ-744-son “Oʻzbekiston Respublikasining 2008-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida”gi qarorining (Oʻzbekiston Respublikasi qonun hujjatlari toʻplami, 2007-yil, 52-son, 534-modda) 12-1-ilovasiga muvofiq buyuraman:

1. Aviakerosin yoqilgʻisi uchun qatʼiy miqdorda belgilangan aksiz soligʻi stavkasi qayta koʻrib chiqilib, 36 400 soʻm/tonnaga miqdorida belgilansin.

2. Oʻzbekiston Respublikasi moliya vazirining 2008-yil 17-apreldagi 38-sonli “Aviakerosin yoqilgʻisi uchun qatʼiy miqdorda belgilangan aksiz soligʻi stavkalarini qayta koʻrib chiqish toʻgʻrisida”gi buyrugʻi (2008-yil 21-aprel, roʻyxat raqami 1796 — Oʻzbekiston Respublikasi qonun hujjatlari toʻplami, 2008-yil, 17-son, 131-modda) oʻz kuchini yoʻqotgan deb hisoblansin.

3. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan paytdan boshlab oʻn kun oʻtgandan keyin kuchga kiradi.

Moliya vaziri R. AZIMOV

Toshkent sh.,

2008-yil 13-oktabr,

100-son