Oʻzbekiston Respublikasi bank depozitorlarining milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomni tasdiqlash haqida (1863-son)

27.09.2008

OʻZBEKISTON RESPUBLIKASI MARKAZIY BANKI BOShQARUVINING

Qarori

[Oʻzbekiston Respublikasi Adliya vazirligi tomonidan 2008-yil 27-sentabrda 1863-son bilan davlat roʻyxatidan oʻtkazildi]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonunining 7 va 51-moddalariga asosan Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisida Nizom (yangi tahrirda) ilovaga muvofiq tasdiqlansin.

2. Ushbu qaror kuchga kirgan kundan boshlab Oʻzbekiston Respublikasi Markaziy banki Boshqaruvining 2002-yil 22-apreldagi 10/5-sonli “Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomni tasdiqlash haqida”gi qarori (2002-yil 30-may, roʻyxat raqami 1145 — Meʼyoriy hujjatlar axborotnomasi, 2002-yil, 10-son) oʻz kuchini yoʻqotgan deb topilsin.

3. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kundan soʻng kuchga kiradi.

Markaziy bank Boshqaruvi raisi F. MULLAJONOV

Toshkent sh.,

2008-yil 23-avgust,

18/6-son

Oʻzbekiston Respublikasi Markaziy banki Boshqaruvining 2008-yil 23-avgustdagi 18/6-son qarori bilan TASDIQLANGAN

Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisida

NIZOM

Ushbu Nizom Oʻzbekiston Respublikasining Fuqarolik kodeksi, “Oʻzbekiston Respublikasining Markaziy banki toʻgʻrisida”gi, “Banklar va bank faoliyati toʻgʻrisida”gi hamda “Bank siri toʻgʻrisida”gi qonunlariga muvofiq bank depozitorlarining Milliy axborotlar bazasi va unda bank mijozlariga xos raqam berish hamda ularning hisobvaraqlari roʻyxatini yuritish va mijozlar hisobvaraqlari toʻgʻrisida maʼlumotlar olish tartibini belgilaydi.

1-§. Umumiy qoidalar

1. Bank depozitorlarining Milliy axborotlar bazasi (keyingi oʻrinlarda —BDMAB) Oʻzbekiston Respublikasi banklari tomonidan yuridik shaxslarga, shuningdek, yuridik shaxs tashkil etmasdan faoliyat koʻrsatayotgan dehqon xoʻjaliklari va yakka tartibdagi tadbirkorlarga hamda jismoniy shaxslarga birinchi marotaba bank hisobvaraqlari ochishda ularga xos raqam berish, ularning hisobvaraqlari roʻyxatini yuritish hamda mijozlar hisobvaraqlari toʻgʻrisida maʼlumotlar olishni taʼminlovchi axborotlar bazasi boʻlib hisoblanadi.

BDMABga Axborotlashtirish Bosh Markazi (keyingi oʻrinlarda — ABM) tomonidan xizmat koʻrsatiladi hamda uning faoliyati ustidan nazorat Markaziy bank tomonidan olib boriladi.

2. BDMAB bank mijozlari va ularning bank hisobvaraqlari toʻgʻrisidagi maʼlumotlarni, qoldiq summalarini qayd etmagan holda saqlaydi.

3. Oʻzbekiston Respublikasining Soliq kodeksiga muvofiq zimmasiga soliqlar va yigʻimlarni toʻlash majburiyati yuklatilgan yuridik shaxslarning alohida boʻlinmalari (filiallar, vakolatxonalar) soliq toʻlovchining identifikatsiya raqami (STIR) olib amal qilayotgan boʻlsa, ushbu filiallar (vakolatxonalar)ga ham alohida xos raqam beriladi.

4. BDMABda yuridik shaxslar boʻlgan mijozlarga berilgan xos raqamlar, ularning xoʻjalik faoliyati tugatilgan vaqtdan boshlab 5 yil mobaynida saqlanadi va bu davr ichida mazkur xos raqam boshqa shaxslarga berilmaydi. Yuridik shaxs maqomiga ega boʻlmagan, yakka tartibdagi tadbirkorlar va dehqon xoʻjaliklariga xos raqam bir marta beriladi va faqat ularga berilgan soliq toʻlovchining identifikatsiya raqami bekor qilingandagina, ushbu xos raqam bekor qilinishi mumkin. Shundan keyin ushbu xos raqam boshqa yakka tartibdagi tadbirkor yoki dehqon xoʻjaligiga beriladi.

Jismoniy shaxsning shaxsiy identifikatsion raqami (keyingi oʻrinlarda — JShShIR) mavjud boʻlgan jismoniy shaxslarga tijorat banklari tomonidan “60000001” dan “99999999” gacha boʻlgan oraliqda, JShShIR boʻyicha xoslikni saqlagan holda xos raqamlar beriladi.

JShShIR mavjud boʻlmagan jismoniy shaxslarga xos raqamlar BDMAB tomonidan beriladi.

5. Mijozlarning hisobvaraqlari BDMABda, har bir balans hisobvaraqlari uchun valyutalar kodlari boʻyicha ketma-ket raqamlash tamoyili asosida dasturiy ravishda shakllantiriladi, budjet tashkiloti bundan mustasnodir. Budjet tashkilotlarining hisobvaraqlarini shakllantirishda hisobvaraq tartib raqami oʻrniga daromad (xarajat) moddasi (boʻlimi) koʻrsatiladi. Mijozning BDMABda shakllantirilgan bank hisobvaragʻi bankning maʼlumotlar bazasiga kiritiladi va ularni bankda oʻzgartirish mumkin emas.

6. Mijozga asosiy talab qilib olinguncha depozit hisobvaraq (keyingi oʻrinlarda — asosiy depozit hisobvaraq) ochish jarayonida bank BDMABdan mijozga xos raqam berilganligi toʻgʻrisidagi xabarni olgandan keyin, bu toʻgʻrisida oʻz mijoziga xabar beradi va shundan keyingina mijoz ushbu hisobvaraq boʻyicha bank operatsiyalarini amalga oshirish huquqiga ega boʻladi.

Jismoniy shaxslarning hisobvaraqlari BDMABda roʻyxatdan oʻtkazilgandan soʻng, bankning maʼlumotlar bazasiga kiritiladi.

Mazkur Nizomning yuridik shaxs va yuridik shaxs tashkil etmasdan faoliyat koʻrsatayotgan dehqon xoʻjaliklari va yakka tartibdagi tadbirkorlarga bogʻliq normalari jismoniy shaxslarning hisobvaraqlariga nisbatan tatbiq etilmaydi.

7. Mijozga ochilgan, boshqa bankdan oʻtkazilgan yoki qayta harakatga keltirilgan bank hisobvaraqlari boʻyicha barcha hisob-kitoblar, shuningdek, hisobvaraqlardan mablagʻlarni hisobdan chiqarish amallarini vaqtincha toʻxtatib turish hamda mijozning hisobvaragʻini yopish shu kunning oʻzidayoq amalga oshiriladi.

8. BDMABda hisobvaraqlarni ochish, boshqa bankka oʻtkazish, yopish, mablagʻlarni hisobdan chiqarish amallarini vaqtincha toʻxtatib turish va ularni qayta tiklash sanalari shakllantiriladi va banklarga uzatiladi. Ular bankning maʼlumotlar bazasiga dasturiy ravishda kiritiladi va bank tomonidan oʻzgartirishga ruxsat etilmaydi.

9. Oʻzbekiston Respublikasi banklari bilan BDMAB oʻrtasidagi axborot almashinish soʻrov fayli tamoyiliga asoslanadi va ABMning elektron pochta tizimi orqali amalga oshiriladi.

10. Soʻrovlar BDMABga joʻnatilgandan keyin, ABM faylning BDMABga uzatilganligi toʻgʻrisida bankka tasdiqnoma joʻnatadi.

11. Banklardan BDMABga kelib tushadigan barcha soʻrov turlari dasturiy ravishda, shu kunning oʻzidayoq qayta ishlanadi.

Kun davomida qayta ishlangan barcha soʻrov turlari boʻyicha maʼlumot bank ish kuni yakunida BDMAB tomonidan solishtirish uchun banklarga yuboriladi.

12. Banklarning BDMABga yuboradigan soʻrov turlari ushbu Nizomning 18-bandida koʻrsatilgan maʼlumotlardan tashkil topadi.

Jismoniy shaxslarning BDMABga yuboradigan soʻrov turlari ushbu Nizomning 12-ilovasida koʻrsatilgan maʼlumotlardan tashkil topadi.

BDMABdagi maʼlumotlarni shakllantirishda “Elektron hukumat” hamda maʼlumotlar bazasini yuritadigan davlat organlarining elektron axborot tizimlaridagi maʼlumotlardan foydalanilishi mumkin.

13. BDMABdan kelib tushgan javob fayllarining barcha maʼlumotlari bankda mijoz taqdim etgan hujjatlar asli bilan takroran solishtiriladi. Agar xatolar aniqlansa, xato maʼlumotlar bartaraf qilingan holda BDMABga soʻrov qayta joʻnatiladi.

14. Bank yoki bank filialining faoliyati tugatilayotganda, mijozlarning tugatilayotgan bankdagi barcha hisobvaraqlari oldindan yopilishi yoki bank faoliyati tugatilgunga qadar, BDMABga 6-soʻrov joʻnatgan holda, asosiy hisobvaragʻini tegishli bank filialiga yoki boshqa bankka oʻtkazilishi shart.

15. Soʻrovlar boʻyicha koʻrsatilgan xizmat haqi bank va ABM oʻrtasida tuzilgan shartnomada koʻrsatib oʻtiladi.

16. BDMABdagi maʼlumotlarni, shu jumladan bank siri hisoblangan maʼlumotlarni qonunchilikka zid ravishda oshkor qilishda aybdor shaxslar belgilangan tartibda javobgar boʻladilar.

2-§. BDMABning funksiyalari

17. BDMAB quyidagi funksiyalarni bajaradi:

a) bank depozitorlarining axborotlar bazasini shakllantirish, saqlash, toʻldirib borish va uni faol holatda saqlab turishni taʼminlash;

b) qonunchilik hujjatlarida koʻzda tutilgan hollarda, bank siriga rioya etgan holda tegishli davlat organlari bilan bank depozitorlari hisobvaraqlari va depozitorlar turi boʻyicha elektron maʼlumotlar almashish;

v) banklararo elektron toʻlovlarning aniq bajarilishini taʼminlash;

g) banklarning soʻrovlariga javob berish;

d) banklarning maʼlumotlariga muvofiq axborotlar bazasini tezkor oʻzgartirib borish;

e) soʻralgan axborotlarni tezkor izlash;

j) axborotlar bazasi arxivini tashkil etish va uni belgilangan muddatda saqlash;

z) tizimning faoliyat koʻrsatish boʻyicha elektron bayonnomasini yuritish;

i) qabul qilingan, joʻnatilayotgan, qayta ishlanayotgan va saqlanayotgan axborotlar muhofazasini taʼminlash;

k) favqulodda holatlar yuz berganda banklarni oʻz mijozlari va ularning bank hisobvaraqlari toʻgʻrisidagi maʼlumotlar bilan toʻliq taʼminlash;

l) qonunchilikda koʻzda tutilgan hollarda tegishli davlat organlarining yozma soʻrovlariga asosan BDMABda roʻyxatga olingan depozitorlar va ularning bank hisobvaraqlari toʻgʻrisidagi maʼlumotlarni taqdim etish.

3-§. BDMABning tarkibiy tuzilishi

18. BDMAB bazasida bank mijozlarining maʼlumotlari quyidagi tarkibda shakllanadi va saqlanadi:

1) joʻnatilgan soʻrovnomaning tartib raqami;

2) soʻrov turi raqami;

3) mijoz maqomi (yuridik (Yu), yakka tadbirkor- (I), jismoniy shaxs (F);

4) soliq toʻlovchining identifikatsiya raqami (STIR);

5) mijozning nomi;

6) mijoz turi;

7) tashkiliy-huquqiy shakli kodi;

8) mulkchilik shakli kodi;

9) manzil kodi;

10) yuridik shaxs kodi;

11) Iqtisodiy faoliyat turlari umumdavlat tasniflagichi (IFUT) kodi;

12) roʻyxatga olgan tashkilot nomi;

13) roʻyxatdan oʻtkazilganlik toʻgʻrisidagi guvohnoma raqami;

14) roʻyxatdan oʻtkazilgan guvohnoma sanasi;

15) roʻyxatga olgan tashkilotning viloyat kodi;

16) roʻyxatga olgan tashkilotning tuman kodi;

17) rezidentlik belgisi (rezident yoki norezident);

18) mijozning mamlakat kodi;

19) ochilayotgan mijoz hisobvaragʻining bosh kitobdagi balans hisobvaraq kodi;

20) valyuta kodi;

21) hisobvaraqning BDMAB yoki bank tomonidan berilgan tartib raqami;

22) mijozga hisobvaraqni ochayotgan bank kodi;

23) mijozning shaxsiy hisobvaragʻi;

24) mijozga BDMABda berilgan xos raqam;

25) mijoz BDMABda roʻyxatga olingan sana;

26) mijoz hisobvaragʻi ochilgan sana;

27) bosh korxonaning BDMABdagi xos raqami (alohida yuridik shaxs sifatidagi filiallar va vakolatxonalar uchun);

28) bosh korxonaning STIRi (alohida yuridik shaxs sifatidagi filiallar va vakolatxonalar uchun);

29) bosh korxonaning nomi (alohida yuridik shaxs sifatidagi filiallar va vakolatxonalar uchun);

30) hisobvaraqdan vaqtincha aktiv operatsiyalarni toʻxtatish, band solish yoki harakatsizligi yoki harakatga keltirish belgisi;

31) hisobvaraqdan vaqtincha aktiv operatsiyalarni toʻxtatilgan yoki band solingan sana;

32) hisobvaraqdan oxirgi marotaba operatsiya amalga oshirilgan sana;

33) vaqtincha aktiv operatsiyalarni toʻxtatilgan yoki band solingan hisobvaraqni harakatga keltirish sanasi;

34) asosiy hisobvaraqni boshqa bankka oʻtkazish belgisi;

35) asosiy hisobvaraq boshqa bankka oʻtkazilgan sana;

36) mijozning asosiy hisobvaragʻini qabul qilayotgan bankning rozilik belgisi;

37) mijoz asosiy hisobvaragʻini qabul qilayotgan bank kodi;

38) mijozning oʻtkazilayotgan asosiy hisobvaragʻini boshqa bankda ochilgan sanasi;

39) mijoz hisobvaragʻini yopilish asosi belgilari;

40) mijoz hisobvaragʻi yopilgan sana;

41) eski asosiy hisobvaraqning 20 ta belgili raqami;

42) yangi asosiy hisobvaraqning 20 ta belgili raqami;

43) mijozning asosiy hisobvaragʻi oʻzgartirilgan sana;

44) mijoz faoliyati tugatilishi uchun asos va uning raqami;

45) mijoz faoliyati tugatilgan sana;

46) soʻrovnomani bajarilish belgisi (1-ilovada keltirilgan);

47) bank sharhi (Kommentariy banka);

4-§. BDMAB ga(dan) joʻnatiladigan soʻrov (javob) turlari

19. BDMAB banklarga quyidagi soʻrov turlari boʻyicha xizmat koʻrsatadi:

a) mijozni identifikatsiyalash (0-soʻrov turi);

b) mijozlarga xos raqam berish va asosiy depozit hisobvaraq ochish (1-soʻrov turi);

v) mijozlarga ularning xos raqami bilan hisobvaraqlar ochish (2-soʻrov turi);

g) hisobvaraqlardan mablagʻlarni hisobdan chiqarish amallarini vaqtincha toʻxtatib turish va hisobvaraq holati boʻyicha maʼlumot (3-soʻrov turi);

d) hisobdan chiqarish amallari vaqtincha toʻxtatib turilgan hisobvaraqlarni harakatga keltirish (4-soʻrov turi);

e) mijozlarning BDMABdagi maʼlumotlarini oʻzgartirish (5-soʻrov turi);

j) mijozning asosiy hisobvaragʻini boshqa bankka koʻchirish (6-soʻrov turi);

z) mijozlarning hisobvaraqlarini yopish (7-soʻrov turi);

i) mijozlarning boshqa banklarda ochgan hisobvaraqlari roʻyxatini olish (8-soʻrov turi);

k) mijozning xos raqami faolligini tugatish (9-soʻrov turi).

191. BDMAB jismoniy shaxslar boʻyicha banklarga quyidagi soʻrov turlari boʻyicha xizmat koʻrsatadi hamda ushbu soʻrov turlarini shakllantirishda 12-ilovada keltirilgan maʼlumotlardan foydalaniladi:

jismoniy shaxsni identifikatsiyalash;

jismoniy shaxsga xos raqam berish;

jismoniy shaxsning hisobvaragʻini roʻyxatdan oʻtkazish;

jismoniy shaxsning BDMABdagi maʼlumotlarini oʻzgartirish;

jismoniy shaxsning BDMABdagi xos raqami faolligini tugatish.

0-soʻrov turi. “Mijozni identifikatsiyalash”

20. 0-soʻrov turi mijozni STIRi orqali BDMABda roʻyxatdan oʻtganligini aniqlash uchun belgilangan.

Bu soʻrov mijozga xos raqam berishdan oldin unga hisobvaraq ochilayotganda shakllantiriladi hamda mijozning oldin BDMABdan xos raqam olib roʻyxatdan oʻtganligini va boshqa biror-bir bank filialida bank hisobvaragʻi ochgan yoki ochmaganligini aniqlash uchun qoʻllaniladi.

21. Mijoz oldin xos raqam olgan boʻlsa, unda BDMABdan mijoz haqida amaldagi maʼlumotlar koʻrsatilgan holda javob qaytariladi. Bank xodimi BDMABdan olingan maʼlumotlarni mijoz taqdim etgan hujjatdagi maʼlumotlar bilan taqqoslaydi, ular mos kelgan holda, 2-soʻrov turi yordamida mijozga ikkilamchi hisobvaraqlar ochadi.

0-soʻrov va javob turi koʻrsatkichlar roʻyxati 2-ilovada keltirilgan.

1-soʻrov turi. “Mijozlarga xos raqam berish va asosiy depozit hisobvaraq ochish”

22. 1-soʻrov turi, bank mijozlariga milliy valyutada dastlabki asosiy depozit hisobvaragʻi ochishda ularga BDMABda xos raqam berish uchun moʻljallangan. Ushbu soʻrov faqat mijoz oldin BDMABdan xos raqam olmagan boʻlsagina shakllantiriladi.

23. Agarda yuridik shaxslarning alohida boʻlinmalari (filiallar, vakolatxonalar) STIR olib amal qilayotgan boʻlsa, BDMABga 1-soʻrov turini shakllantirishda ushbu filial (vakolatxona)larning guvohnomalaridagi maʼlumotlar va STIRi koʻrsatiladi hamda unga qoʻshimcha ravishda bosh korxonaning nomi, xos raqami va STIRi koʻrsatilishi shart.

Qolgan hollarda filiallar (vakolatxonalar) uchun BDMABga 2-soʻrov turi “0” belgi bilan shakllantiriladi hamda bosh korxonaning xos raqami va STIRi bilan hisobvaraq ochiladi, qolgan maʼlumotlar BDMABda dasturiy ravishda shakllanadi.

1-soʻrov va javob turi koʻrsatkichlari roʻyxati 3-ilovada keltirilgan.

2-soʻrov turi. “Mijozlarga ularning xos raqami bilan hisobvaraqlar ochish”

24. 2-soʻrov turi bankda mijozlarga ularning xos raqami bilan hisobvaraqlar ochishda qoʻllaniladi.

25. BDMABda mijozlarning hisobvaraqlari mavjudligi tekshiriladi, soʻrovda koʻrsatilgan balans hisobvaragʻi va valyuta kodi boʻyicha ochilgan mijozning barcha hisobvaraqlari koʻrsatiladi hamda hisobvaraq shakllantirilib, javob faylida bankka qaytariladi.

26. Agar mijozning asosiy depozit hisobvaragʻi yopilgan boʻlsa, u holda mijozga ikkilamchi depozit hisobvaraqlar bankning boshqa filiallari yoki boshqa banklarda ochilmaydi hamda bankka bajarilmaganlik belgisi bilan javob qaytariladi. Shuningdek, hisobvaraqlardan mablagʻlarni hisobdan chiqarish amallari vaqtincha toʻxtatilgan boʻlsa, u holda mijozga ikkilamchi depozit hisobvaraq bankning boshqa filiallari yoki boshqa banklarda ochilmaydi (Oʻzbekiston Respublikasi Prezidenti va Hukumatining hujjatlari asosida ochiladigan hisobvaraqlar, kredit (ssuda), 22600 (22696 dan tashqari), 23100, 23200 (23206 dan tashqari) va 23500 hisobvaraqlari bundan mustasno) hamda bankka bajarilmaganlik belgisi bilan javob qaytariladi.

27. Agar mijoz boshqa bankdan oʻzining asosiy hisobvaragʻini koʻchirib oʻtayotgan boʻlsa, unda qabul qilayotgan bank mijoz toʻgʻrisidagi maʼlumotlarni 2-soʻrov turi “1” belgisi bilan shakllantirib BDMABga uzatishi shart.

2-soʻrov va javob turi koʻrsatkichlari roʻyxati 4-ilovada keltirilgan.

3-soʻrov turi. “Hisobvaraqlardan mablagʻlarni hisobdan chiqarish amallarini vaqtincha toʻxtatib turish va hisobvaraq holati boʻyicha maʼlumot”

28. 3-soʻrov turi qonunchilikda koʻzda tutilgan hujjatlarga asoslangan holda, hisobvaraqlardan mablagʻlarni hisobdan chiqarish amallarini vaqtincha toʻxtatib turish uchun va ularning holati boʻyicha BDMAB bazasidan foydalanuvchilarga tegishli maʼlumotni uzatish uchun bank tomonidan shakllantiriladi.

29. Barcha hisobvaraqlardan mablagʻlarni hisobdan chiqarish amallarini vaqtincha toʻxtatib turish boʻyicha soʻrov faqat asosiy depozit hisobvaragʻini ochgan bank tomonidan qonunchilikda koʻzda tutilgan hollardagina shakllantiriladi.

30. Aniq bir hisobvaraqdan mablagʻlarni hisobdan chiqarish amallarini vaqtincha toʻxtatib turish uchun soʻrov turini, ushbu hisobvaraqqa xizmat koʻrsatuvchi bankning oʻzigina shakllantirishi mumkin.

31. Aniq bir hisobvaraqdan mablagʻlarni hisobdan chiqarish amallarini vaqtincha toʻxtatib turishga 3-soʻrov turida koʻrsatilgan barcha maʼlumotlar BDMABga uzatiladi.

32. Aniq bir balans hisobvaragʻida ochilgan mijozning barcha hisobvaraqlaridan hisobdan chiqarish amallarini vaqtincha toʻxtatib turishda, valyuta kodi oʻrniga “VVV” uzatiladi, hisobvaraqning tartib raqami oʻrniga uchta nol — “000” kiritiladi. Agar, mijozning maʼlum bir valyutadagi barcha hisobvaraqlaridan hisobdan chiqarish amallarini vaqtincha toʻxtatib turish zarur boʻlsa, u holda valyuta kodi “VVV” oʻrniga, tegishli valyuta kodi uzatiladi.

33. Mijozning barcha turdagi valyutalari boʻyicha barcha hisobvaraqlaridan mablagʻlarni hisobdan chiqarish amallarini vaqtincha toʻxtatib turishda balans hisobvaragʻi oʻrniga beshta nol — “00000”, valyuta kodi oʻrniga — “VVV” va hisobvaraqning tartib raqami oʻrniga uchta nol — “000” beriladi.

34. BDMABning maʼlumotlar bazasida 3-soʻrov turi qayta ishlangandan keyin, hisobvaraqlar vaziyatining “harakatda”gi maqomi “vaqtincha toʻxtatilgan” maqomiga oʻzgaradi. BDMAB 3-soʻrov turini shakllantirgan bankka hisobvaraqlar va banklar roʻyxatini tegishli javob bilan qaytaradi hamda hisobvaraqdan mablagʻlarni hisobdan chiqarish amallari toʻxtatiladi. Shu bilan bir vaqtning oʻzida boshqa bir bankning soʻrovi boʻyicha hisobvaraqlardan vaqtincha hisobdan chiqarish amallari toʻxtatilgan banklarga, quyidagilarni oʻz ichiga olgan javob fayllari (banklarning maʼlumotlar bazasini yangilash uchun) joʻnatiladi:

a) hisobvaraqdan mablagʻlarni hisobdan chiqarish amallarini vaqtincha toʻxtatish uchun soʻrovni joʻnatgan bank kodi;

b) hisobvaraqdan mablagʻlarni hisobdan chiqarish amallarini vaqtincha toʻxtatish uchun asos;

v) asos berilgan sana;

g) hisobvaraqdan mablagʻlarni hisobdan chiqarish amallari vaqtincha toʻxtatilganlik sabab belgisi;

d) mijozning hisobvaragʻi;

e) hisobvaraqdan mablagʻlarni hisobdan chiqarish amallari vaqtincha toʻxtatilgan sana;

yo) oxirgi marotaba faoliyat koʻrsatgan sanasi.

35. BDMABdan, mijozning bank hisobvaragʻidan mablagʻlarni hisobdan chiqarish amallarini vaqtincha toʻxtatilganligi toʻgʻrisidagi maʼlumot olinganda, hisobvarakdan mablagʻlarni hisobdan chiqarish amallari vaqtincha toʻxtatilgan sanasi bankning maʼlumotlar bazasiga dasturiy ravishda kiritiladi. Ushbu hisobvaraqlar boʻyicha mablagʻlarni hisobdan chiqarish amallari hisobvaraqlarni harakatga keltirish toʻgʻrisida maʼlumot olingunga qadar vaqtincha toʻxtatiladi yoki asosiy hisobvaraq ochgan bankning asoslantirilgan elektron murojaatnomasiga binoan ikkilamchi hisobvaraqlardagi mablagʻni asosiy hisobvaragʻiga oʻtkazib beradi.

36. Ikkilamchi hisobvaraqlardan mablagʻlarni mijozning roziligisiz (qonunchilikda belgilangan hollar bundan mustasno) asosiy hisobvaraqqa koʻchirilishi boʻyicha javobgarlik elektron murojaatnomani yuborgan bank zimmasiga yuklatiladi.

37. Oʻzbekiston Respublikasi Vazirlar Mahkamasining 2019-yil 21-avgustdagi 704-son qarori bilan tasdiqlangan Moliya-xoʻjalik faoliyatini amalga oshirmayotgan tadbirkorlik subyektlarini davlat reyestridan chiqarish tartibi toʻgʻrisidagi nizomga asosan tijorat tashkilotlarining bank hisobvaraqlariga toʻqqiz oy mobaynida moliya-xoʻjalik faoliyati boʻyicha pul mablagʻlari tushmaganda tijorat banklari tomonidan uch ish kuni ichida u hisobga qoʻyilgan joydagi davlat soliq xizmati organiga Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi orqali elektron maʼlumot taqdim etiladi.

Xizmat koʻrsatuvchi bank tomonidan ushbu maʼlumotlar toʻgʻrisida BDMABga, BDMABdan esa Davlat soliq qoʻmitasi uchun elektron xabarnoma shu kunning oʻzida uzatiladi.

Bunda, BDMAB bazasiga “25” belgisi qoʻyib joʻnatilgan 3-soʻrov turi, faqat davlat soliq organlariga moliya-xoʻjalik faoliyatini toʻqqiz oy mobaynida amalga oshirmayotgan tijorat tashkilotlari toʻgʻrisida maʼlumot kiritib qoʻyiladi.

3-soʻrov va javob turi koʻrsatkichlari roʻyxati 5-ilovada keltirilgan.

4-soʻrov turi. “Hisobdan chiqarish amallari vaqtincha toʻxtatib turilgan hisobvaraqlarni harakatga keltirish”

38. 4-soʻrov turi bank tomonidan mijozning hisobvaragʻidan mablagʻlarni hisobdan chiqarish amallarini vaqtincha toʻxtatilgan holatdan hisobdan chiqarishga ruxsat etilishida, yaʼni harakatga keltirishda shakllantiriladi. Ushbu soʻrov turi faqat BDMABga 3-soʻrov turini joʻnatgan banklar tomonidan shakllantiriladi.

39. Mijozning aniq bir hisobvaragʻidan mablagʻlarni hisobdan chiqarish amallari vaqtincha toʻxtatilgan hisobvaraqni harakatga keltirishda barcha koʻrsatilgan rekvizitlar 4-soʻrov turiga kiritiladi.

40. Aniq bir balans hisobvaragʻi boʻyicha mijozlarning barcha hisobvaraqlaridan mablagʻlarni hisobdan chiqarish amallari vaqtincha toʻxtatilgan hisobvaraqlarini harakatga keltirishda, valyuta kodi oʻrniga “VVV” , tartib raqami oʻrniga uchta nol — “000” kiritib uzatiladi. Agar mijozning maʼlum bir valyuta boʻyicha barcha hisobvaraqlarini harakatga keltirish zarur boʻlsa, u holda valyuta kodi “VVV” oʻrniga tegishli valyuta kodi kiritib uzatiladi.

41. Mijozning barcha valyutalar boʻyicha hisobdan chiqarish amallari vaqtincha toʻxtatilgan barcha hisobvaraqlarini harakatga keltirishda balans hisobvaragʻi oʻrniga beshta nol — “00000”, valyuta kodi oʻrniga — “VVV”, hisobvaraqning tartib raqami oʻrniga uchta nol — “000” beriladi.

42. BDMABning maʼlumotlar bazasida 4-soʻrov turi qayta ishlangandan keyin hisobvaraqlar “vaqtincha toʻxtatilgan” maqomidan “harakatda”gi maqomiga almashtiriladi va bankka hisobdan chiqarish amallari vaqtincha toʻxtatilgan hisobvaraqlarni harakatga keltirilganligi toʻgʻrisida banklar roʻyxati bilan javob qaytariladi hamda hisobdan chiqarish amallari vaqtincha toʻxtatilgan hisobvaraqlar harakatga keltiriladi. Shu bilan bir vaqtning oʻzida boshqa bir bankning soʻrovi boʻyicha hisobdan chiqarish amallari vaqtincha toʻxtatilgan hisobvaraqlarni harakatga keltirilganligi toʻgʻrisida banklarga quyidagi maʼlumotlarni oʻz ichiga olgan javob fayllari (banklarning maʼlumotlar bazasini yangilash uchun) joʻnatiladi:

a) hisobdan chiqarish amallari vaqtincha toʻxtatilgan hisobvaraqlarni harakatga keltirish uchun soʻrovni joʻnatgan bank kodi;

b) hisobdan chiqarish amallari vaqtincha toʻxtatilgan hisobvaraqlarni harakatga keltirish uchun asos;

v) asos berilgan sana;

g) hisobvaraqdan hisobdan chiqarish amallarini vaqtincha toʻxtatilgan holatdan, harakatga keltirish sababi belgisi;

d) mijozning hisobvaragʻi;

e) hisobvaraqlardan hisobdan chiqarish amallari vaqtincha toʻxtatilgan sana;

yo) hisobdan chiqarish amallari vaqtincha toʻxtatilgan hisobvaraqlarning harakatga keltirilgan sanasi.

43. Oʻzbekiston Respublikasi Vazirlar Mahkamasining 2019-yil 21-avgustdagi 704-son qarori bilan tasdiqlangan Moliya-xoʻjalik faoliyatini amalga oshirmayotgan tadbirkorlik subyektlarini davlat reyestridan chiqarish tartibi toʻgʻrisidagi nizomga asosan tijorat tashkilotlarining bank hisobvaraqlariga toʻqqiz oy mobaynida moliya-xoʻjalik faoliyati boʻyicha pul mablagʻlari tushmagan tijorat tashkiloti boʻyicha maʼlumot joʻnatilgandan soʻng, uning faoliyati qayta tiklanganda, 4-soʻrov “26” belgisi bilan faoliyati qayta tiklangan sanasi koʻrsatilgan holda shakllantirilib, xizmat koʻrsatuvchi bank tomonidan BDMABga, BDMABdan esa davlat soliq organlariga elektron maʼlumot uzatiladi.

Bunda, BDMAB bazasiga “26” belgisi qoʻyib joʻnatilgan 4-soʻrov turi, faqat davlat soliq organlariga moliya-xoʻjalik faoliyatini amalga oshirmayotgan tijorat tashkilotlari faoliyati qayta tiklanganligi toʻgʻrisida maʼlumot kiritib qoʻyiladi.

44. BDMABdan mijozning hisobdan chiqarish amallari vaqtincha toʻxtatilgan hisobvaraqlarini harakatga keltirish toʻgʻrisidagi xabar olinganda, hisobdan chiqarish amallari vaqtincha toʻxtatilgan hisobvaraqlarni harakatga keltirish sanasi bankning maʼlumotlar bazasiga kiritiladi va ushbu hisobvaraqlar boʻyicha hisobdan chiqarish amallarini bajarishga ruxsat etiladi.

4-soʻrov va javob turi koʻrsatkichlari roʻyxati 6-ilovada keltirilgan.

5-soʻrov turi. “Mijozning BDMABdagi maʼlumotlarini oʻzgartirish”

45. 5-soʻrov turi faqat mijozning asosiy depozit hisobvaragʻi ochilgan bank tomonidan mazkur Nizomning 18-bandida koʻrsatilgan maʼlumotlardan birontasi oʻzgarganda shakllantiriladi.

46. BDMABda 5-soʻrov turi orqali mijozning barcha oldingi tarixiy tavsifnomalari saqlangan holda maʼlumotlari yangilanadi.

5-soʻrov va javob turlari koʻrsatkichlari roʻyxati 7-ilovada keltirilgan.

6-soʻrov turi. “Asosiy hisobvaraqni boshqa bankka koʻchirish”

47. 6-soʻrov turi mijozning asosiy depozit hisobvaragʻini xizmat koʻrsatuvchi bank tomonidan boshqa bankka oʻtkazilishida shakllantiriladi.

48. Mijozning asosiy depozit hisobvaragʻini xizmat koʻrsatuvchi bankdan boshqa bankka koʻchirilishida:

a) mijoz boshqa bankka oʻtayotganda bank mijozning arizasi va qabul qilayotgan bankning rozilik xatiga asosan, uning asosiy depozit hisobvaragʻidagi qoldiqni boshqa bankka, yaʼni qabul qilayotgan bankning xatida koʻrsatilgan 29801 — “Mijozlar bilan hisob-kitoblar” hisobvaragʻiga oʻtkazadi. Oʻzida ochilgan asosiy depozit hisobvaraqni 6-soʻrov turini shakllantirib, shu kunning oʻzidayoq BDMABga joʻnatadi. BDMABga 6-soʻrov turi kelib tushganda hisobvaraq maqomi “aktiv”dan “boshqa bankka koʻchirilmoqda” holatiga oʻzgartiriladi;

b) mijozni qabul qilayotgan bank rozilik xati berishdan oldin mijozdan ariza va imzo namunalari varaqchasini qabul qiladi hamda mijozning yopiladigan hisobvaragʻidagi qoldiqni qabul qilish uchun oʻzida 29801 — “Mijozlar bilan hisob-kitoblar” hisobvaragʻini ochishi shart. Qoldiqlar, ushbu hisobvaraqqa kelib tushgandan soʻng, keyingi ish kunidan kechikmagan holda hisobvaraqni qabul qilayotgan bank mijozning arizasiga hamda uning yuridik yigʻma jildi, imzo namunalari varaqchasidagi maʼlumotlarga asoslangan holda, BDMABga mijozning xos raqami boʻyicha unga asosiy depozit hisobvaraq ochish uchun 2-soʻrov turini “koʻchirilgan” belgi, yaʼni “1” belgi bilan joʻnatishi shart. Bunda BDMABdan soʻraladigan rekvizitlar boʻyicha hisobvaraqning mavjudligi “koʻchirilgan” belgi, yaʼni “1” belgi bilan tekshiriladi va ushbu rekvizitlar oʻzgartirilmagan holda (nazorat kalitidan tashqari) yangi hisobvaraq ochiladi;

v) agarda, asosiy hisobvaraqni qabul qilayotgan bank mijozga rozilik xati berib 6-soʻrov joʻnatilgandan soʻng, uch bank ish kuni ichida 2-soʻrov turi bilan hisobvaraq ochmasa, BDMAB toʻrtinchi bank ish kuni 6-soʻrov turini joʻnatgan bankka asosiy hisobvaraq koʻchirilmaganligi toʻgʻrisida maʼlumot joʻnatadi hamda hisobvaraq “boshqa bankka koʻchirilmoqda” holatidan yana “aktiv” holatiga qaytariladi.

g) mijozning asosiy depozit hisobvaragʻi bir bankdan boshqa bankka koʻchirilganda ikkilamchi depozit hisobvaraqlar yopilmaydi va asosiy depozit hisobvaraqning nazorat kalitidan tashqari barcha maʼlumotlar oʻzgarmagan holda saqlab qolinadi;

d) mijozning asosiy hisobvaragʻi 2-soʻrov turi bilan boshqa bank tomonidan qabul qilingandan soʻng, BDMABdan 6-soʻrov turini joʻnatgan bankka hisobvaraq yopilganligi hamda BDMABda hisobvaraq maqomi “aktiv” dan “boshqa bankka koʻchirilgan” maqomiga oʻzgartirilganligi toʻgʻrisida maʼlumot joʻnatiladi.

49. BDMABdan javob fayli olingandan soʻng, ushbu hisobvaraq boʻyicha soʻrovni joʻnatgan bankda hisobvaraqning koʻchirilgan sanasi dasturiy ravishda bankning maʼlumotlar bazasiga kiritiladi. Shundan soʻng hisobvaraq “yopilgan va boshqa bankka koʻchirilgan” maqomini oladi hamda ushbu hisobvaraqdan toʻlovlar amalga oshirilishiga yoʻl qoʻyilmaydi.

6-soʻrov va javob turi koʻrsatkichlari roʻyxati 8-ilovada keltirilgan.

7-soʻrov turi. “Mijozning hisobvaragʻini yopish”

50. 7-soʻrov turi mijozning hisobvaragʻini yopish uchun bank tomonidan shakllantiriladi.

51. Agar mijozning asosiy depozit hisobvaragʻi yopilayotgan boʻlsa, qaysi valyutada boʻlishidan qatʼi nazar, mijozning xos raqami bilan ochilgan barcha hisobvaraqlari yopilishi shart, aks holda, mijozning asosiy depozit hisobvaragʻi yopilmaydi.

52. Mijozning asosiy hisobvaragʻini yopishdan oldin bank BDMABga 8-soʻrov turini joʻnatib, mijozning boshqa banklarda ochilgan barcha hisobvaraqlari toʻgʻrisida maʼlumot oladi va ushbu banklarga elektron pochta orqali hisobvaraqni yopishga asos boʻlgan hujjat raqami va sanasini koʻrsatib xat joʻnatadi.

53. Xatni olgan bank mijozning ikkilamchi hisobvaraqlarini, agar qoldigʻi boʻlmasa ushbu xatga asoslanib yopadi, agar hisobvaraqda qoldiq mavjud boʻlsa, uning asosiy hisobvaragʻiga koʻchiradi va shundan soʻng hisobvaraqni yopadi. Boshqa banklarda ikkilamchi hisobvaraqlarni yopilishiga hisobvaraqni yopish uchun asoslantirgan xat bergan bank hamda mijozning oʻzi javobgardir.

54. 7-soʻrov turi olinganda hisobvaraqqa xizmat koʻrsatuvchi bankka soʻrov qabul qilinganligi toʻgʻrisida shu kunning oʻzida javob qaytariladi, keyingi bank ish kunidan kechiktirilmagan holda 7-soʻrov turiga asosan BDMABda koʻrsatilgan hisobvaraq maqomi “harakatdagi” dan “yopilgan”ga oʻzgartiriladi hamda banklarga bu haqda maʼlumot uzatiladi.

55. Bank BDMABda hisobvaraqlarni yopishda, 7-soʻrov turi bilan unga asos boʻlgan 1 ilovadagi belgilardan tegishlisini koʻrsatishi shart.

7-soʻrov va javob turi koʻrsatkichlari roʻyxati 9-ilovada keltirilgan.

8-soʻrov turi. “Mijozning boshqa banklarda ochgan hisobvaraqlari roʻyxatini olish”

56. 8-soʻrov turi mijozning boshqa banklarda barcha valyuta kodlari boʻyicha ochgan hisobvaraqlari roʻyxatini olish uchun moʻljallangan.

57. Mijozning barcha depozit hisobvaraqlari roʻyxatini olish uchun 8-soʻrov turini faqatgina mijozning asosiy depozit hisobvaragʻini ochgan bankning oʻzigina shakllantirishi mumkin.

58. Mijozning asosiy depozit, ssuda va maxsus (232XX) tranzit hisobvaraqlari roʻyxatini olish uchun 8-soʻrov turini shu mijozga xizmat koʻrsatuvchi barcha bank filiallari yuborishi mumkin. Hisobvaraqlar toʻgʻrisida olingan maʼlumotlar “Bank siri toʻgʻrisida”gi Qonun talablari asosida sir saqlanishi lozim.

59. Aniq bir balans hisobvaragʻi (talab qilib olinguncha depozit, ssuda va boshqa hisobvaraqlar) roʻyxatini olish uchun, soʻrovda ushbu balans hisobvaraq raqami koʻrsatiladi.

60. Mijozlarning boshqa banklarda ochilgan barcha bank hisobvaraqlari roʻyxatini olish uchun asosiy talab qilib olinguncha depozit hisobvaragʻiga xizmat qiluvchi bank tomonidan balans hisobvaragʻi oʻrniga beshta nol — “00000” uzatiladi.

BDMABda soʻrov turi tahlil qilinadi va mijozning soʻralgan hisobvaraqlari bilan banklar kodini koʻrsatgan holda, soʻrov joʻnatgan bankka javob qaytariladi.

8-soʻrov va javob turlari koʻrsatkichlari roʻyxati 10-ilovada keltirilgan.

9-soʻrov turi. “Mijozning xos raqami faolligini tugatish”

61. 9-soʻrov turi — bank tomonidan yuridik shaxslar faoliyatini tugatish vaqtida shakllantiriladi. Bunday hollarda, banklar tadbirkorlik subyekti boʻlmagan mijozlardan olingan davlat reyestridan/roʻyxatidan chiqarilganligi haqidagi qaror nusxasiga hamda tadbirkorlik subyektlari boʻyicha esa davlat reyestridan/roʻyxatidan chiqarilganligi haqidagi “Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi”dagi maʼlumotlarga asosan mijozning xos raqami faolligini toʻxtatadi va ushbu holat BDMABda qayd etiladi.

Yuridik shaxs maqomiga ega boʻlmagan, yakka tartibdagi tadbirkorlar va dehqon xoʻjaliklariga berilgan xos raqamlar bekor qilingan vaqtida ham 9-soʻrov turi shakllantirilishi mumkin boʻlib, ularga berilgan soliq toʻlovchining identifikatsiya raqami bekor qilingani toʻgʻrisida maʼlumot davlat soliq organidan olingandagina amalga oshiriladi.

62. Bunda mijozning barcha hisobvaraqlari BDMABda quyidagi tartibda yopiladi:

a) mijozning asosiy depozit hisobvaragʻini ochgan bank uning boshqa banklarda ochilgan barcha hisobvaraqlari roʻyxatini 8-soʻrov turi bilan olishi kerak;

b) mijozning xos raqami faolligining tugatilishi yoki qayta tashkil etilishi munosabati bilan banklarga mijozning ikkilamchi depozit va boshqa hisobvaraqlaridagi qoldiqlarini (agar bor boʻlsa) asosiy depozit hisobvaragʻiga oʻtkazib yopishi toʻgʻrisida asosiy depozit hisobvaragʻiga xizmat koʻrsatuvchi bank xabardor qilishi shart.

v) mijozning depozit va boshqa hisobvaraqlarini yopish 7-soʻrov turi bilan amalga oshiriladi;

g) mijozning xos raqami faolligi 9-soʻrov turi bilan toʻxtatiladi.

63. Mijozning xos raqami faolligini toʻxtatishda, uning barcha haqqoniy maʼlumotlari dasturiy ravishda BDMABning maʼlumotlar bazasidan elektron arxiv bazasiga oʻtkaziladi.

9-soʻrov va javob turlari koʻrsatkichlari roʻyxati 11-ilovada keltirilgan.

5-§. Jismoniy shaxslar va ularning hisobvaraqlarini BDMABda roʻyxatga olish va yuritish xususiyatlari

64. Jismoniy shaxslar BDMABda JShShIR va shaxsni tasdiqlovchi hujjat maʼlumotlari asosida identifikatsiyalanadi.

65. JShShIR mavjud boʻlgan jismoniy shaxsning shaxsini tasdiqlovchi hujjat oʻzgarganda, ularning xos raqamlari oʻzgarmaydi.

66. JShShIR mavjud boʻlmagan, xos raqamga ega jismoniy shaxsning shaxsini tasdiqlovchi hujjat oʻzgarganda, ularning xos raqami oʻzgaradi.

67. Jismoniy shaxslarning xos raqamlarini bekor qilinishi quyidagi hollarda roʻyxatdan oʻtkaziladi:

jismoniy shaxs vafot etganda;

JShShIR mavjud boʻlmagan jismoniy shaxs JShShIR olganda;

JShShIR mavjud boʻlgan jismoniy shaxs Oʻzbekiston Respublikasi fuqaroligini yoʻqotganda.

Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomga 1-ILOVA

BDMABga tegishli soʻrovnoma joʻnatilganda, hisobvaraqlarni ochishda va qayta ochishda, aktiv operatsiyalarini vaqtincha toʻxtatishda, ularni harakatga keltirishda, boshqa bankka koʻchirishda va yopishda hamda DSQ uchun maʼlumot uzatilishida, quyidagi belgilar majburiy ravishda soʻrovnomaning tegishli katakchasida koʻrsatilishi shart:

“0” belgi — Banklar tomonidan ikkilamchi hisobvaraq ochishda BDMABga uzatiladi;

“1” belgi — Banklar mijozning arizasiga binoan uning asosiy hisobvaragʻini boshqa bankka oʻtkazilganda yoki oʻtkazish vaqtida hisobvaraqni qabul qilgan bank rozilik berganda uzatiladi;

“2” belgi — Qonunchilikda belgilangan tartibda, mijozning asosiy hisobvaragʻida 2-kartoteka vujudga kelgan holda, ularning ikkilamchi hisobvaraqlaridagi mablagʻlarini asosiy hisobvaragʻiga jamlash maqsadida, ularning ikkilamchi hisobvaraqlaridan aktiv operatsiyalarni vaqtincha toʻxtatib turish boʻyicha maʼlumot dasturiy ravishda shakllantirilib, BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga uzatiladi;

“4” belgi — Sudning qaroriga binoan xoʻjalik yurituvchi subyektlarning barcha hisobvaraqlaridan aktiv operatsiyalarni vaqtincha toʻxtatib turish boʻyicha band solinganda va/yoki ularni yopishda BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga xabar uzatilganda;

“5” belgi — yopilgan asosiy depozit hisobvaraqni qayta ochish;

“7” belgi — Oʻzbekiston Respublikasining Fuqarolik kodeksi 788-moddasi ikkinchi qismida nazarda tutilgan hollar boʻyicha tegishli sudning qarori mavjud boʻlgan taqdirda, xoʻjalik yurituvchi subyektning asosiy hisobvaragʻiga xizmat koʻrsatuvchi bank tomonidan xoʻjalik yurituvchi subyektning ikkilamchi hisobvaraqlaridan aktiv operatsiyalarini vaqtincha toʻxtatib qoʻyish hamda bank oldidagi majburiyatlarini qondirish uchun ikkilamchi hisobvaraqlaridan asosiy hisobvaragʻiga mablagʻ jamlash vaqtida BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga uzatiladi;

“8” belgi — xoʻjalik yurituvchi subyektni ixtiyoriy tugatish vaqtida, uning mablagʻlarini tugatish komissiyasi ixtiyoriga oʻtkazish uchun, ikkilamchi hisobvaraq qoldiqlarini asosiy hisobvaragʻiga yigʻishda, ikkilamchi hisobvaraqlardan aktiv operatsiyalar vaqtincha toʻxtatilib, BDMAB orqali barcha ikkilamchi hisobvaraq ochgan banklarga uzatiladi;

“9” belgi — bankrot deb eʼlon qilingan korxona va tashkilotlarni ikkilamchi hisobvaraqlaridagi mablagʻlarini tugatish komissiyasi (tashqi boshqaruvchi) ixtiyoriga oʻtkazish uchun mablagʻlarni asosiy hisobvaraqqa yigʻishda BDMAB orqali barcha ikkilamchi hisobvaraq ochgan banklarga uzatiladi;

“10” belgi — 6-soʻrovnomada asosiy hisobvaraqni qabul qilishi koʻrsatilgan bank tomonidan asosiy hisobvaraqni qabul qilish toʻgʻrisida “1” belgi bilan 2-soʻrovnoma shakllantirilib, BDMABga uch bank ish kuni muddatida uzatilmagan taqdirda, BDMAB tomonidan dasturiy ravishda ushbu belgi shakllantirilib, 6-soʻrovnoma uzatgan bankka asosiy hisobvaraq yopilmaganligi va boshqa bankka koʻchirilmaganligini maʼlum qilgan holda uzatiladi;

“11” belgi — Oʻzbekiston Respublikasining Fuqarolik kodeksi 788-moddasi ikkinchi qismida nazarda tutilgan hollar boʻyicha tegishli sudning qarori mavjud boʻlgan taqdirda, xoʻjalik yurituvchi subyektning asosiy hisobvaragʻiga xizmat koʻrsatuvchi bank tomonidan xoʻjalik yurituvchi subyektning bank oldidagi majburiyatlarini qondirish uchun ikkilamchi hisobvaraqlaridan asosiy hisobvaragʻiga mablagʻ jamlab boʻlingandan soʻng xoʻjalik yurituvchi subyektning asosiy va ikkilamchi hisobvaraqlari yopilganda BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga uzatiladi;

“12” belgi — xoʻjalik yurituvchi subyektning asosiy hisobvaragʻidagi majburiyatlari toʻliq tugatilganda hamda qonunchilikka muvofiq davlat soliq organlarining taqdimnomasiga binoan band qilingan ikkilamchi hisobvaraqlar harakatga keltirilganda;

“14” belgi — Sudning qaroriga binoan xoʻjalik yurituvchi subyektlarning hisobvaraqlariga solingan band bekor qilinganda;

“15” belgi — Oʻzbekiston Respublikasining Fuqarolik kodeksi 788-moddasi birinchi qismiga muvofiq, mijozning oʻz arizasiga binoan hisobvaraqlar yopilganda BDMAB orqali Davlat soliq qoʻmitasiga maʼlumot sifatida uzatiladi;

“17” belgi — Oʻzbekiston Respublikasining Fuqarolik kodeksi 788-moddasi ikkinchi qismida nazarda tutilgan hollar boʻyicha tegishli sudning qarori mavjud boʻlgan taqdirda, xoʻjalik yurituvchi subyektning asosiy hisobvaragʻiga xizmat koʻrsatuvchi bank tomonidan xoʻjalik yurituvchi subyektning bank oldidagi majburiyatlarini qondirish uchun ikkilamchi hisobvaraqlaridan asosiy hisobvaragʻiga mablagʻ jamlash vaqtida aktiv operatsiyalarini vaqtincha toʻxtatib qoʻyilgan ikkilamchi hisobvaraqlari qayta harakatga keltirilganda BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga uzatiladi;

“18” belgi — Oʻzini-oʻzi tugatish vaqtida uning ikkilamchi hisobvaraqlaridagi mablagʻlarini asosiy hisobvaragʻiga jamlab boʻlinganda va ularni BDMABda yopilgandan soʻng uzatiladi;

“19” belgi — Bankrot deb eʼlon qilingan korxona va tashkilotlarni ikkilamchi hisobvaraqlaridagi mablagʻlarini asosiy hisobvaragʻiga jamlab boʻlinganda hamda ularni BDMABda harakatga keltirilgandan va /yoki yopilgandan soʻng uzatiladi;

“20” belgi — Bank likvidatsiya qilinishi munosabati bilan mazkur bank tomonidan xizmat koʻrsatiladigan mijoz hisobvaraqlari BDMABda dasturiy ravishda yopilganda BDMAB tomonidan uzatiladi.

“21” belgi — Oʻzbekiston Respublikasining Soliq kodeksiga asosan soliq toʻlovchining banklardagi hisobvaraqlari boʻyicha operatsiyalar toʻxtatib turilgan hollarda asosiy depozit hisobvaraqqa xizmat koʻrsatuvchi bank tomonidan BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga uzatiladi.

“22” belgi — ilgari “21” belgi bilan soliq toʻlovchining banklardagi operatsiyalar toʻxtatilgan hisobvaraqlari qayta harakatga keltirilgan hollarda, asosiy depozit hisobvaraqqa xizmat koʻrsatuvchi bank tomonidan BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga uzatiladi.

“23” belgi — Surishtiruvchi yoki tergovchining qarori boʻyicha xoʻjalik yurituvchi subyektlarning hisobvaraqlaridan aktiv operatsiyalarni vaqtincha toʻxtatib turish boʻyicha asosiy va ikkilamchi hisobvaraqlari hatlanganda BDMAB orqali barcha hisobvaraq ochgan banklarga xabar uzatiladi.

“24” belgi — Surishtiruv yoki tergov organlarining qarori asosida xatlangan asosiy va ikkilamchi hisobvaraqlari boʻyicha hatlov bekor qilinganda BDMAB orqali barcha hisobvaraq ochgan banklarga xabar uzatiladi.

“25” belgi — toʻqqiz oy mobaynida moliya-xoʻjalik faoliyatini amalga oshirmagan tijorat tashkilotlari boʻyicha maʼlumot Davlat soliq qoʻmitasi hamda barcha ikkilamchi hisobvaraq ochgan banklarga uzatiladi;

“26” belgi — toʻqqiz oy mobaynida moliya-xoʻjalik faoliyatini amalga oshirmagan tijorat tashkilotining faoliyati qayta tiklanganda BDMABga uzatiladi.

Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomga 2-ILOVA

Mijozni identifikatsiyalash

Izoh: 7, 8, 9, 10, 11-koʻrsatkichlarda soʻralgan maʼlumotlar turidan budjet tashkilotlari mustasno.

Nizom jadvalidagi “+” va “–” ishoralar quyidagi maʼnoni bildiradi:

“+” — soʻrov (javob) tarkibiga kiradi;

“–” — soʻrov (javob) tarkibiga kirmaydi;

“–, +” — soʻrov tarkibiga kirishi yoki kirmasligi mumkin.

Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomga 3-ILOVA

Mijozlarga xos raqam berish va asosiy depozit hisobvaraq ochish

Izoh. Agar roʻyxatdan oʻtkaziladigan mijoz bosh korxonaga ega boʻlmasa, u holda 22, 23, 24-koʻrsatkichlar koʻrsatilmaydi va ularning oʻrniga “0” — nol uzatiladi. Soʻrov turining 10, 11, 12, 13, 14-koʻrsatkichlarida soʻralgan maʼlumotlarni yuridik shaxs maqomiga ega boʻlmagan yakka tartibdagi tadbirkorlar va dehqon xoʻjaliklari uchun uzatilmaydi.

Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomga 4-ILOVA

Mijozlarga ularning xos raqami bilan hisobvaraqlar ochish

Izoh.

Hisobvaraq ochilishi belgisi quyidagi maʼnoni bildiradi:

1) “0” belgi — ikkilamchi hisobvaraq ochishda koʻrsatiladi;

2) “1” belgi — 6-soʻrov turi bilan boshqa bankdan oʻtkazilgan talab qilib olinguncha asosiy depozit hisobvaraqni ochishda koʻrsatiladi,

3) “5” belgi — 7-soʻrov turi bilan yopilgan asosiy depozit hisobvaraqni qayta ochishda koʻrsatiladi.

Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomga 5-ILOVA

Hisobvaraqlardan mablagʻlarni hisobdan chiqarish amallarini vaqtincha toʻxtatib turish

Izoh: 11*-katakchada — hisobvaraqdan hisobdan chiqarish amallarini vaqtincha toʻxtatish sababi belgilari, mazkur Nizomning 1-ilovasida keltirilgan “2”, “4”, “7”, “8”, “9”, “21”, “23”, “25” belgilardan tashkil topadi.

Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomga 6-ILOVA

Hisobdan chiqarish amallari vaqtincha toʻxtatib turilgan hisobvaraqlarni harakatga keltirish

Izoh: 12*-katakchada — hisobvaraqdan hisobdan chiqarish amallarini vaqtincha toʻxtatilgan holatdan, harakatga keltirish belgilari mazkur Nizomning 1-ilovasida keltirilgan “12”, “14”, “17”, “18”, “19”, “22”, “24”, “26” belgilaridan tashkil topadi.

Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomga 7-ILOVA

Mijozlarning BDMABdagi maʼlumotlarini oʻzgartirish

Izoh:

23-katakchada — Budjet tashkilotining eski asosiy budjet hisobvaragʻi (23404, 23426, 23430, 23432);

24-katakchada — Budjet tashkilotining yangi asosiy budjetdan tashqari hisobvaragʻi (20203, 20204, 21502, 21504, 21506).

Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomga 8-ILOVA

Asosiy hisobvaraqni boshqa bankka koʻchirish

6-katakchada “1” — mijozning arizasiga binoan boshqa bankka oʻtkazilganlik belgisi;

7-katakchada “1” — hisobvaraqni qabul qilgan bankning rozilik belgisi;

“10” belgi — 6-soʻrovnomada asosiy hisobvaraqni qabul qilishi koʻrsatilgan bank tomonidan asosiy hisobvaraqni qabul qilish toʻgʻrisida “1” belgi bilan 2-soʻrovnoma shakllantirilib, BDMABga uch bank ish kuni muddatida uzatilmagan taqdirda, BDMAB tomonidan dasturiy ravishda ushbu belgi shakllantirilib, 6-soʻrovnoma uzatgan bankka asosiy hisobvaraq yopilmaganligi va boshqa bankka koʻchirilmaganligini maʼlum qilgan holda uzatiladi.

Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomga 9-ILOVA

Mijozlarning hisobvaraqlarini yopish

Izoh: 5*-katakchada — Hisobvaraqni yopish belgilari mazkur Nizomning 1-ilovasida keltirilgan “4”, “11”, “15”, “18”, “19”, “20”, “25” belgilaridan tashkil topadi.

Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomga 10-ILOVA

Mijozlarning boshqa banklarda ochgan hisobvaraqlari roʻyxatini olish

Oʻzbekiston Respublikasi bank depozitorlarining Milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomga 11-ILOVA

Mijozning xos raqami faolligini tugatish

Oʻzbekiston Respublikasi bank depozitorlarining milliy axborotlar bazasi va unda mijozlarga xos raqam berish hamda bank hisobvaraqlari roʻyxatini yuritish tartibi toʻgʻrisidagi nizomga 12-ILOVA

BDMABda maʼlumotlarni shakllantirishda va soʻrovlarni bajarishda jismoniy shaxslarning maʼlumotlari

roʻyxati

T/r Koʻrsatkichlar JShShIR mavjud jismoniy shaxslar JShShIR mavjud boʻlmagan jismoniy shaxslar 1 2 3 4 5 1 2 3 4 5 1. BDMABdagi xos raqami – + – + + – – – + + 2. JShShIR + + + – + – – – – – 3. Familiyasi – – – + – – + – + – 4. Ismi – – – + – – + – + – 5. Otasining ismi – – – – / + – – – / + – – / + – 6. Jinsi – + – + – – + + – + 7. Tugʻilgan sanasi – + – + – + + + – + 8. Fuqarolik mamlakati kodi – – – – – + + – + – 9. Shaxsni tasdiqlovchi hujjat turi kodi + + – + – + + – + – 10. Shaxsni tasdiqlovchi hujjatning seriyasi va raqami + + – + – + + – + – 11. Shaxsni tasdiqlovchi hujjat berilgan sana – – – + – – + – + – 12. Shaxsni tasdiqlovchi hujjatning amal qilish muddatini tugashi sanasi – – – + – – + – + – 13. Oʻlim haqida guvohnoma sanasi, seriya va nomeri – – – – + – – – – + 14. Bank filiali kodi – – + – – – – + – – 15. Hisob varagʻi – – + – – – – + – –

Izoh. “+” — soʻrov (javob) tarkibiga kiradi;

“–” — soʻrov (javob) tarkibiga kirmaydi;

“– / +” — soʻrov tarkibiga kirishi yoki kirmasligi mumkin;

1-ustunda — Jismoniy shaxsning BDMABda identifikatsiyalashda foydalaniladigan koʻrsatkichlar;

2-ustunda — Jismoniy shaxsning BDMABda xos raqamini roʻyxatdan oʻtkazishda foydalaniladigan koʻrsatkichlar;

3-ustunda — Jismoniy shaxsning hisob varagʻini BDMABda roʻyxatdan oʻtkazishda foydalaniladigan koʻrsatkichlar;

4-ustunda — Jismoniy shaxsning BDMABda maʼlumotlarini oʻzgarganini roʻyxatdan oʻtkazishda foydalaniladigan koʻrsatkichlar;

5-ustunda — Jismoniy shaxs xos raqamining bekor qilinishini BDMABda roʻyxatdan oʻtkazishda foydalaniladigan koʻrsatkichlar keltirilgan.