“Oʻzbekiston Respublikasi mandat komissiyasi va qoʻmitalari toʻgʻrisida”gi Oʻzbekiston Respublikasi Qonunini amalga kiritish tartibi haqida (303-XII-son)

14.06.1991

oʻzbekiston Respublikasi oliy kengashining

Qarori

Oʻzbekiston Respublikasining Oliy Kengashi qaror qiladi:

1. “Oʻzbekiston Respublikasi Oliy Kengashining Mandat komissiyasi va qoʻmitalari toʻgʻrisida”gi Oʻzbekiston Respublikasi Qonunini eʼlon qilinishi bilanoq amalga kiritilsin.

2. Quyidagilar oʻz kuchini yoʻqotgan deb hisoblansin:

“Oʻzbekiston Respublikasi Oliy Sovetining doimiy komissiyalari toʻgʻrisidagi nizomni tasdiqlash haqida”gi 1975-yil 12-dekabrda qabul qilingan Oʻzbekiston Respublikasi Qonuni (Oʻzbekiston Respublikasi Oliy Sovetining Vedomostlari, 1975-yil, № 33, 456-modda);

“Oʻzbekiston Respublikasi Oliy Sovetining doimiy komissiyalari toʻgʻrisidagi nizomga oʻzgartishlar va qoʻshimchalar kiritish haqida” 1980-yil 14-martda qabul qilingan Oʻzbekiston Respublikasi Qonuni (Oʻzbekiston Respublikasi Oliy Sovetining Vedomostlari, 1980-yil, № 9, 105-modda);

Oʻzbekiston Respublikasi Oliy Soveti Prezidiumining 1987-yil 13-iyulda qabul qilingan “Oʻzbekiston Respublikasining davlat arbitraji masalalariga doir qonunlariga oʻzgartishlar va qoʻshimchalar kiritish toʻgʻrisida”gi Farmonining 2-moddasi (Oʻzbekiston Respublikasi Oliy Sovetining Vedomostlari, 1987-yil, № 20, 204-modda).

Oʻzbekiston Respublikasi Oliy Kengashining Raisi Sh. YOʻLDOShEV

Toshkent sh.,

1991-yil 14-iyun,

303-XII-son