“Oʻzbekiston Respublikasining Davlat mustaqilligi asoslari toʻgʻrisida”gi Oʻzbekiston Respublikasining Qonuniga Konstitutsiyaviy maqom berish haqida (358-XII-son)

30.09.1991

Oʻzbekiston Respublikasining qonuni

Oʻzbekiston Respublikasi Oliy Kengashi qaror qiladi:

1. “Oʻzbekiston Respublikasining Davlat mustaqilligi asoslari toʻgʻrisida” 1991-yil 31-avgustda qabul qilingan Oʻzbekiston Respublikasining Qonuniga konstitutsiyaviy maqom berilsin.

2. Oʻzbekiston Respublikasining amaldagi Konstitutsiyasi moddalari “Oʻzbekiston Respublikasi Davlat mustaqilligi asoslari toʻgʻrisida”gi Qonunining qoidalariga zid kelgan hollarda mazkur Qonunga amal qilinsin.

3. Konstitutsiya komissiyasi tayyorlanayotgan Respublika Konstitutsiyasining loyihasini ishlab chiqish chogʻida “Oʻzbekiston Respublikasining Davlat mustaqilligi asoslari toʻgʻrisida”gi Qonunning qoidalariga amal qilsin.

Oʻzbekiston Respublikasining Prezidenti I. KARIMOV

Toshkent sh.,

1991-yil 30-sentabr,

358-XII-son