Hamkorlik va axborot almashuv toʻgʻrisidagi

17.03.2008

Oʻzbekiston Respublikasi Markaziy banki (“OʻzRMB”) va Birlashgan Arab Amirliklari Markaziy banki (“BAAMB”) oʻrtasidagi

ANGLAShUV MEMORANDUMI

Oʻzbekiston Respublikasi va Birlashgan Arab Amirliklari oʻrtasidagi mavjud boʻlgan doʻstona va hamkorlik munosabatlarni eʼtiborga olib, hamda ikki davlat tartibga soluvchi (regulyativ) organlari oʻrtasida hamkorlikni rivojlantirish va mustahkamlash istagini bildirib,

Birlashgan Arab Amirliklari Markaziy banki (bundan buyon matnda “BAAMB” deb ataluvchi) va Oʻzbekiston Respublikasi Markaziy banki (bundan buyon matnda “OʻzRMB” deb ataluvchi)

quyidagilar toʻgʻrisida kelishib oldilar:

1. BAAMB va OʻzRMB moliyaviy sektordagi hamkorlikni yanada mustahkamlash uchun ikkala mamlakatdagi iqtisodiy vaziyatni va amalga oshirilayotgan siyosatni oʻzaro tushunishga yordam beradilar. Ikkita organ umumiy makroiqtisodiy siyosat doirasidagi monetar va regulyativ, shuningdek bank tizimi, banklarni tartibga solish va nazorat qilish masalalari boʻyicha ishonchli va ochiq fikr almashishda ishtirok etadilar.

2. BAAMB va OʻzRMB, Birlashgan Arab Amirliklari va Oʻzbekiston Respublikasi milliy qonunchiligi doirasida Birlashgan Arab Amirliklari va Oʻzbekistonning manfaatdor idoralari oʻrtasida moliyaviy faoliyat boʻyicha oʻzaro hamkorlikni yanada rivojlantirish maqsadida barcha saʼy-harakatlarni amalga oshiradilar.

3. Banklar oʻrtasida tuzilgan kelishuvlardan kelib chiqishi mumkin boʻladigan ixtilof va bahslar manfaatdor banklar oʻrtasida hal qilinadi. BAAMB va OʻzRMB banklarga bunday ixtilof va bahslarni tezkor yechilishini taʼminlash boʻyicha yordam va maslahat koʻrsatilishini taʼminlaydilar.

Shu munosabat bilan OʻzRMB va BAAMB:

Oʻzbekistonda va Birlashgan Arab Amirliklari iqtisodiy oʻsishga koʻmaklashish maqsadida monetar va moliyaviy siyosat masalalari boʻyicha fikr almashishga,

Oʻzbekistonda va Birlashgan Arab Amirliklari ishonchli moliya tizimini taʼminlashga koʻmaklashadigan bank ishi faoliyati, xalqaro bank prudensialligi tamoyillarining bajarilishi, shuningdek banklarni tartibga solish va konsolidatsiyalashgan nazorat qilish boʻyicha fikr almashishga,

Oʻzbekistonda va Birlashgan Arab Amirliklari moliya va bank faoliyati hamda moliya va bank faoliyatiga tegishli boʻlgan har qanday qoidalar boʻyicha axborot almashishga,

OʻzRMB va BAAMB oʻrtasida xodimlarni oʻqitish va xodimlar tajribasi bilan oʻzaro almashish sohasida samarali hamkorlikni oʻrnatishga va mustahkamlashga ham kelishib oldilar.

Oʻzaro manfaatga ega boʻlgan masalalar OʻzRMB va BAAMB oʻrtasida tegishli xatlar almashuv yoʻli bilan belgilanadi.

4. Ushbu Anglashuv Memorandumi imzolangan sanadan boshlab kuchga kiradi va ikki (2) yil davomida amal qiladi. Basharti OʻzRMB yoki BAAMB Memorandumni bekor qilish toʻgʻrisida 30 kun oldindan yozma ravishda xabardor qilmasa, uning amal qilish muddati uzayaveradi.

Ushbu Memorandum ikki nusxada, har biri oʻzbek, arab va ingliz tillarida tuzildi. Kelishmovchilik yoki nomuvofiqliklar yuzaga kelgan hollarda ingliz tilidagi matn ustuvor hisoblanadi.

Abu Dabi shahrida 2008-yil 17-martda imzolandi.

(imzolar)