Chet elda hisobvaraqlar ochish uchun ruxsatnomalar berish tartibiga oʻzgartirishlar kiritish toʻgʻrisida (610-3-son)

29.08.2008

OʻZBEKISTON RESPUBLIKASI MARKAZIY BANKI BOShQARUVINING

QARORI

[Oʻzbekiston Respublikasi Adliya vazirligi tomonidan 2008-yil 29-avgustda 610-3-son bilan davlat roʻyxatidan oʻtkazildi]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”, “Valyutani tartibga solish toʻgʻrisida” (yangi tahrirda)gi qonunlari va Oʻzbekiston Respublikasi Prezidentining “Tadbirkorlik subyektlarini huquqiy himoya qilish tizimini yanada takomillashtirish chora-tadbirlari toʻgʻrisida”gi 2005-yil 14-iyun PF-3619-sonli hamda “Tashqi iqtisodiy savdo aloqalari, xorijiy investitsiyalarni jalb etish sohasida boshqaruv tizimini takomillashtirish toʻgʻrisida”gi 2005-yil 21-iyuldagi PF-3631-sonli farmonlariga muvofiq Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasi Markaziy banki Boshqaruvining 1998-yil 28-martdagi 390-sonli qarori bilan tasdiqlangan “Chet elda hisobvaraqlar ochish uchun ruxsatnomalar berish Tartibi”ga (1999-yil 22-yanvar, roʻyxat raqami 610 — Meʼyoriy hujjatlar axborotnomasi, 1999-yil, 1-son) ilovaga muvofiq oʻzgartirishlar kiritilsin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgach kuchga kiradi.

Markaziy bank Boshqaruvi raisi F. MULLAJONOV

Toshkent sh.,

2008-yil 23-avgust,

390-3-son

Markaziy bank boshqaruvining 2008-yil 23-avgustdagi 390-3-sonli qaroriga ILOVA

Chet elda hisobvaraqlar ochish uchun ruxsatnomalar berish tartibiga kiritilayotgan oʻzgartirishlar

1. 2.2.5-bandda “Tashqi iqtisodiy aloqalar agentligi” soʻzlari “Tashqi iqtisodiy aloqalar, investitsiyalar va savdo vazirligi” soʻzlari bilan almashtirilsin.

2. 4.6-band quyidagi tahrirda bayon qilinsin:

“4.6. Yuridik tomonidan chet el valyutasidagi tushumning yashirilishi qonunchilik hujjatlarida belgilangan tartibda javobgarlikka sabab boʻladi.

3. 4.7-bandda “Tashqi iqtisodiy aloqalar agentligi tomonidan” soʻzlari “Tashqi iqtisodiy aloqalar, investitsiyalar va savdo vazirligi” soʻzlari bilan almashtirilsin.

4. Ushbu oʻzgartirishlar Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Moliya vazirligi va Davlat soliq qoʻmitasi bilan kelishilgan.

Tashqi iqtisodiy aloqalar, investitsiyalar va savdo vaziri E. GʻANIYEV

Toshkent sh.,

2008-yil 23-avgust

Moliya vaziri R. AZIMOV

Toshkent sh.,

2008-yil 23-avgust

Davlat soliq qoʻmitasi raisi B. PARPIYEV

Toshkent sh.,

2008-yil 23-avgust