Oʻzbekiston Respublikasida arxiv ishini yanada rivojlantirishga doir qoʻshimcha chora-tadbirlar toʻgʻrisida (194-son)

26.08.2008

Oʻzbekiston Respublikasi Vazirlar Mahkamasining

qarori

Respublikada arxiv ishini va ish yuritishni yanada rivojlantirish, arxiv hujjatlari saqlanishini taʼminlash va ulardan foydalanish imkoniyatlarini kengaytirish, tarmoqning normativ va metodik bazasini takomillashtirish maqsadida Vazirlar Mahkamasi qaror qiladi:

3. Davlat budjeti mablagʻlari, respublika arxiv muassasalarining budjetdan tashqari daromadlari va grant mablagʻlari Dasturni moliyalashtirish manbalari hisoblanishi maʼlumot uchun qabul qilinsin.

4. Oʻzbekiston Respublikasi Vazirlar Mahkamasi huzuridagi “Oʻzarxiv” agentligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda Dastur tadbirlarining sifatli va oʻz vaqtida bajarilishini hamda arxiv ishi va ish yuritishni rivojlantirishning belgilangan maqsadli moʻljallariga erishilishini taʼminlasin.

5. Vazirliklar, idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari idoraviy arxivlar faoliyatini rivojlantirish, idoraviy saqlashdagi Milliy arxiv fondi hujjatlarining saqlanishini va ilmiy-texnik jihatdan ishlanishini taʼminlash, shuningdek arxiv ishi va ish yuritish xodimlari malakasini oshirish boʻyicha aniq chora-tadbirlar koʻrsinlar.

6. Oʻzbekiston Respublikasi Moliya vazirligi har yili Oʻzbekiston Respublikasi Davlat budjeti loyihasini tuzishda:

ushbu qarorda nazarda tutilgan maqsadli moʻljallarga erishish tadbirlarini, shuningdek 2011-yilgacha arxiv ishi va ish yuritishni rivojlantirish dasturini amalga oshirishga;

idoraviy saqlash bosqichida Oʻzbekiston Respublikasi Milliy arxiv fondi hujjatlarini ilmiy-texnik jihatdan ishlashga va ularning saqlanishini taʼminlashga, shuningdek vazirliklar, idoralar va respublika boshqa tashkilotlarining har yilgi takliflariga muvofiq xodimlar malakasini oshirish tadbirlariga zarur budjet mablagʻlari ajratilishini nazarda tutsin.

8. Qoraqalpogʻiston Respublikasi Vazirlar Kengashi va viloyatlar hokimliklari Oʻzbekiston Respublikasi Vazirlar Mahkamasi huzuridagi “Oʻzarxiv” agentligi va Moliya vazirligi bilan davlat yangi arxivlarini tashkil etish toʻgʻrisidagi qarorlar loyihalarini kelishib olsinlar.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2008-yil 26-avgust,

194-son