Eksport-import yuklarini rasmiylashtirishda bojxona organlariga taqdim etiladigan hujjatlar roʻyxatiga oʻzgartirish va qoʻshimchalar kiritish toʻgʻrisida (428-4-son)

13.08.2008

OʻZBEKISTON RESPUBLIKASI TAShQI IQTISODIY ALOQALAR, INVESTITSIYaLAR VA SAVDO VAZIRLIGI OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI DAVLAT BOJXONA QOʻMITASINING

Qarori

[Oʻzbekiston Respublikasi Adliya vazirligi tomonidan 2008-yil 13-avgustda 428-4-son bilan davlat roʻyxatidan oʻtkazildi]

Oʻzbekiston Respublikasi Bojxona kodeksi, “Davlat bojxona xizmati toʻgʻrisida”gi Oʻzbekiston Respublikasi Qonunining 6 va 7-moddalari, “Isteʼmolchilarning huquqlarini himoya qilish toʻgʻrisida”gi Oʻzbekiston Respublikasi Qonuni, Oʻzbekiston Respublikasi Prezidentining 2003-yil 26-sentabrdagi PF-3321-sonli “Oʻzbekiston Respublikasida tashqi savdo faoliyatini yanada erkinlashtirish chora-tadbirlari toʻgʻrisida”, 2005-yil 21-iyuldagi PF-3631-sonli “Tashqi iqtisodiy va savdo aloqalari, xorijiy investitsiyalarni jalb etish sohasida boshqaruv tizimini takomillashtirish toʻgʻrisida”gi farmonlari, Oʻzbekiston Respublikasi Vazirlar Mahkamasining 2004-yil 8-iyundagi 269-sonli “Oʻzbekiston Respublikasi Vazirlar Mahkamasi huzuridagi Davlat don inspeksiyasi faoliyatini tashkil etish masalalari toʻgʻrisida”gi qaroriga muvofiq, Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Moliya vazirligi va Davlat bojxona qoʻmitasi qaror qiladi:

1. Oʻzbekiston Respublikasi Tashqi iqtisodiy aloqalar vazirligi tomonidan 1998-yil 1-aprelda, Moliya vazirligi tomonidan 1998-yil 2-aprelda 20-son bilan va Davlat bojxona qoʻmitasi tomonidan 1998-yil 3-aprelda 02/19-2-son bilan tasdiqlangan Eksport-import yuklarini rasmiylashtirishda bojxona organlariga taqdim etiladigan hujjatlar roʻyxatiga (roʻyxat raqami 428, 1998-yil 8-aprel — Oʻzbekiston Respublikasi vazirliklari, davlat qoʻmitalari va idoralari qonun hujjatlari axborotnomasi, 1998-y. 4-son) ilovaga* muvofiq oʻzgartirish va qoʻshimchalar kiritilsin.

* Ilova rus tilidagi matnda berilgan.

2. Mazkur qaror Oʻzbekiston Respublikasi Adliya vazirligida davlat roʻyxatiga olingan kundan boshlab oʻn kundan oʻtgach kuchga kiradi.

Tashqi iqtisodiy aloqalar, investitsiyalar va savdo vaziri E. GʻANIYEV

Toshkent sh.,

2008-yil 4-iyul,

EG-01/01-3897-son

Moliya vaziri R. AZIMOV

Toshkent sh.,

2008-yil 4-iyul,

71-son

Davlat bojxona qoʻmitasi Raisi S. NOSIROV

Toshkent sh.,

2008-yil 4-iyul,

01-02/8-44-son