Tijorat banklarida qimmatli qogʻozlar bilan amalga oshiriladigan operatsiyalarning buxgalteriya hisobi toʻgʻrisidagi nizomni qisman oʻz kuchini yoʻqotgan deb topish haqida (662-3-son)

03.06.2008

OʻZBEKISTON RESPUBLIKASI MARKAZIY BANKI BOShQARUVINING

QARORI

[Oʻzbekiston Respublikasi Adliya vazirligi tomonidan 2008-yil 3-iyunda 662-3-son bilan davlat roʻyxatidan oʻtkazildi]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonunining 7, 17 va 51-moddalariga muvofiq Markaziy bank Boshqaruvi qaror qiladi:

1. Quyidagilar oʻz kuchini yoʻqotgan deb topilsin:

Oʻzbekiston Respublikasi Markaziy banki Boshqaruvining “Tijorat banklarida qimmatli qogʻozlar bilan amalga oshiriladigan operatsiyalarning buxgalteriya hisobi toʻgʻrisidagi nizomni tasdiqlash haqida”gi qarori (1999-yil 5-mart, roʻyxat raqami 662) bilan tasdiqlangan “Tijorat banklarida qimmatli qogʻozlar bilan amalga oshiriladigan operatsiyalarning buxgalteriya hisobi toʻgʻrisidagi nizom”ning 4-bobi;

Oʻzbekiston Respublikasi Markaziy banki Boshqaruvining “Tijorat banklarida qimmatli qogʻozlar bilan amalga oshiriladigan operatsiyalarning buxgalteriya hisobi toʻgʻrisidagi nizomga oʻzgartirish va qoʻshimchalar kiritish haqida”gi qarori (2000-yil 22-fevral, roʻyxat raqami 662-1) ilovasining 3, 4 va 5-bandlari;

Oʻzbekiston Respublikasi Markaziy banki Boshqaruvining “Tijorat banklarida qimmatli qogʻozlar bilan amalga oshiriladigan operatsiyalarning buxgalteriya hisobi toʻgʻrisidagi nizomga oʻzgartirishlar kiritish toʻgʻrisida”gi qarori (2003-yil 28-mart, roʻyxat raqami 662-2 — Meʼyoriy hujjatlar axborotnomasi, 2003-yil, 5-6-son).

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kundan keyin kuchga kiradi.

Markaziy bank Boshqaruvi raisi F. MULLAJONOV

Toshkent sh.,

2008-yil 3-may,

11/14-son