Jismoniy shaxslar nomiga joʻnatiladigan tovarlarga nisbatan bojxona toʻlovlarini hisoblash va undirish boʻyicha tushuntirishni oʻz kuchini yoʻqotgan deb topish toʻgʻrisida (549-1-son)

30.05.2008

OʻZBEKISTON RESPUBLIKASI DAVLAT BOJXONA QOʻMITASI OʻZBEKISTON RESPUBLIKASI MOLIYA VAZIRLIGINING

QARORI

[Oʻzbekiston Respublikasi Adliya vazirligi tomonidan 2008-yil 30-mayda 549-1-son bilan davlat roʻyxatidan oʻtkazildi]

Oʻzbekiston Respublikasi Soliq kodeksi, “Boj tarifi toʻgʻrisida”gi Oʻzbekiston Respublikasi Qonunining 33-moddasi, “Davlat bojxona xizmati toʻgʻrisida”gi Oʻzbekiston Respublikasi Qonunining 6 va 7-moddalari hamda Oʻzbekiston Respublikasi Prezidentining 2007-yil 12-dekabrdagi PQ-744-sonli “Oʻzbekiston Respublikasining 2008-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida”gi qarori, Oʻzbekiston Respublikasi Vazirlar Mahkamasining 2002-yil 6-maydagi 154-sonli “Jismoniy shaxslar tomonidan Oʻzbekiston Respublikasi hududiga tovarlar olib kelinishini tartibga solish toʻgʻrisida” va 2002-yil 26-iyuldagi 267-sonli “Oʻzbekiston Respublikasi hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi qarorlariga muvofiq Oʻzbekiston Respublikasi Davlat bojxona qoʻmitasi va Moliya vazirligi qaror qiladi:

Oʻzbekiston Respublikasi Davlat bojxona qoʻmitasi va Moliya vazirligining 1998-yil 19-noyabrdagi 39 va 04-02-05/776-sonli qarori bilan tasdiqlangan “Jismoniy shaxslar nomiga joʻnatiladigan tovarlarga nisbatan bojxona toʻlovlarini hisoblash va undirish boʻyicha Tushuntirish” (1998-yil 25-noyabr, roʻyxat raqami 549) oʻz kuchini yoʻqotgan deb topilsin.

Davlat bojxona qoʻmitasi raisi S. NOSIROV

Toshkent sh.,

2008-yil 20-may,

01-02/8-24-son

Moliya vaziri R. AZIMOV

Toshkent sh.,

2008-yil 20-may,

45-son