“Markaziy fargʻonaning haydaladigan yerlari meliorativ tarmoqlarini yaxshilash” investitsiya loyihasini amalga oshirish chora-tadbirlari toʻgʻrisida (PQ-794-son)

14.02.2008

Oʻzbekiston Respublikasi Prezidentining

Qarori

Xitoy Xalq Respublikasi (XXR) Hukumati berayotgan mablagʻlardan foydalangan holda moliyalashtiriladigan investitsiya loyihalarini oʻz vaqtida amalga oshirishni taʼminlash maqsadida:

1. Maʼlumot uchun qabul qilinsinki:

Oʻzbekiston Respublikasi Qishloq va suv xoʻjaligi vazirligi hamda “China National Machinery Import & Export Corporation” (XXR) oʻrtasida “Markaziy Fargʻonaning haydaladigan yerlari meliorativ tarmoqlarini yaxshilash” investitsiya loyihasini amalga oshirish doirasida 8,48 mln. AQSH dollari miqdorida uskunalar, ehtiyot qismlar yetkazib berish va ularni shef-montaj qilish boʻyicha shartnoma tuzildi;

mazkur shartnomani moliyalash Oʻzbekiston Respublikasi Tashqi iqtisodiy faoliyat milliy banki krediti hisobidan XXR Eksimbankining besh yillik imtiyozli davrni ham hisobga olganda 20 yil muddatda toʻlash sharti bilan 8,48 mln. AQSH dollari miqdorida berilgan qarz mablagʻlarini qayta moliyalashtirish yoʻli bilan amalga oshirib boriladi.

2. Belgilansinki:

Oʻzbekiston Respublikasi Qishloq va suv xoʻjaligi vazirligi kredit mablagʻlaridan maqsadli foydalanish va loyihani samarali amalga oshirish uchun masʼul ijro etuvchi agentlik, shuningdek, Oʻzbekiston Respublikasi Tashqi iqtisodiy faoliyat milliy banki krediti boʻyicha qarz oluvchi hisoblanadi;

asosiy qarzni uzish, foizlar, komissiyalarni toʻlash va kreditga xizmat koʻrsatish hamda moliyalashtirishni tashkil etish bilan bogʻliq sarf-xarajatlar Davlat budjeti mablagʻlari hisobidan amalga oshiriladi.

3. Quyidagilar:

asosiy texnik-iqtisodiy koʻrsatkichlar bilan loyihaning texnik-iqtisodiy asosi 1-ilovaga muvofiq;

loyiha boʻyicha XXR Eksimbanki qarz mablagʻlari, foizlar va komissiyalarni toʻlash jadvali 2-ilovaga muvofiq tasdiqlansin.

4. Oʻzbekiston Respublikasi Tashqi iqtisodiy faoliyat milliy banki mazkur loyihani moliyalashtirish uchun:

XXR Eksimbanki bilan yakka tartibdagi qarz bitimini;

XXR Eksimbanki qarz mablagʻlarini qayta moliyalashtirish boʻyicha Oʻzbekiston Respublikasi Qishloq va suv xoʻjaligi vazirligi bilan kredit shartnomasini tuzsin.

5. Oʻzbekiston Respublikasi moliya vaziri Oʻzbekiston Respublikasi Tashqi iqtisodiy faoliyat milliy bankining XXR Eksimbanki oldidagi toʻlov majburiyatlari boʻyicha, shuningdek Oʻzbekiston Respublikasi Tashqi iqtisodiy faoliyat milliy bankiga — Oʻzbekiston Respublikasi Qishloq va suv xoʻjaligi vazirligi majburiyatlari yuzasidan belgilangan tartibda Oʻzbekiston Respublikasi nomidan kafolat berishga vakil qilinsin.

6. Oʻzbekiston Respublikasi Adliya vazirligi belgilangan tartibda Oʻzbekiston Respublikasi kafolati boʻyicha qarz bitimida nazarda tutilgan shaklda yuridik xulosa taqdim etsin.

7. Maʼlumot uchun qabul qilinsinki, qarz bitimining shartlariga muvofiq quyidagilar:

XXR Eksimbanki Oʻzbekiston Respublikasi hududida toʻlov manbaidan undirib olinadigan foyda soligʻi toʻlashdan;

loyihani amalga oshirish doirasida XXR Hukumatining kredit mablagʻlari hisobidan sotib olinadigan mahsulotlar, ishlar va xizmatlar bojxona toʻlovlari (bojxona rasmiylashtiruvi yigʻimlaridan tashqari) toʻlashdan ozod etiladi.

8. Oʻzbekiston Respublikasi Tashqi ishlar vazirligi Oʻzbekiston Respublikasi Qishloq va suv xoʻjaligi vazirligining talabnomalariga koʻra, loyihani amalga oshirishda ishtirok etayotgan xorijiy mutaxassislarning kirish vizalarini konsullik yigʻimi va boshqa yigʻimlar undirib olinmasdan belgilangan tartibda rasmiylashtirishni taʼminlasin.

9. Oʻzbekiston Respublikasi Ichki ishlar vazirligi Oʻzbekiston Respublikasi Qishloq va suv xoʻjaligi vazirligining talabnomalariga koʻra, loyihani amalga oshirishda ishtirok etayotgan xorijiy mutaxassislarga koʻp martalik vizalar berish va ularning muddatini uzaytirish, shuningdek ularning vaqtincha roʻyxatda turish va uning muddatini uzaytirishni taʼminlasin hamda ular davlat boji toʻlashdan ozod qilinsin.

10. Mazkur Qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasining Prezidenti I. KARIMOV

Toshkent sh.,

2008-yil 14-fevral,

PQ-794-son

Oʻzbekiston Respublikasi Prezidentining 2008-yil 14-fevraldagi PQ-794-son qaroriga 1-ILOVA

“Markaziy Fargʻonaning haydaladigan yerlari meliorativ tarmoqlarini yaxshilash” loyihasining

ASOSIY TEXNIK-IQTISODIY KOʻRSATKICHLARI

T/r Koʻrsatkich nomi Oʻlchov birligi Jami Shu jumladan: budjet mablagʻlari XXR hukumati krediti 1. Loyihaning umumiy qiymati ming AQSH dollari 10718,33 2238,33 8480,00 shu jumladan: investitsiya davridan keyin foizlarni toʻlash ming AQSH dollari 1992,80 1992,80 investitsiya davridan keyin bank marjasi 99,64 99,64 2. Kapital qoʻyilmalar miqdori, jami ming AQSH dollari 8625,89 145,89 8480,00 2.1. EKV xarajatlari, jami ming AQSH dollari 8577,07 97,07 8480,00 shundan: 63 ta ekskavator sotib olish ming ?QSH dollari 6376,96 6376,96 ekskavatorlar uchun ehtiyot qismlar 956,54 956,54 10 ta buldozer sotib olish 540,60 540,60 buldozerlar uchun ehtiyot qismlar 81,09 81,09 texnikalar va ehtiyot qismlar tashish 407,04 407,04 sugʻurta 21,20 21,20 texnik sozlash va oʻqitish 96,57 96,57 yuklash oldi inspeksiyasi xarajatlari 20,75 20,75 investitsiya davrida moliyaviy chiqimlar, jami: 76,32 76,32 shundan: investitsiya davrida foizlarni toʻlash 42,4 42,4 investitsiya davrida bank marjasi 2,12 2,12 majburiyat boʻyicha komissiya 6,36 6,36 boshqaruv komissiyasi 25,44 25,44 2.2. Milliy valyutadagi xarajatlar, jami ming AQSH dollari ekvivalentida 48,82 48,82 shundan: bojxona deklaratsiyasi va rasmiylashtiruvi ming AQSH dollari ekvivalentida 31,82 31,82 ichki tashish 17,00 17,00 3. Loyiha quvvati: yer ishlarining yillik hajmi ming metr kub 12512 ishlab chiqariladigan qoʻshimcha mahsulot hajmi paxta xomashyosi ming t 10,5 bugʻdoy ming t 13.8 taxminiy qoʻshimcha eksport hajmi (paxta tolasi) ming t 3,4 4. Band boʻladiganlarning taxminiy soni kishi 150 5. Xarajatlar qoplanadigan hisob-kitob muddati yil 5,3 6. Investitsiya davrining davomiyligi oy 12 7. Tashkil etiladigan ishlab chiqarish fondlari qiymati ming dollar ekvivalentida 7511,94 8. Kreditni soʻndirish muddati yil 20

Oʻzbekiston Respublikasi Prezidentining 2008-yil 14-fevraldagi PQ-794-son qaroriga 2-ILOVA

“Markaziy Fargʻonaning haydaladigan yerlari meliorativ tarmoqlarini yaxshilash” loyihasi boʻyicha XXR Eksimbanki qarz mablagʻlarini soʻndirish, foizlar va komissiyalarni toʻlash

JADVALI

1. Kredit summasi 8480,0 ming AQSH dollari 2. Kreditni qaytarish muddati 20 yil 3. Imtiyozli davr 5 yil 4. Foiz stavkasi yillik 2 foiz 5. Bank marjasi yillik 0,1 foiz 6. Majburiyat komissiyasi (foizda) kreditning tanlanmagan summasidan 0,3 foiz 7. Boshqaruv komissiyasi (foizda) kredit summasidan 0,3 foiz AQSH dollari Yillar Yarim yillik Qarzdorlik qoldigʻi Asosiy qarz toʻlov summasi* Foizlar toʻlovi** Bank marjasi Majburiyat komissiyasi Boshqaruv komissiyasi Jami toʻlanadigan summa 2008*** 1 4 240 000 6 360,00 25 440,00 31 800 2 8 480 000 42 400 2 120 44 520 2009 1 8 480 000 84 800 4 240 89 040 2 8 480 000 84 800 4 240 89 040 2010 1 8 480 000 84 800 4 240 89 040 2 8 480 000 84 800 4 240 89 040 2011 1 8 480 000 84 800 4 240 89 040 2 8 480 000 84 800 4 240 89 040 2012 1 8 480 000 84 800 4 240 89 040 2 8 480 000 84 800 4 240 89 040 2013 1 8 197 333 282 666,7 84 800 4 240 371 707 2 7 914 667 282 666,7 81 973 4 099 368 739 2014 1 7 632 000 282 666,7 79 147 3 957 365 771 2 7 349 333 282 666,7 76 320 3 816 362 803 2015 1 7 066 667 282 666,7 73 493 3 675 359 835 2 6 784 000 282 666,7 70 667 3 533 356 867 2016 1 6 501 333 282 666,7 67 840 3 392 353 899 2 6 218 667 282 666,7 65 013 3 251 350 931 2017 1 5 936 000 282 666,7 62 187 3 109 347 963 2 5 653 333 282 666,7 59 360 2 968 344 995 2018 1 5 370 667 282 666,7 56 533 2 827 342 027 2 5 088 000 282 666,7 53 707 2 685 339 059 2019 1 4 805 333 282 666,7 50 880 2 544 336 091 2 4 522 667 282 666,7 48 053 2 403 333 123 2020 1 4 240 000 282 666,7 45 227 2 261 330 155 2 3 957 333 282 666,7 42 400 2 120 327 187 2021 1 3 674 667 282 666,7 39 573 1 979 324 219 2 3 392 000 282 666,7 36 747 1 837 321 251 2022 1 3 109 333 282 666,7 33 920 1 696 318 283 2 2 826 667 282 666,7 31 093 1 555 315 315 2023 1 2 544 000 282 666,7 28 267 1 413 312 347 2 2 261 333 282 666,7 25 440 1 272 309 379 2024 1 1 978 667 282 666,7 22 613 1 131 306 411 2 1 696 000 282 666,7 19 787 989 303 443 12 1 1 413 333 282 666,7 16 960 848 300 475 2 1 130 667 282 666,7 14 133 707 297 507 2026 1 848 000 282 666,7 11 307 565 294 539 2 565 333 282 666,7 8 480 424 291 571 2027 1 282 667 282 666,7 5 653 283 288 603 2 0 282 666,7 2 827 141 285 635 Jami - 8 480 000 2 035 200 101 760 6 360 25 440 10 648 760

Izoh:

* Asosiy qarzni birinchi uzish sanasi Qarz bitimi kuchga kirgan sanaga bogʻliq boʻladi.

** Komissiyalar va foizlar miqdori Qarz bitimining haqiqiy summasi va yetkazish sanasiga (tanlash) hamda kuchga kirish sanasiga bogʻliq.

*** Qarzni tanlash davri prognoz hisoblanib, qarz bitimining kuchga kirish sanasiga bogʻliq boʻladi.