Investitsiya loyihalarining texnik-iqtisodiy asosnomalarini Oʻzbekiston Respublikasi Tashqi iqtisodiy aloqalar vazirligida koʻrib chiqish tartibini oʻz kuchini yoʻqotgan deb hisoblash toʻgʻrisida (846-1-son)

16.04.2008

OʻZBEKISTON RESPUBLIKASI TAShQI IQTISODIY ALOQALAR, INVESTITSIYaLAR VA SAVDO VAZIRLIGINING

QARORI

[Oʻzbekiston Respublikasi Adliya vazirligi tomonidan 2008-yil 16-aprelda 846-1-son bilan davlat roʻyxatidan oʻtkazildi]

Oʻzbekiston Respublikasi Prezidentining “Oʻzbekiston Respublikasi Tashqi iqtisodiy aloqalar, investitsiyalar va savdo vazirligi faoliyatini tashkil etish toʻgʻrisida” 2005-yil 26-iyuldagi PQ-136-son qarori va Oʻzbekiston Respublikasi Vazirlar Mahkamasining “Investitsiya loyihalari hujjatlarini ishlab chiqish, ekspertizadan oʻtkazish va tasdiqlash tartibi toʻgʻrisidagi nizomni tasdiqlash haqida” 2007-yil 7-iyundagi 110-son qaroriga muvofiq Oʻzbekiston Respublikasi Tashqi iqtisodiy aloqalar, investitsiyalar va savdo vazirligi qaror qiladi:

1. 1999-yil 1-iyulda tasdiqlangan Investitsiya loyihalarining texnik-iqtisodiy asosnomalarini Oʻzbekiston Respublikasi Tashqi iqtisodiy aloqalar vazirligida koʻrib chiqish tartibi (1999-yil 9-dekabr, roʻyxat raqami 846) oʻz kuchini yoʻqotgan deb hisoblansin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Tashqi iqtisodiy aloqalar, investitsiyalar va savdo vaziri E. GʻANIYEV

Toshkent sh.,

2008-yil 14-aprel,

EG-01/10-2212-son