Xalqaro shartnomalarni tasdiqlash toʻgʻrisida (313-son)

14.07.2003

Oʻzbekiston Respublikasi Vazirlar Mahkamasining

qarori

“Oʻzbekiston Respublikasi xalqaro shartnomalari toʻgʻrisida”gi Oʻzbekiston Respublikasining Qonunining 20-moddasiga muvofiq, Vazirlar Mahkamasi qaror qiladi:

1. Tasdiqlansin:

2003-yil 17-iyun Tehron shahrida imzolangan Oʻzbekiston Respublikasi Hukumati bilan Eron Islom Respublikasi Hukumati oʻrtasida savdo-iqtisodiy hamkorlik toʻgʻrisidagi Bitim;

2003-yil 17-iyun Tehron shahrida imzolangan Oʻzbekiston Respublikasi Hukumati bilan Eron Islom Respublikasi Hukumati oʻrtasida oʻzaro savdo imtiyozlari toʻgʻrisidagi Memorandumi;

2003-yil 17-iyun Tehron shahrida imzolangan Oʻzbekiston Respublikasi Hukumati bilan Eron Islom Respublikasi Hukumati oʻrtasida oʻsimliklar karantini sohasida hamkorlik toʻgʻrisidagi Bitim;

2003-yil 18-iyun Tehron shahri Afgʻoniston Oʻtish Islomiy Davlati Hukumati, Eron Islom Respublikasi va Oʻzbekiston Respublikasi oʻrtasida xalqaro transport yoʻnalishlari toʻgʻrisidagi Bitim.

2. Tashqi ishlar vazirligi Oʻzbekiston Respublikasi tomonidan mazkur xalqaro shartnomaning kuchga kirishi uchun zarur boʻlgan davlat ichki tartib-taomillari bajarilganligi toʻgʻrisida tegishli bildirishnoma yuborsin.

3. Oʻzbekiston Respublikasi Bosh vazirining oʻrinbosarlari va tegishli vazirlik hamda idoralar rahbarlariga ushbu xalqaro shartnoma kuchga kirgandan keyin Oʻzbekiston Respublikasining majburiyatlari bajarilishi ustidan belgilangan tartibda nazoratni taʼminlasin.

Vazirlar Mahkamasi raisi I. KARIMOV

Toshkent sh.,

2003-yil 14-iyul,

313-son