“Reklama toʻgʻrisida”gi Oʻzbekiston Respublikasi Qonunining 16-moddasiga oʻzgartish kiritish haqida (O‘RQ-150-son)

10.04.2008

Hujjat kuchini yo‘qotgan 09.09.2022

Oʻzbekiston Respublikasining Qonuni

Qonunchilik palatasi tomonidan 2008-yil 9-yanvarda qabul qilingan Senat tomonidan 2008-yil 27-martda maʼqullangan

1-modda. Oʻzbekiston Respublikasining 1998-yil 25-dekabrda qabul qilingan “Reklama toʻgʻrisida”gi 723-I-sonli Qonuni (Oʻzbekiston Respublikasi Oliy Majlisining Axborotnomasi, 1999-yil, № 1, 14-modda; 2002-yil, № 9, 164-modda; 2003-yil, № 5, 67-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 12, 413-modda; 2006-yil, № 4, 154-modda, № 10, 536-modda) 16-moddasining uchinchi qismi quyidagi tahrirda bayon etilsin:

“Reklama tarqatuvchilar reklama uchun ajratilgan efir vaqti, nashr yoki reklama maydoni umumiy yillik hajmining 5 foizidan kam boʻlmagan hajmda ijtimoiy reklamali axborotni joylashtirishi shart. Bunda faoliyati Oʻzbekiston Respublikasi Davlat budjeti hisobidan toʻliq yoki qisman moliyalashtiriladigan reklama tarqatuvchilar ijtimoiy reklamali axborotni bepul joylashtiradi”.

2-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti I. KARIMOV

Toshkent sh.,

2008-yil 10-aprel,

OʻRQ-150-son