Oʻzbekiston Respublikasining yadroviy terrorizm aktlariga qarshi kurash toʻgʻrisidagi xalqaro konvensiyaga (Nyu-York, 2005-yil 13-aprel) qoʻshilishi haqida (O‘RQ-146-son)

09.04.2008

Oʻzbekiston Respublikasining Qonuni

Qonunchilik palatasi tomonidan 2008-yil 23-yanvarda qabul qilingan Senat tomonidan 2008-yil 27-martda maʼqullangan

Yadroviy terrorizm aktlariga qarshi kurash toʻgʻrisidagi xalqaro konvensiyaga (Nyu-York, 2005-yil 13-aprel) quyidagi bildirishlar va bayonotlar bilan qoʻshilinsin:

1) Konvensiyaning 7-moddasi 4-bandi boʻyicha: “Oʻzbekiston Respublikasi Konvensiyaning 7-moddasida koʻrsatilgan axborotni yuborish va olish uchun masʼul organ sifatida Oʻzbekiston Respublikasi Milliy xavfsizlik xizmati belgilanishini bildiradi”;

2) Konvensiyaning 9-moddasi 3-bandi boʻyicha: “Oʻzbekiston Respublikasi Konvensiya 9-moddasining 1 va 2-bandlarida nazarda tutilgan hollarda Konvensiyaning 2-moddasiga binoan jinoiy deb topilgan qilmishlarga nisbatan oʻzining yurisdiksiyasiga ega ekanligini bildiradi”;

3) Konvensiyaning 16-moddasi boʻyicha: “Oʻzbekiston Respublikasi Konvensiyaning 16-moddasi qoidalari Konvensiyaning amal qilishi doirasiga kiradigan jinoyatlarni sodir etganlik uchun javobgarlikning muqarrarligi ushlab berish va huquqiy yordam masalalari boʻyicha xalqaro hamkorlik samaradorligi uchun zarar yetkazmasdan taʼminlangan tarzda qoʻllanilishi kerak ekanligidan kelib chiqadi”;

4) Konvensiyaning 23-moddasi 2-bandi boʻyicha: “Oʻzbekiston Respublikasi oʻzini Konvensiyaning 23-moddasi 1-bandi qoidalari bilan bogʻlangan deb hisoblamasligini bayon etadi”.

Oʻzbekiston Respublikasining Prezidenti I. KARIMOV

Toshkent sh.,

2008-yil 9-aprel,

OʻRQ-146-son