Texnik-iqtisodiy hamkorlik toʻgʻrisida

03.11.2007

OʻZBEKISTON RESPUBLIKASI HUKUMATI BILAN XITOY XALQ RESPUBLIKASI HUKUMATI OʻRTASIDA

Bitim

Oʻzbekiston Respublikasi Hukumati bilan Xitoy Xalq Respublikasi Hukumati, bundan keyin “Tomonlar” deb ataluvchilar,

doʻstona munosabatlar va texnik-iqtisodiy hamkorlikni yanada rivojlantirish maqsadida,

quyidagilar toʻgʻrisida kelishib oldilar:

1-modda

Xitoy Xalq Respublikasi Hukumati Oʻzbekiston Respublikasi Hukumatiga 60 (oltmish) million xitoy yuani miqdorida begʻaraz yordam koʻrsatadi.

2-modda

Mazkur begʻaraz yordamdan ikki mamlakat hukumatlari oʻrtasida kelishilgan texnik-iqtisodiy loyihalarni amalga oshirish uchun foydalaniladi. Muayyan masalalar alohida bitimlar imzolash orqali Tomonlar oʻrtasida qoʻshimcha ravishda kelishib olinadi.

3-modda

Ushbu Bitimni amalga oshirish uchun hisob-kitob boʻyicha tegishli qoidalar Oʻzbekiston Respublikasi Tashqi iqtisodiy faoliyat milliy banki va Xitoy Davlat rivojlanish banki tomonidan qoʻshimcha ravishda kelishib olinadi.

4-modda

Ushbu Bitim imzolangan sanadan boshlab kuchga kiradi va Tomonlar ushbu Bitimda belgilangan oʻziga tegishli majburiyatlarini bajargunlariga qadar amal qiladi.

Ushbu Bitim Toshkent shahrida 2007-yil 3-noyabrda ikki nusxada, ikkala Tomon uchun bir nusxadan, har biri oʻzbek, xitoy va rus tillarida tuzilgan, bunda barcha matnlar bir xil kuchga ega.

(imzolar)