Oʻzbekiston Respublikasi bojxona organlarida kontraktlar (shartnomalar) va bitimlarni hisobga qoʻyish tartibiga oʻzgartirish va qoʻshimchalar kiritish toʻgʻrisida (832-4-son)

04.03.2008

OʻZBEKISTON RESPUBLIKASI DAVLAT BOJXONA QOʻMITASINING

QARORI

[Oʻzbekiston Respublikasi Adliya vazirligi tomonidan 2008-yil 4-martda 832-4-son bilan davlat roʻyxatidan oʻtkazildi]

Oʻzbekiston Respublikasi “Davlat bojxona xizmati toʻgʻrisida”gi Qonunining 6-moddasi va Oʻzbekiston Respublikasi Vazirlar Mahkamasining 2003-yil 30-sentabrdagi 416-son “Eksport-import operatsiyalarini yanada takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Davlat bojxona qoʻmitasi qaror qiladi:

1. Oʻzbekiston Respublikasi Davlat bojxona qoʻmitasining 1999-yil 10-sentabrda 02/19-67-sonli qarori bilan tasdiqlangan “Oʻzbekiston Respublikasi Bojxona organlarida kontraktlar (shartnomalar) va bitimlarni hisobga qoʻyish Tartibi”ga (1999-yil 15-oktabr, roʻyxat raqami 832 — Meʼyoriy hujjatlar axborotnomasi, 1999-y., 12-son) ilovaga* asosan oʻzgartirish va qoʻshimchalar kiritilsin.

* Ilova rus tilidagi matnda berilgan.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kundan soʻng kuchga kiritilsin.

Davlat bojxona qoʻmitasi raisi S. NOSIROV

Toshkent sh.,

2008-yil 4-fevral,

01-02/19-15-son