Oliy taʼlim muassasalari talabalariga stipendiyalar tayinlash va toʻlash tartibi toʻgʻrisidagi yoʻriqnomaga qoʻshimcha va oʻzgartirishlar kiritish toʻgʻrisida (1339-2-son)

13.02.2008

OʻZBEKISTON RESPUBLIKASI OLIY VA OʻRTA MAXSUS TAʼLIM VAZIRLIGINING OʻZBEKISTON RESPUBLIKASI MOLIYA VAZIRLIGINING

QARORI

[Oʻzbekiston Respublikasi Adliya vazirligi tomonidan 2008-yil 13-fevralda 1339-2-son bilan davlat roʻyxatidan oʻtkazilgan]

Oʻzbekiston Respublikasi Prezidentining 2007-yil 12-dekabrdagi “Oʻzbekiston Respublikasi Davlat budjetining 2008-yilgi asosiy makroiqtisodiy koʻrsatkichlari va parametrlari toʻgʻrisida”gi PQ-744 sonli qarori ijrosini taʼminlash hamda talabalarga stipendiyalar tayinlash va toʻlash tartibini takomillashtirish hamda toʻlov-kontrakt shaklida taʼlim olayotgan talabalarning yuqori reyting koʻrsatkichlari boʻyicha oʻqishga qiziqishlarini oshirish maqsadida qaror qilamiz:

1. 2004-yil 10-martdagi 2-P va 43-sonli Oʻzbekiston Respublikasi Oliy va oʻrta maxsus taʼlim vazirligi va Oʻzbekiston Respublikasi Moliya vazirliklari qarori bilan tasdiqlangan (Adliya vazirligida 16.04.2004-yilda № 1339-son bilan roʻyxatga olingan, Oʻzbekiston Respublikasi Qonun hujjatlari toʻplami 2004-yil 15-son 184-modda) Oliy taʼlim muassasalari talabalariga stipendiyalar tayinlash va toʻlash tartibi toʻgʻrisidagi Yoʻriqnomaga ilovaga* muvofiq qoʻshimcha va oʻzgartirishlar kiritilsin.

* Ilova rus tilidagi matnda berilgan.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Oliy va oʻrta maxsus taʼlim vaziri A. PARPIYEV

Toshkent sh.,

2008-yil 22-yanvar,

№ 13

Moliya vaziri R. AZIMOV

Toshkent sh.,

2008-yil 22-yanvar,

№ 3