Soliq hisobotining shakllarini tasdiqlash toʻgʻrisida (1760-son)

21.01.2008

OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI DAVLAT SOLIQ QOʻMITASINING

QARORI

[Oʻzbekiston Respublikasi Adliya vazirligi tomonidan 2008-yil 21-yanvarda 1760-son bilan davlat roʻyxatidan oʻtkazilgan]

Oʻzbekiston Respublikasi Soliq kodeksi, Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasiga muvofiq qaror qilamiz:

1. Quyidagi soliq hisobotining shakllari tasdiqlansin:

yuridik shaxslardan olinadigan foyda soligʻi boʻyicha 1-ilovaga muvofiq;

jismoniy shaxslardan olinadigan daromad soligʻi boʻyicha 2-ilovaga muvofiq;

qoʻshilgan qiymat soligʻi boʻyicha 3-ilovaga muvofiq;

aksiz soligʻi boʻyicha 4-ilovaga muvofiq;

yer qaʼridan foydalanganlik uchun soliq va tijoratbop topilma bonusi boʻyicha 5-ilovaga muvofiq;

suv resurslaridan foydalanganlik uchun soliq boʻyicha 6-ilovaga muvofiq;

yuridik shaxslarning mol-mulkiga solinadigan soliq boʻyicha 7-ilovaga muvofiq;

yuridik shaxslardan olinadigan yer soligʻi boʻyicha 8-ilovaga muvofiq;

obodonlashtirish va ijtimoiy infratuzilmani rivojlantirish soligʻi boʻyicha 9-ilovaga muvofiq;

jismoniy shaxslardan transport vositalariga benzin, dizel yonilgʻisi va gaz ishlatganlik uchun olinadigan soliq boʻyicha 10-ilovaga muvofiq;

yagona ijtimoiy toʻlov, fuqarolarning sugʻurta badallari va budjetdan tashqari Pensiya jamgʻarmasiga majburiy ajratmalar boʻyicha 11-ilovaga muvofiq;

Respublika yoʻl jamgʻarmasiga majburiy ajratmalar boʻyicha 12-ilovaga muvofiq;

budjetdan tashqari Taʼlim muassasalarini rekonstruksiya qilish, mukammal taʼmirlash va jihozlash jamgʻarmasiga majburiy ajratmalar boʻyicha 13-ilovaga muvofiq;

davlat boji boʻyicha 14-ilovaga muvofiq;

yagona soliq toʻlovi boʻyicha 15-ilovaga muvofiq;

yagona yer soligʻi boʻyicha 16-ilovaga muvofiq;

qatʼiy belgilangan soliq boʻyicha 17-ilovaga muvofiq;

bozorlar boʻyicha 18-ilovaga muvofiq;

tovarlarning ayrim turlari bilan chakana savdo qilish va ayrim turdagi xizmatlar koʻrsatish huquqi uchun yigʻimlar boʻyicha 19-ilovaga muvofiq.

2. 2007-yil uchun soliq va majburiy toʻlovlar boʻyicha hisob-kitoblar 2007-yilda amalda boʻlgan tartib va shakllarda taqdim etiladi.

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgach kuchga kiradi.

Moliya vaziri R. AZIMOV

Toshkent sh.,

2007-yil 29-dekabr,

111-son

Davlat soliq qoʻmitasi raisi B. PARPIYEV

Toshkent sh.,

2007-yil 29-dekabr,

2007-66-son