Bojxona toʻlovlarini toʻlash muddatini uzaytirish va kechiktirish boʻyicha yoʻriqnomaga oʻzgartirish kiritish toʻgʻrisida (697-4-son)

26.12.2007

Oʻzbekiston Respublikasi Davlat bojxona qoʻmitasining

Qarori

[Oʻzbekiston Respublikasi Adliya vazirligi tomonidan 2007-yil 26-dekabrda 697-4-son bilan davlat roʻyxatidan oʻtkazildi]

Oʻzbekiston Respublikasi Bojxona kodeksining 110-moddasi (Oliy Majlis axborotnomasi, 1998-yil, 2-son, 36-modda) va Oʻzbekiston Respublikasi Prezidentining 2006-yil 14-iyuldagi PQ-416 sonli “Mahalliy dori-darmon va tibbiyot buyumlari ishlab chiqaruvchilarni qoʻllab-quvvatlash chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2006-yil 28-29-son, 267-modda) muvofiq qaror qiladi:

1. Oʻzbekiston Respublikasi Davlat bojxona qoʻmitasining 1999-yil 16-martdagi 03/8-78-sonli qarori bilan tasdiqlangan va Markaziy bank bilan 121-V-sonli va Moliya vazirligi bilan 24-sonli roʻyxat raqamlari orqali kelishilgan “Bojxona toʻlovlarini toʻlash muddatini uzaytirish va kechiktirish boʻyicha yoʻriqnoma”ga (1999-yil 8-aprel, roʻyxat raqami 697) ilovaga* muvofiq oʻzgartirishlar kiritilsin.

* Ilova rus tilidagi matnda berilgan.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgach kuchga kiradi.

Davlat bojxona qoʻmitasi raisi S. NOSIROV

Toshkent sh.,

2007-yil 5-dekabr,

01-02/8-16-son