Tijorat banklari tomonidan kichik biznes subyektlariga budjetdan tashqari jamgʻarmalar va “Mikrokreditbank” kredit liniyalari hisobidan mikrokreditlar berish tartibi toʻgʻrisida nizomga oʻzgartirish va qoʻshimchalar kiritish toʻgʻrisida (1548-2-son)

08.11.2007

Oʻzbekiston Respublikasi Markaziy banki boshqaruvi Oʻzbekiston Respublikasi Moliya vazirligining

Qarori

[Oʻzbekiston Respublikasi Adliya vazirligi tomonidan 2007-yil 8-noyabrda 1548-2-son bilan davlat roʻyxatidan oʻtkazildi]

Oʻzbekiston Respublikasining “Oʻzbekiston Respublikasi Markaziy banki toʻgʻrisida”, “Banklar va bank faoliyati toʻgʻrisida” va “Mikromoliyalash toʻgʻrisida”gi qonunlari asosida qaror qilamiz:

1. Tijorat banklari tomonidan kichik biznes subyektlariga budjetdan tashqari jamgʻarmalar va “Mikrokreditbank” kredit liniyalari hisobidan mikrokreditlar berish tartibi toʻgʻrisida nizom (2006-yil 21-fevral, roʻyxat raqami 1548 — Oʻzbekiston Respublikasi qonun hujjatlari toʻplami, 2006-yil, 8-son, 60-modda)ga ilovaga muvofiq oʻzgartirish va qoʻshimchalar kiritilsin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiritilsin.

Markaziy bank Boshqaruvi raisi F. MULLAJONOV

Toshkent sh.,

2007-yil 12-oktabr,

273-V-2-son

Moliya vaziri R. AZIMOV

Toshkent sh.,

2007-yil 12-oktabr,

94-son

Markaziy bank Boshqaruvi va Moliya vazirligi tomonidan 2007-yil 12-oktabrdagi 273-V-2, 94-sonli qaroriga ILOVA

Tijorat banklari tomonidan kichik biznes subyektlariga budjetdan tashqari jamgʻarmalar va “Mikrokreditbank” kredit liniyalari hisobidan mikrokreditlar berish tartibi toʻgʻrisida nizomga kiritilayotgan oʻzgartirish va qoʻshimchalar

1. Kirish qismidagi “Nizom” soʻzidan keyin “Oʻzbekiston Respublikasining “Mikromoliyalash toʻgʻrisida” Qonuni” soʻzlari bilan toʻldirilsin.

2. 36-bandda:

birinchi xatboshidagi “kichik biznes subyektlari” soʻzlaridan keyin “qishloq joylarida xizmatlar koʻrsatish faoliyatini amalga oshirayotgan tadbirkorlik subyektlari” soʻzlari bilan toʻldirilsin;

quyidagi tahrirdagi uchinchi xatboshi bilan toʻldirilsin:

“Bunda ajratilayotgan kredit mablagʻlari xizmat koʻrsatish sohasida yangi tashkil etilayotgan korxonalarni faqat texnologik jihozlash maqsadlariga yoʻnaltiriladi”.

3. 37-band quyidagi tahrirda bayon etilsin:

“37. Budjetdan tashqari jamgʻarmalar kredit liniyalari hisobidan kreditlar yakka tartibdagi tadbirkorlar va yuridik shaxs maqomiga ega boʻlmagan dehqon xoʻjaliklariga eng kam ish haqining 200 baravaridan hamda yuridik shaxs maqomini olib faoliyat koʻrsatayotgan tadbirkorlik subyektlariga eng kam ish haqining 1000 baravaridan koʻp boʻlmagan miqdorda beriladi”.

4. 39-bandning toʻrtinchi xatboshi quyidagi tahrirda bayon etilsin:

“xizmatlar koʻrsatish va servis sohasini rivojlantirish uchun, jumladan, aholiga maishiy, tibbiy, sayyohlik-ekskursiya va mehmonxona xizmati koʻrsatish, avtomobillar va boshqa texnika taʼmiri boʻyicha xizmat koʻrsatish, transport xizmati koʻrsatishni rivojlantirish uchun Markaziy bankning amaldagi qayta moliyalash stavkasining 45 foizi miqdorigacha”.

5. 63-band quyidagi tahrirdagi xatboshi bilan toʻldirilsin:

“qarz oluvchi olingan mikrokreditni va unga hisoblangan foizlarni kredit shartnomasida belgilangan muddatlarda toʻlamagan taqdirda bank Oʻzbekiston Respublikasining “Mikromoliyalash toʻgʻrisida”gi Qonunining 20-moddasiga koʻra ushbu mikrokreditni kafilning bank hisobvaragʻidan kafillik shartnomasida belgilangan tartibda undirib olish huquqiga ega”.

6. 72-bandda:

uchinchi xatboshidagi “5000 AQSh dollari ekvivalenti miqdorida” soʻzlari “eng kam ish haqining 200 baravaridan koʻp boʻlmagan miqdorda” soʻzlari bilan;

toʻrtinchi xatboshining birinchi jumlasidagi “10000 AQSh dollari ekvivalenti” soʻzlari “eng kam ish haqining 1000 baravari” soʻzlari bilan almashtirilsin.

7. Mazkur oʻzgartirish va qoʻshimchalar Oʻzbekiston Respublikasining Mehnat va aholini ijtimoiy muhofaza qilish vazirligi, Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi, Oʻzbekiston Respublikasi Savdo-sanoat palatasi va Oʻzbekiston fermer xoʻjaliklari uyushmasi bilan kelishilgan.

Mehnat va aholini ijtimoiy muhofaza qilish vaziri v.b. A. HAITOV

Toshkent sh.,

2007-yil 12-oktabr

Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi raisi v.b. B. ULAShEV

Toshkent sh.,

2007-yil 12-oktabr

Savdo-sanoat palatasi raisi A. ShAYXOV

Toshkent sh.,

2007-yil 12-oktabr

Oʻzbekiston fermer xoʻjaliklari uyushmasi raisi S. QOBILOV

Toshkent sh.,

2007-yil 12-oktabr