“Moliyaviy natijalar va oʻzaro hisob-kitoblar holati toʻgʻrisida hisobotni tuzish boʻyicha yoʻriqnomani tasdiqlash haqida”gi buyruqni oʻz kuchini yoʻqotgan deb topish toʻgʻrisida (1195-1-son)

06.11.2007

Oʻzbekiston Respublikasi Davlat statistika qoʻmitasining

Qarori

[Oʻzbekiston Respublikasi Adliya vazirligi tomonidan 2007-yil 6-noyabrda 1195-1-son bilan davlat roʻyxatidan oʻtkazildi]

Oʻzbekiston Respublikasining “Davlat statistikasi toʻgʻrisida”gi Qonunining 6-moddasiga asosan va Oʻzbekiston Respublikasi Vazirlar Mahkamasining 2003-yil 8-yanvardagi “Oʻzbekiston Respublikasi Davlat statistika qoʻmitasi faoliyati toʻgʻrisida”gi 8-son qarori bilan tasdiqlangan “Oʻzbekiston Respublikasi Davlat statistika qoʻmitasi toʻgʻrisida”gi nizomga (Oʻzbekiston Respublikasi qonunlarining toʻplami, 2003-y., 1-2-son, 7-modda; 2005-y., 8-son, 44-modda) muvofiq Oʻzbekiston Respublikasi Davlat statistika qoʻmitasi qaror qiladi:

1. Oʻzbekiston Respublikasi Makroiqtisodiyot va statistika vazirining 2002-yil 26-noyabrdagi 24-son “Moliyaviy natijalar va oʻzaro hisob-kitoblar holati toʻgʻrisida hisobotni tuzish boʻyicha yoʻriqnomani tasdiqlash haqida”gi buyrugʻi (2002-yil 19-dekabr, roʻyxat raqami 1195 — Meʼyoriy hujjatlar axborotnomasi, 2002-yil, 23-24-son) oʻz kuchini yoʻqotgan deb topilsin.

2. Ushbu qaror Adliya vazirligida davlat roʻyxatidan oʻtkazilgandan soʻng oʻn kun oʻtgach kuchga kiradi.

3. Mazkur qaror Moliya vazirligi bilan kelishilgan.

Davlat statistika qoʻmitasi raisi Gʻ. QUDRATOV

Toshkent sh.,

2007-yil 29-oktabr,

3-son

Kelishildi:

Moliya vaziri R. AZIMOV

Toshkent sh.,

2007-yil 29-oktabr