Ishlab chiqariladigan va sotiladigan tovarlar (ishlar, xizmatlar) boʻyicha qoʻshilgan qiymat soligʻini hisoblab chiqarish va toʻlash tartibi toʻgʻrisidagi yoʻriqnomaga qoʻshimcha kiritish haqida (1238-7-son)

30.10.2007

OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI DAVLAT SOLIQ QOʻMITASINING

QARORI

[Oʻzbekiston Respublikasi Adliya vazirligi tomonidan 2007-yil 30-oktabrda 1238-7-son bilan davlat roʻyxatidan oʻtkazildi]

Oʻzbekiston Respublikasi Soliq kodeksi, Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasiga muvofiq qaror qilamiz:

1. Oʻzbekiston Respublikasi Moliya vazirligi va Davlat soliq qoʻmitasining 2003-yil 7-martdagi 43, 2003-37-son qarori bilan tasdiqlangan Ishlab chiqariladigan va sotiladigan tovarlar (ishlar, xizmatlar) boʻyicha qoʻshilgan qiymat soligʻini hisoblab chiqarish va toʻlash tartibi toʻgʻrisidagi yoʻriqnomaning (2003-yil 29-aprel, roʻyxat raqami 1238 — Meʼyoriy hujjatlar axborotnomasi, 2003-yil, 7-8-son; Oʻzbekiston Respublikasi qonun hujjatlari toʻplami, 2004-yil, 11-son, 131-modda, 40-son, 442-modda; 2005-yil, 15-16-son, 125-modda, 40-son, 312-modda; 2006-yil, 20-21-son, 182-modda; 2007-yil, 7-8 son, 75-modda) 25-bandi quyidagi mazmundagi 37-kichik band bilan toʻldirilsin:

“37) telekommunikatsiyalar tarmoqlarida tezkor-qidiruv tadbirlari tizimi texnik vositalarning, shuningdek mazkur vositalardan foydalanishga va ularga xizmat koʻrsatishga doir xizmatlarning qiymati”.

2. Mazkur qaror Oʻzbekiston Respublikasi Adliya vazirligida davlat roʻyxatiga olingan kundan boshlab oʻn kun oʻtgach kuchga kiradi.

Moliya vaziri R. AZIMOV

Toshkent sh.,

2007-yil 22-oktabr,

96-son

Davlat soliq qoʻmitasi raisi B. PARPIYEV

Toshkent sh.,

2007-yil 22-oktabr,

2007-60-son