Oʻzbekiston transport va transport kommunikatsiyalari uyushmasini tugatish toʻgʻrisida (PF-3930-son)

23.10.2007

Oʻzbekiston Respublikasi Prezidentining

Farmoni

Maʼmuriy islohotlarni yanada chuqurlashtirish, transport va transport kommunikatsiyalari sohasida davlat va xoʻjalik boshqaruvi organlari faoliyatini tashkil etish samaradorligini oshirish maqsadida:

1. Oʻzbekiston Transport va transport kommunikatsiyalari uyushmasi taʼsischilarining Oʻzbekiston Transport va transport kommunikatsiyalari uyushmasini tugatish toʻgʻrisidagi taklifi qabul qilinsin.

2. Vazirlar Mahkamasi oʻn kun muddatda Oʻzbekiston Transport va transport kommunikatsiyalari uyushmasini tugatish masalalari boʻyicha qaror qabul qilsin.

3. Oʻzbekiston Respublikasi Prezidentining “Oʻzbekiston Transport va transport kommunikatsiyalari uyushmasini tashkil etish toʻgʻrisida” 2004-yil 11-oktabrdagi PF-3498-sonli Farmoni oʻz kuchini yoʻqotgan deb hisoblansin.

4. Mazkur Farmonning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2007-yil 23-oktabr,

PF-3930-son