Oʻzbekiston Respublikasi fuqaro aviatsiyasi aviatsiya xodimlarini tasniflash va guvohnomalar berish aviatsiya qoidalariga oʻzgartish va qoʻshimchalar kiritish toʻgʻrisida (1349-1-son)

28.08.2007

OʻZBEKISTON RESPUBLIKASI PARVOZLAR XAVFSIZLIGINI NAZORAT QILISH DAVLAT INSPEKSIYASI BOSHLIGʻINING

BUYRUGʻI

[Oʻzbekiston Respublikasi Adliya vazirligi tomonidan 2007-yil 28-avgustda 1349-1-son bilan davlat roʻyxatidan oʻtkazildi]

Xalqaro fuqaro aviatsiyasi (IKAO) toʻgʻrisida Konvensiya ilovalari talablariga muvofiqlashtirish hamda Oʻzbekiston Respublikasi fuqaro aviatsiyasining meʼyoriy bazasini takomillashtirish maqsadida buyuraman:

1. Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining 2004-yil 26-martdagi 49-son buyrugʻi bilan tasdiqlangan Oʻzbekiston Respublikasi fuqaro aviatsiyasi aviatsiya xodimlarini tasniflash va guvohnomalar berish aviatsiya qoidalariga (2004-yil 7-may, roʻyxat raqami 1349) ilovaga* muvofiq oʻzgartish va qoʻshimchalar kiritilsin.

* Ilova rus tilidagi matnda berilgan.

2. Mazkur buyruq Oʻzbekiston Respublikasi Adliya vazirligida davlat roʻyxatiga olingan kundan boshlab oʻn kun oʻtgach amalga kiritilsin.

3. Ishlar boshqarmasi tomonidan devonxona bilan hamkorlikda Adliya vazirligida roʻyxatga olingan kundan boshlab oʻn kun ichida oʻzgartish va qoʻshimchalarning koʻpaytirilib barcha aviakompaniyalar va manfaatdor tashkilotlarga tarqatilishi taʼminlansin.

4. Mazkur buyruq bajarilishini nazorat qilish Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining oʻrinbosari zimmasiga yuklatilsin.

Parvozlar xavfsizligini nazorat qilish davlat inspeksiyasi boshligʻi H. TROBOV

Toshkent sh.,

2007-yil 19-iyul,

110-son