Davlat ijtimoiy sugʻurtasi boʻyicha nafaqalar tayinlash va toʻlash tartibi toʻgʻrisidagi nizomga oʻzgartirish va qoʻshimchalar kiritish haqida (1136-2-son)

28.07.2007

OʻZBEKISTON RESPUBLIKASI MEHNAT VA AHOLINI IJTIMOIY MUHOFAZA QILISH VAZIRINING

BUYRUGʻI

[Oʻzbekiston Respublikasi Adliya vazirligi tomonidan 2007-yil 28-iyulda 1136-2-son bilan davlat roʻyxatidan oʻtkazildi]

Oʻzbekiston Respublikasi Prezidentining 2006-yil 18-dekabrdagi “Oʻzbekiston Respublikasining 2007-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-532-sonli qarori ijrosini taʼminlash maqsadida buyuraman:

1. Davlat ijtimoiy sugʻurtasi boʻyicha nafaqalar tayinlash va toʻlash tartibi toʻgʻrisidagi (2002-yil 8-may, roʻyxat raqami 1136) nizomga ilovaga muvofiq oʻzgartirish va qoʻshimchalar kiritilsin.

2. Ushbu buyruq Oʻzbekiston Respublikasi Adliya vazirligida davlat roʻyxatiga olingandan soʻng oʻn kundan keyin amalga kiritilsin.

Mehnat va aholini ijtimoiy muhofaza qilish vaziri v.b. A. XAITOV

Toshkent sh.,

2007-yil 25-iyun,

M-31-son

Mehnat va aholini ijtimoiy muhofaza qilish vaziri v.b. 2007-yil 25-iyundagi M-31-sonli buyrugʻiga ILOVA

Davlat ijtimoiy sugʻurtasi boʻyicha nafaqalar tayinlash va toʻlash tartibi toʻgʻrisidagi nizomga kiritilayotgan oʻzgartirish va qoʻshimchalar

1. 1-bandidagi “vaqtincha mehnatga qobiliyatsizlik uchun” soʻzlari chiqarib tashlansin.

2. 1-band quyidagi mazmundagi ikkinchi xatboshi bilan toʻldirilsin:

“2007-yil 1-yanvardan boshlab vaqtinchalik mehnatga layoqatsizlarga nafaqa toʻlash bilan bogʻliq xarajatlar:

Budjet tashkilotlari tomonidan — mehnat haqi jamgʻarmasiga ajratiladigan budjet mablagʻlari doirasida;

Xoʻjalik yurituvchi subyektlar tomonidan — foyda soligʻini hisoblashda mazkur xarajatlar soliqqa tortiladigan bazadan chiqarib tashlangan holda shaxsiy mablagʻlari hisobidan amalga oshiriladi”.

3. Mazkur oʻzgartirish va qoʻshimchalar Oʻzbekiston Respublikasi Moliya vaziri, Sogʻliqni saqlash vaziri, Markaziy bank raisi, Davlat soliq qoʻmitasi raisi va Oʻzbekiston Kasaba uyushmalari Federatsiyasi Kengashi raisi bilan kelishilgan.

Moliya vaziri R. AZIMOV

Toshkent sh.,

2007-yil 25-iyun

Sogʻliqni saqlash vaziri F. NAZIROV

Toshkent sh.,

2007-yil 25-iyun

Markaziy bank Boshqaruvi raisi F. MULLAJONOV

Toshkent sh.,

2007-yil 25-iyun

Davlat soliq qoʻmitasi raisi B. PARPIYEV

Toshkent sh.,

2007-yil 25-iyun

Oʻzbekiston Kasaba uyushmalari Federatsiyasi Kengashi raisi D. JAXONGIROVA

Toshkent sh.,

2007-yil 25-iyun