“Muddatida toʻlanmagan soliqlar va boshqa majburiy toʻlovlarni undirib olish toʻgʻrisida”gi Oʻzbekiston Respublikasi Qonunini amalga kiritish haqida (178-I-son)

22.12.1995

Oʻzbekiston Respublikasi Oliy Majlisining

Qarori

Oʻzbekiston Respublikasi Oliy Majlisi qaror qiladi:

1. “Muddatida toʻlanmagan soliqlar va boshqa majburiy toʻlovlarni undirib olish toʻgʻrisida”gi Oʻzbekiston Respublikasi Qonuni matbuotda eʼlon qilingan kundan eʼtiboran amalga kiritilsin.

2. Oʻzbekiston Respublikasi Vazirlar Mahkamasi:

Hukumat qarorlarini “Muddatida toʻlanmagan soliqlar va boshqa majburiy toʻlovlarni undirib olish toʻgʻrisida”gi Qonunga muvofiqlashtirsin;

Oʻzbekiston Respublikasining vazirliklari va idoralari “Muddatida toʻlanmagan soliqlar va boshqa majburiy toʻlovlarni undirib olish toʻgʻrisida”gi Qonunga zid boʻlgan oʻz normativ hujjatlarini qayta koʻrib chiqishlari va bekor qilishlarini taʼminlasin.

Oʻzbekiston Respublikasi Oliy Majlisining Raisi E. XALILOV

Toshkent sh.,

1995-yil 22-dekabr,

178-I-son