Oʻzbekiston Respublikasi Oliy Majlisining 2001-yil 12-mayda qabul qilingan “Amalga oshirilishi uchun litsenziyalar talab qilinadigan faoliyat turlarining roʻyxati toʻgʻrisida”gi 222-II-sonli qarorining 1-ilovasiga oʻzgartish va qoʻshimchalar kiritish haqida (O‘RQ-102-son)

17.07.2007

Hujjat kuchini yo‘qotgan 15.07.2021

Oʻzbekiston Respublikasi qonuni

Qonunchilik palatasi tomonidan 2007-yil 22-martda qabul qilingan Senat tomonidan 2007-yil 29-iyunda maʼqullangan

1-modda. Oʻzbekiston Respublikasi Oliy Majlisining 2001-yil 12-mayda qabul qilingan “Amalga oshirilishi uchun litsenziyalar talab qilinadigan faoliyat turlarining roʻyxati toʻgʻrisida”gi 222-II-sonli Qarorining (Oʻzbekiston Respublikasi Oliy Majlisining Axborotnomasi, 2002-yil, № 6-7, 105-modda; 2003-yil, № 1, 8-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 4, 154-modda) 1-ilovasiga quyidagi oʻzgartish va qoʻshimchalar kiritilsin:

1) toʻqqizinchi xatboshi quyidagi tahrirda bayon etilsin:

“Axborotning kriptografik himoya vositalarini loyihalashtirish, tayyorlash, ishlab chiqarish, realizatsiya qilish, taʼmirlash va ulardan foydalanish”;

2) quyidagi mazmundagi yetmish ikkinchi va yetmish uchinchi xatboshilar bilan toʻldirilsin:

“Tamaki xomashyosini fermentlash va tamaki mahsulotlari ishlab chiqarish.

Mikrokredit tashkilotlari faoliyati”.

2-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Prezidenti I. KARIMOV

Toshkent sh.,

2007-yil 17-iyul,

OʻRQ-102-son