T-6 shaklidagi bojxona deklaratsiyasini toʻldirish va rasmiylashtirish tartibi toʻgʻrisidagi yoʻriqnomaga oʻzgartish va qoʻshimchalar kiritish haqida (1342-1-son)

20.06.2007

Oʻzbekiston Respublikasi Davlat bojxona qoʻmitasining

Qarori

[Oʻzbekiston Respublikasi Adliya vazirligi tomonidan 2007-yil 20-iyunda 1342-1-son bilan davlat roʻyxatidan oʻtkazildi]

Oʻzbekiston Respublikasi “Davlat bojxona xizmati toʻgʻrisida”gi Qonunining 6-moddasiga va Vazirlar Mahkamasining 2007-yil 15-maydagi “Mehnat faoliyatini amalga oshirish uchun chet ellarga ketayotgan Oʻzbekiston Respublikasi fuqarolarini hisobga olishni takomillashtirish toʻgʻrisida”gi 97-sonli qarori ijrosini taʼminlash maqsadida, Davlat bojxona qoʻmitasi qaror qiladi:

1. 2004-yil 23-mayda 1342-sonli raqam bilan roʻyxatdan oʻtgan “T-6 shaklidagi bojxona deklaratsiyasini toʻldirish va rasmiylashtirish tartibi toʻgʻrisidagi yoʻriqnoma”ga oʻzgartish va qoʻshimchalar kiritish ilovaga* muvofiq tasdiqlansin.

* Ilova rus tilidagi matnda berilgan.

2. Ushbu qaror Oʻzbekiston Respublikasi Adliya vazirligida Davlat roʻyxatidan oʻtkazilgan kundan boshlab, oʻn kun oʻtgandan keyin kuchga kiritilsin.

3. Mazkur qarorning ijrosini nazorat qilish Davlat bojxona qoʻmitasi raisining birinchi oʻrinbosari Sh. Xayrullayev zimmasiga yuklatilsin.

Davlat bojxona qoʻmitasi raisi S. NOSIROV

Toshkent sh.,

2007-yil 13-iyun,

01-02/12-13-son