Oʻzbekiston Respublikasi Prezidentining ayrim hujjatlariga oʻzgartishlar kiritish va baʼzilarini oʻz kuchini yoʻqotgan deb hisoblash toʻgʻrisida (PF-3885-son)

18.06.2007

Oʻzbekiston Respublikasi Prezidentining

Farmoni

Oʻzbekiston Respublikasi Prezidentining 2006-yil 15-noyabrdagi “Respublika pillachilik tarmogʻini yanada isloh qilish chora-tadbirlari toʻgʻrisida”gi PQ-512-sonli qarori qabul qilinganligi munosabati bilan:

1. Oʻzbekiston Respublikasi Prezidentining “Respublika pillachilik sohasini boshqarish tizimini takomillashtirish toʻgʻrisida” 1998-yil 30-martdagi PF-1982-sonli Farmoni oʻz kuchini yoʻqotgan deb hisoblansin.

2. Oʻzbekiston Respublikasi Prezidentining ayrim farmonlari va qarorlariga ilovaga muvofiq oʻzgartishlar kiritilsin.

3. Mazkur Farmonning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2007-yil 18-iyun,

PF-3885-son

Oʻzbekiston Respublikasi Prezidentining 2007-yil 18-iyundagi PF-3885-son Farmoniga ILOVA

Oʻzbekiston Respublikasi Prezidentining ayrim farmonlari va qarorlariga kiritiladigan oʻzgartishlar

1. Oʻzbekiston Respublikasi Prezidentining “Xoʻjalik boshqaruv organlari tizimini takomillashtirish toʻgʻrisida” 2003-yil 22-dekabrdagi PF-3366-sonli Farmoni 4-bandining “a” kichik bandi oltinchi va yettinchi xatboshlaridagi “funksiyalarini “Oʻzbek ipagi” uyushmasiga topshirgan holda” soʻzlari chiqarib tashlansin.