Hukumatlararo bitimlarni tasdiqlash toʻgʻrisida (399-son)

13.10.2000

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining xalqaro shartnomalar toʻgʻrisida”gi Oʻzbekiston Respublikasi Qonunining 20-moddasiga muvofiq, Vazirlar Mahkamasi qaror qiladi:

1. Tasdiqlansin:

1999-yil 9-iyulda Toshkent shahrida imzolangan Oʻzbekiston Respublikasi Hukumati bilan Qirgʻiziston Respublikasi Hukumati oʻrtasida jinoyatchilikka qarshi kurashishda hamkorlik qilish toʻgʻrisidagi Bitim;

1999-yil 9-iyulda Toshkent shahrida imzolangan Oʻzbekiston Respublikasi Hukumati bilan Qirgʻiziston Respublikasi Hukumati oʻrtasida giyohvandlik vositalari, psixotrop moddalar va prekursorlarning noqonuniy yurgizilishiga qarshi kurashda hamkorlik qilish toʻgʻrisidagi Bitim;

2000-yil 7-iyulda Toshkent shahrida imzolangan Oʻzbekiston Respublikasi Hukumati bilan Qozogʻiston Respublikasi Hukumati oʻrtasida fuqarolarning oʻzaro kelib-ketish shartlari toʻgʻrisidagi Bitim.

2. Bosh vazir oʻrinbosarlari (V. Atayev, R. Yunusov), tashqi ishlar vaziri (A. Kamilov) Oʻzbekiston Respublikasining mazkur bitimlarda nazarda tutilgan majburiyatlari oʻz vaqtida bajarilishi ustidan nazoratni taʼminlasinlar.

Vazirlar Mahkamasining Raisi I. KARIMOV

Toshkent sh.,

2000-yil 13-oktabr,

399-son