Hukumatlararo bitimlarni tasdiqlash toʻgʻrisida (402-son)

20.10.2000

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining xalqaro shartnomalar toʻgʻrisida”gi Oʻzbekiston Respublikasi Qonunining 20-moddasiga muvofiq, Vazirlar Mahkamasi qaror qiladi:

1. Tasdiqlansin:

1999-yil 23-iyul kuni Toshkent shahrida imzolangan Oʻzbekiston Respublikasi Hukumati bilan Ozarbayjon Respublikasi Hukumati Elchixonalar faoliyatiga taalluqli masalalarni oʻzaro tartibga solish toʻgʻrisidagi Bitim;

1999-yil 23-iyul kuni Toshkent shahrida imzolangan Oʻzbekiston Respublikasi Hukumati bilan Ozarbayjon Respublikasi Hukumati geodeziya, kartografiya, kadastr va yerni masofadan zondlash sohasida hamkorlik toʻgʻrisidagi Bitim;

2000-yil 19-may kuni Toshkent shahrida imzolangan Oʻzbekiston Respublikasi Hukumati bilan Rossiya Federatsiyasi Hukumati oʻrtasida Oʻzbekiston Respublikasining maʼmuriy-hududiy tuzilmalari bilan Rossiya Federatsiyasi subyektlari oʻrtasida hamkorlikni kengaytirish toʻgʻrisidagi Bitim;

2000-yil 19-may kuni Toshkent shahrida imzolangan Oʻzbekiston Respublikasi Hukumati bilan Rossiya Federatsiyasi Hukumati xalqaro avtomobil qatnovi toʻgʻrisidagi Bitim;

2000-yil 27-sentabr kuni Bishkek shahrida imzolangan Oʻzbekiston Respublikasi Hukumati bilan Qirgʻiziston Respublikasi Hukumati bojxona ishlarida oʻzaro hamkorlik toʻgʻrisidago Bitim.

2. Oʻzbekiston Respublikasi Bosh vazir oʻrinbosari R. Yunusov va Tashqi ishlar vaziri A. Kamilovga mazkur shartnomalarda nazarda tutilgan Oʻzbekiston Respublikasining majburiyatlari bajarilishi ustidan belgilangan tartibda nazoratni taʼminlasin.

Vazirlar Mahkamasining Raisi I. KARIMOV

Toshkent sh.,

2000-yil 20-oktabr,

402-son