Hukumatlararo bitimlarni tasdiqlash toʻgʻrisida (32-son)

20.01.1997

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining xalqaro shartnomalar toʻgʻrisida”gi Oʻzbekiston Respublikasi Qonunining 20-moddasiga muvofiq:

1. Tasdiqlansin:

1996-yil 23-may kuni Toshkent shahrida imzolangan Oʻzbekiston Respublikasi Hukumati bilan Latviya Respublikasi Hukumati oʻrtasida investitsiyalarni oʻzaro ragʻbatlantirish va himoyalash toʻgʻrisidagi Shartnoma;

1996-yil 23-may kuni Toshkent shahrida imzolangan Oʻzbekiston Respublikasi Hukumati bilan Latviya Respublikasi Hukumati oʻrtasida xalqaro avtomobil aloqasi toʻgʻrisidagi Bitim;

1996-yil 23-may kuni Toshkent shahrida imzolangan Oʻzbekiston Respublikasi Hukumati bilan Latviya Respublikasi Hukumati oʻrtasida bojxona ishida oʻzaro yordam toʻgʻrisidagi Bitim;

1996-yil 27-avgust kuni Jakarta shahrida imzolangan Oʻzbekiston Respublikasi Hukumati bilan Indoneziya Respublikasi Hukumati oʻrtasida investitsiyalarni ragʻbatlantirish va himoyalash toʻgʻrisidagi Bitim;

1996-yil 27-avgust kuni Jakarta shahrida imzolangan Oʻzbekiston Respublikasi Hukumati bilan Indoneziya Respublikasi Hukumati oʻrtasida ikki tomonlama soliq solishga yoʻl qoʻymaslik hamda daromad (foyda)ga soliqlar toʻlashdan boʻyin tovlashlarning oldini olish toʻgʻrisidagi Bitim;

1996-yil 12-iyun kuni Olma-ota shahrida imzolangan Oʻzbekiston Respublikasi Hukumati bilan Qozogʻiston Respublikasi Hukumati oʻrtasida daromaddan va mulkdan olinadigan soliqlarning ikkiyoqlama qoʻllanishiga yoʻl qoʻymaslik toʻgʻrisidagi Bitim;

1996-yil 27-noyabr kuni Toshkent shahrida imzolangan Oʻzbekiston Respublikasi Hukumati bilan Turkmaniston Respublikasi Hukumati oʻrtasida giyohvand va psixotrop moddalarning noqonuniy aylanishiga hamda ularning suiisteʼmol qilinishiga qarshi kurash sohasida hamkorlik qilish toʻgʻrisidagi Bitim;

1996-yil 4-sentabr kuni Toshkent shahrida imzolangan Oʻzbekiston Respublikasi Hukumati bilan Qirgʻiziston Respublikasi Hukumati oʻrtasida xalqaro avtomobil qatnovi toʻgʻrisidagi Bitim;

1996-yil 24-dekabr kuni Toshkent shahrida imzolangan Oʻzbekiston Respublikasi Hukumati bilan Qirgʻiziston Respublikasi Hukumat oʻrtasida investitsiyalarni oʻzaro ragʻbatlantirish va himoya qilish toʻgʻrisidagi Bitim;

1996-yil 24-dekabr kuni Toshkent shahrida imzolangan Oʻzbekiston Respublikasi Hukumati bilan Qirgʻiziston Respublikasi Hukumati oʻrtasida ikki tomonlama soliq solishga yoʻl qoʻymaslik hamda daromad va foydaga soliqlar toʻlashdan boʻyin tovlashlarning oldini olish toʻgʻrisidagi Bitim;

1996-yil 24-dekabr kuni Toshkent shahrida imzolangan Oʻzbekiston Respublikasi Hukumat bilan Qirgʻiziston Respublikasi Hukumat oʻrtasida Erkin savdo toʻgʻrisidagi Bitim.

2. Oʻzbekiston Respublikasi Bosh vaziri oʻrinbosarlari, Tashqi ishlar vaziri mazkur shartnomalarda koʻzda tutilgan Oʻzbekiston Respublikasining majburiyatlarini oʻz vaqtida bajarilishini taʼminlasin.

Vazirlar Mahkamasining Raisi I. KARIMOV

Toshkent sh.,

1997-yil 20-yanvar,

32-son