Qishloq xoʻjalik mahsulotlarini boʻnaklashda “Davlat ehtiyojlari uchun xarid qilinadigan gʻalla va sholining hisob-kitob jamgʻarmasi” mablagʻlari hisobidan qishloq xoʻjalik uchun boʻnak mablagʻlari ajratilganda boʻnak toʻlovlarni amalga oshirish tartibiga oʻzgartirishlar kiritish toʻgʻrisida (656-3-son)
01.11.2004
Oʻzbekiston Respublikasi Moliya vazirligi Oʻzbekiston Respublikasi Markaziy banki boshqaruvining
Qarori
[Oʻzbekiston Respublikasi Adliya vazirligi tomonidan 2004-yil 1-noyabrda 656-3-son bilan davlat roʻyxatidan oʻtkazilgan]
Oʻzbekiston Respublikasi Vazirlar Mahkamasining 2004-yil 6-avgustdagi 376-sonli “Oʻzdonmahsulot” davlat-aksiyadorlik korporatsiyasini “Oʻzdonmahsulot” aksiyadorlik kompaniyasiga aylantirish toʻgʻrisida”gi (Oʻzbekiston Respublikasi Qonun hujjatlari toʻplami 2004-y., 31-son, 358-modda) qarorining 11-bandiga muvofiq Oʻzbekiston Respublikasi Moliya vazirligi va Markaziy bank Boshqaruvi qaror qiladilar:
1. Oʻzbekiston Respublikasi Moliya vazirligi va Markaziy banki tomonidan 1999-yil 23-fevralda tasdiqlangan 10-03-sonli va 114-V-sonli “Qishloq xoʻjalik mahsulotlarini boʻnaklashda “Davlat ehtiyojlari uchun xarid qilinadigan qishloq xoʻjalik mahsulotlarining hisob-kitob jamgʻarmasi” mablagʻlari hisobidan boʻnak toʻlovlarini amalga oshirish tartibi”ga (roʻyxat raqami 656, 1999-yil 1-mart) ilovaga muvofiq oʻzgartirishlar kiritilsin.
2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan soʻng kuchga kiradi.
Moliya vaziri S.B. RAHIMOV
Toshkent sh.,
2004-yil 15-oktabr,
114-son
Markaziy bank raisi F.M. MULLAJONOV
Toshkent sh.,
2004-yil 15-oktabr,
114-V-3-son
Oʻzbekiston Respublikasi Moliya vaziri va Oʻzbekiston Respublikasi Markaziy bank Boshqaruvi qarori bilan TASDIQLANGAN 2004-yil 15-oktabr 114 va № 114-V-3
Qishloq xoʻjalik mahsulotlarini boʻnaklashda “Davlat ehtiyojlari uchun xarid qilinadigan qishloq xoʻjalik mahsulotlarining hisob-kitob Jamgʻarmasi” mablagʻlari hisobidan boʻnak toʻlovlarini amalga oshirish Tartibiga kiritilayotgan oʻzgartirishlar
1. Tartibning butun matni boʻyicha “Oʻzdonmahsulot” DAK” soʻzlari “Oʻzdonmahsulot” AK” soʻzlari bilan almashtirilsin.
2. Mazkur oʻzgartirishlar Aksiyadorlik-tijorat “Gʻallabank” bilan kelishilgan.
AT “Gʻallabank” Boshqaruvi raisi I. Oʻrinboyev
2004-yil 14-oktabr