Un va nonning chakana narxlarini oshirish toʻgʻrisida (463-son)

17.09.1993

Oʻzbekiston Respublikasi Vazirlar Mahkamasining

qarori

Respublikaga keltirilayotgan donning narxi oshganligini hisobga olib, Vazirlar Mahkamasi qaror qiladi:

1. 1993-yilning 20-sentabridan boshlab unning bir kilogrammi uchun oʻrta hisobda 60 soʻm va nonning bir kilogrammi uchun oʻrta hisobda 50 soʻm miqdorda chegaralangan chakana narxlar belgilansin.

2. Oʻzbekiston Respublikasi Moliya vazirligi un va nonning yangi chakana narxlari preyskurantlarini manfaatdor vazirliklar va idoralarga yetkazsin.

3. Vazirlar Mahkamasining 1993-yil 27-maydagi 259-son qarori 1-ilovasining un va non narxlariga taalluqli qismi oʻz kuchini yoʻqotgan deb hisoblansin.

Oʻzbekiston Respublikasining Bosh vaziri A. MUTALOV

Toshkent sh.,

1993-yil 17-sentabr,

463-son